مرحبا لكل اعضاء المنتدى الجميل اشتقتلكم كتير واشتقت اني اشاركم في مواضيعكم بس غبت فتره بسبب سفري لعند اهلى لحتى اولد…
المهم…
انا بكريه يعني اول ولادة لالي .. الحمدلله الله رزقني بولد سميته قصي
كان حملي الحمدلله سهل وما عندي وحام كنت ادعي ربي الله يسهل ولادتي .. دخلت شهري التاسع وانا كنت اعتقد انو راح اكمل كل شهري بس يا خساره اخدت من شهري فقط الاسبوع الاول..
يوم 21-نوفمبر-2010 الساعه 2 بالليل حسيت انو في اشي نزل علي فكرت حالي عم ابول لا ارادي بس لما قمت وفقدت حالي لقيت انو لا لون ولا رائحه للي عمل ينزل علي عرفت تماما انها مية الراس.. المهم رجعت نمت ههههههههه ما كنت كتير مهتمه بس ما كان في وجع ابدا
طلع الصبح وخبرت امي وحكتلي انها مية الراس فطلعت انا وامي وجوزي عالمستشفى.. من هون بلش الفيلم ههههههه
اخدو كل المعلومات عني وحكالي الدكتور تفضلي عشان نفحصك.. انا متل الهبله ما بعرف من وين راح يفحصوني وما بعرف شو راح يعملو المهم فحصني الدكتور فحص داخلي يا ويلي على هيك فحص يا ويلي فئعت من البكا على قد ما هو بوجع … 
المهم ضلو يفحصوني طول نهار المهم فحصوني فحص داخلي 4 مرااات طبعا انا لما كانو يحكولي عندك فحص كنت اتمنى الموت ابل ما انفحص
بلش عندي الطلق الساعه 7 بالليل يروح ويجي وجهع الضهر والبطن نفس وجع الدوره..
طبعا طولت وانا اطلق لانو ما اعطوني ولا اشي حكالي الدكتور راح نتركك براحتك تطلقي..
الطلق المزبوط بلش الساعه 12 بالليل يا ويلي طبعا اخدت شاور بماء ساخنه لانو بساعد كتير للطلق المهم صار يبلش عندي التوسع ولما وصل التوسع عندي 5 سم ما قدرت اتحمل الوجع طلبت يعطوني ابرة الضهر لانو بصراحه متت وجع.. تزكرت جوزي وامي انا كنت ابكي وهمه يبكوا معي
الساعة 3 الفجر صار عندي التوسع 10سم اجت الدكتوره وحضرتني للولاده والحمدلله بخلال 10 دقائق كنت والده والحمدلله ما صار عندي تشققات ولا تقطيب ولا شي
الله يسهل ولادة كل حامل متل ما الله سبحانه سهلها علي والله يرزق كل محرومه الذرية الصالحه يا رب
جبت قصي بوزن 2 كيلو و 700 غرام والحمدلله كان كلو طبيعي وصرت ارضعه رضاعه طبيعيه وليكو جمبي وببعتلكم بوسه كبيره الكم
ان شاء الله دوم ولاداتك سهله
ربي يحفظ لك قصي ويرزقك بره
الله يخليلك اياه ويفرحك فيه
ويجعله من الابناء الصالحين اللهم امين
والله يسهل ولادتي وولادت كل وحدة حامل
والحمد لله على سلامتك وسلامة قصي
الف الف مبروك
يتربى في عزكم
اعرف اني ثرثاره بس تحملوني
لا قوة الا بالله
الله يخليلك اياه ويفرحك فيه