اخواتي العزيزات حبيت افيدكم من تجربتي الي مااحد مصدقها!!!! ماراح اطول عليكم انا في بداية زواجي ما ارتحت مع زوجي ابدا وفقدت الامل في المستقبل وسمعت للناس كثير الي حرضوني اترك بيتي حتى اهلي كانوا مفكرين انهم بيربوا زوجي وبصراحه كل اعتراضاتي على زوجي كانت سطحيه يعني هومافي عيب قوي بس عارفين احلام البنات الرومنسيه 
المهم انا تركت بيتي وخليت اخوي ييجي ياخذني مع اني في مدينه واهلي بمدينه ثانيه وكنت حامل بالشهر الرابع….. واهلي وجماعتنا كلهم قالوا انتظري بكره بييجي من فوق خشمه وجلست عند اهلي سنه ونص وزوجي مافكر يكلمني ولايجيني حتى يوم ولدت ماجى لاهو ولااحد من اهله 
وطبعا بالفتره هاذي كل الي كانو يحرضوني اختفوا حتى اعمامي وخوالي ماصاروا يردوا على مكالماتي ولااحد سال عني ولاعن بنتي وصديقاتي الي عبوا راسي بحقوق المرأه وكرامتها كلهم لاهيين شوي ويقولولي بصراحه ترى مااحنا فاضيينلك معلش طولت عليكم بس صدقوني انا اختصرت كثيرالمهم الله سخرلي واحد من اهلي ما تدخل في الموضوع من البدايه واجهني وقلي مااحد نافعك الحين ومااحد بيحس فيكي لاجى زوجك ياخذبنتك وقلي اذا قدرتي تعدي مميزات في زوجك على اصابع يد وحده احمدي ربك وارجعي بيتك ومااحد يتحمل بنتك غير ابوها. وبعد مافكرت ومالقيت احد حولي قررت اني ارجع واجرب عشان بنتي تستحق وكان شرط زوجي اني ارجع لحالي بدون احد من اهلي وبدون ماييجي ياخذني وكانت حجتو انو ماقلي اطلعي من البيت ولاغلط علي تخيلوا صعوبة الموقف على اي بنت!!!!!!!!!!!!! ومااحد توقع اني بوافق على الشروط بس انا وافقت وقررت اني ما راح افشل وتحديت نفسي اني اقدر انجح في حياتي الزوجيه وفعلا اخذت بنتي عمرها عشر شهور وحجزت وسافرت لزوجي ؟؟؟؟؟؟؟؟؟؟؟؟؟؟ والمفاجأه والامل الي ابغى اعطيه لكل وحده يائسه هو اني اناوزوجي ماشاءالله الحين اكثر من قيس وليلى وروميو وجولييت حتى اني لي عن اهلي اربع سنوات ما سافرت وماابغى اسافر واخليه!!!!!!!!!!!!!!!!!!!! يعني باختصار بقولكم احنا الحريم لاحطينا شي براسنا سويناه ونقدر نتحمل ونصبر اذا بغينا 
انا في البدايه اخذتها عناد وبعدين انا علقت فيه زي ماعلقتو فيني 
معلش طولت عليكم بس اتمنى اني اكون اعطيت امل لأي وحده تعاني في زواجها وانشالله في موضوع ثاني احكيلكم العقبات الي مرت علي والله ساعدني اتخطاها؟؟؟؟ والله يوفق الجميع ويسعد كل الحريم ولا تنسوا الدعاء والاستغفار فهم يصنعوا المعجزات
…
بس انا و زوجى كنا انحب بعض قبل الزواج وبعد الزواج تغير حاله كثير وكل مرة افكر اروح بيت اهلى بس افكر فى اطفالى وهو ما يبغانى اروح يبينى اقعد بالبيت بس معاملته ما تغيرت والله مليت
الله يفرررررج همى سامحينى عالاطالة
وهذي نعمه اشكري الله عليها
والله يوفق كل البنات
ويسخر لهم ازواجهم
اميييين
وتقبلي مروري
والله يديم عليك السعادة في ظل من تحبين
نصيحتي لك دائماً فكري بعقلك قبل قلبك
الله يوفقك دنيا وآخره.