كوسا بالكريما + سلطة الحمص <<بالصور 2024.

السلام عليكم

الصراحة بنات انا اعجبتني طريقتكم بعرض الصور

وقلت اقلدكم

امس سويت عشا سريع وهو عباره عن

كوسا بالكريمه و سلطة حمص و فوتوشيني

انا بحط لكم الحين الكوسا و السطلة والفوتوشيني بروحه

كوسا بالكريما

المقادير

1 بصله كبيره <<تقطع شرائح و تقلى

3 فلفل بارد يقع و يقلى

1 زهرة كبيرة تقطع و تقلى

4 كوسا تقطع دوائر و تغلى بالماء<<مسلوقه

كريمة

جبن موزريلا << او اي جبن انتي تحبينه عادي

الطريقه

[img][/img]

البصل بهذي الطريقه

[img][/img]

بعدين تحطين الصحن االي بتقدمين فيه

[img][/img]

تحطين اول طبقه البصل

[img][/img]

بعدين فلفل بارد

[img][/img]

بعدين الزهره

[img][/img]

اخر شي الكوسه

[img][/img]

هذي الكريمه

تحطينها عليه تصبين تقريبا ربع العلبه <<حسب الرغبه

[img][/img]

بهالطريقه

[img][/img]

بعدين ترشين الجبن عليها

[img][/img]

هذي صورة الجبن << اخذي اكبر كيس عشان يكفي لكل الطبخات برمضان

[img][/img]

اخر شي دخليه بالفرن يتحمر شوي و يسيح الجبن

[img][/img]

الحين السلطة

المقادير

1 علبة حمص

بطاطه تقطع مربعات و تقلى

بيذنجان تقطع مربعات و تقلى

قوطي روب <<زبادي

خبزه تقطع مربعات و تقلى

شويه ملح

صماغ

الطريقه

تخلطين البطاط مع البيذنجان والحمص

[img][/img]

تحطينه بصحن التقديم

[img][/img]

هذا الروب تخضينه <<ترجينه عدل قبل لا تفتحينه

[img][/img]

تحطينه عليه

[img][/img]

تاخذين الخبز و تحطينه على الاطراف <<انا حاطته مع الطبخه اللي فوق بالصحن اللمقالي

[img][/img]

ترشين اخر شي الصماغ عليه

[img][/img]

و بالعافيه عليكم

اتمنى تعجبكم الطريقه و خصوصا للنباتيين اللي ما ياكلون لحوم