السلام عليكم ورحمة الله وبركاته
حبيت أعطي لأخواتي أو بناتي اللي بتكون لهم التجربة الأولى في الولادة بعض مابنقول عنها نصايح بس نقاط مهمة لو انتبهت لها بتكون إن شاء الله وبإذنه في السليم ( أنا ما أتكلم عن الأقدار لأن كل شي بإيد الله )
* توكلي على الله من بداية حملك ولا تحملين هم لحظة الولادة وعيشي حياتك طبيعية
* خلي عنك الخوف
* رسمي صورة حلوه للحظة الولادة ( ما أبالغ ) لأنها فعلاً لحظة حلوه …… مخلوق تنتظرينها بيكون في حظنك
* لاتكثرين من التساؤلات عند الحريم وعند الضرورة إسإلي الدكتور ( لكل حرمه وضع مختلف عند الولادة )
* يوم ولادتك إشربي اللي تحبينه من هالمشروبات الشعبيه ( زعتر – حليب بالزعفران – زيت الخروع – حطيه مع عصير برتقال اذا كرهتي تشربينه بروحه -حبة السوده سويها مثل الشاي وحطي معاها العسل ولاتنسين التمر ويا حظك لو حصلتي العجوه )
* لحظات الألم استعيني بربك لأنه هو اللي خلقه وهو سبحانه اللي بيسهلها عليج إقري الزلزله وسورة مريم وواصلي الدعاء لآخر لحظه لين ماتسمعين صوت المولود الحبيب وإحمدي ربج على نعمته.
* ولاتنسين خلي ابوه يأذن في إذنه اليمنى ويقيم في إذنه اليسرى
مع خالص دعائي لكل حامل بتيسيير في ولادتها وحمل خفيف بدون تعب بإذنه تعالى