قصة حملي وولادتي الجزء التاني – للحمل و الولادة 2024.

وصلنا المرة هديك لما زوجي رجع من السفر ولقيني منفوخة

المهم هو كان الو شهرين ما شافني كان بالامارات وانصدم لما شافني هيك:
وانبسط لإنه دايما بدو اياني انصح .. واخيرا تحقق الحلم المستحيل
بس للأسف فرحته ما طولت كتير ( هاي القصة بحكيلكم اياها بعدين)
ليش بتحبو تطلعوني عن الموضوع
المهم كان الي اسبوعين بالتاسع وانا بس ابدا بالشهر التاسع النوم بضيع من عندي ما بعرف وين ببروح شكلو بياخد اجازة
ما تفكروا لإني بكون خايفة من الولادة
لاااااااااااااااااااااااا
ولا يا حزركم ليش ؟
لإني من الثقل ما بقدر انا وبكون صعب علي اقلب حالي لإنه انتو مش متخيلين كيف بتحول وانا حامل
وبعدين البيبي بكون يلعب جوا كرة قدم ومرات شكله بشارك في الاولومبيات
الله يعينا اذا بنحمل بنتعب واذا ما بنحمل بنتعب ان شاء الله ربنا يعوضنا بالجنة

المهم مر اسبوعين على وجود زوجي وكل يوم بحكي يا رب اولد يا رب ريحني من هالتعب
وصار زوجي يمشيني كل يوم وعاد انا ما بقدر امشي بسرعة وانا مش حامل كيف عاد وانا حامل
حسيت حالي زي السلحفة اللي حاطة في بطنها بطيخة
وهو بمشي وماخد راحته بفكر حالو بسباق الماراثون
المهم اجت اللحظة المنشودة
وكان ذلك في يوم الثلاثاء في تاريخ 17 / 6 يعني بعد عيد ميلادي بيوم بس انتو مفكرين انه في هاي اللحظة كنت اصرخ لاااااااااااااااا غلطانين

طبعا كان هاد اخر يوم الي بالتاسع وحكيت لزوجي اليوم بدي اولد وديني ع الدكتورة خليها تعملي اشي وتولدني
وعاد طبعا خدي النصائح من اللي حواليكي الله وكيلكم صاروا بدهم يعملوني حقل تجارب اشي بحكي اشربي زيت خروع واشي قرفة واشي حلبة ووصفات اول مرة بسمع فيها
وانا ما رديت رحت ع الدكتورة وعملتلي توسع بحس انه لسة الوجع موجود من 3 سنين لهلأ وحكتلي ما في توسع غير نص سم
ومن هون للسبت بتكوني والدة
روحت ع البيت اخدت دوش ساخن :thumbوحكيت الله يصبرني ليوم السبت
ونمت
العصر طلعنا نتغدا عند اهله وبعد الغدا صاروا يخططوا بدهم يروحوا رحلة
وانا طبعا ما بدي اروح لأنه في الرحلة بدي اضل ع نفس القعدة وما بقدر كان يصيبني خدر برجلي من قد ما هي منفوخة وما بقدر اطول وانا قاعدة g[103]:
المهم حكيت شو بدي اسوي كيف بدي اطلع من هالورطة
كان عندي شوية وجع خفيف كتير طبعا من التوسع اللي عملتلي اياه الدكتور
حكيت لابو الشباب انا ما بدي اروح عندي شوية وجع طبعا دوا صمت شديد بالغرفة ..وحكالي جد بتحكي حكيتلو ليش بيني وبينك مزح
طبعا كل الموجودين كانوا بيسمعوا في الحوار حكالهم خلص روحوا انتو

حماتي ما رضيت حكت لا مابصير بلاش تكون ولادة ولازم اكون موجودة
بعدين قعدنا شوي ونزلنا ع بيتنا
رحت ع الحمام الله يكرمكم وكان نازل مني شوية دم وصرت اولول وطلعت بسرعة وحكيت لأبو الشباب وفرد عضلاته وحكالي….
هسة برووووووح…
بسأل امي
راح سأل امه وحكتله انها علامة ولادة يعني صار فيي زي اللي كذب كذبة وصدقها
وحكتلي كلي تمر وتمشي شوي صرت اتمشى واكل تمي وصار بطني يتيبس يعني يشد ابصر كيف ..

حماتي حكت لازم نروح ع المستشفى
رحنا ع المستشفى ودخلوني وفحصتني الدكتورة حكت انه ولادة بس ما في توسع غير نص سم]:
وحكتلنا اذا بدكو نستنى للصبح او بنعطيها طلق صناعي
طبعا انتو بتتوقعو اني خايفة بس لا بالعكس ما كنت خايفة ابدا لإني ما كنت كتوقعة شدة الوجع وكنت احكي كم ساعة وبمروا ( يعني متفائلة كتير )
فحكيتله خلص خليها تعطيني طلق صناعي بدل ما استنى للصبح بكون والدة ومخلصة
ااااااااااااااااااااه
يا ريتني ما حكيت هيك:

المهم دخلوني وعطتني شو بسموه هاد روب المستشفى وحكتلي البسيه لحاله طبعا انا كنت بستحي رحت لبسته وضليت لابسة الكلوت اجت عشان تشوفلي التوسع بتحكيلي ليش لابسة هاد مهو اهم شي تشيلي
ااااخ ع الاحراج الشديد:g:g[105
المهم بعدين ركبولي الطلق الصناعي وبالأول كان الوجع خفيف يعني زي وجع الدورة ودخل ابو الشباب وحماتي واخته كمان وصاروا يحكولي استغفري وادعي وصرت ابكي واحكيلهم سامحوني واحكوا للكل يسامحني صاروا يبكو معي وقلبناها مناحة وبعدين
دقت ساعة العمل … وبلش الوجع يزيد ويزيد ومش راضي يوقف وطبعا خلوا الكل يطلع من عندي وبلشت اصرخ وانادي عليهم واحكيلهم بدي امي جيبولي امي::g[105
طبعا امي ما كانت تعرف اني بالمستشفى لإنها مريضة ما بنحب نتعبها معنا ونفسيتها بتتعب كتير لما تعرف انه في وحدة فينا "انا وخواتي " بتولد
وقال شو حكولي انه ممكن يضل معك الوجع للصبح وانا دخلت ع 11 بالليل وحاطين فوق راسي ساعة ( تك تك تك تك )
يعني كل شوي بطلع ع الساعة مش راضية تتحرك
وبلشت انادي ع الممرضات واحكيلهم اعطوني ابرة تخفف عني الوجع حكولي خلص هلأ بنعطيكي ( ويا ريتهم ما اعطوني ) ما تفكروني متت انا لسة بكتب بالقصة]:
هاي الابرة يا خواتي العزيزات ما بتأثر ع الوجع لا بتخفف ولا بتزيد بس بترخي الاعصاب ..]:

يعني بطلت اقدر احرك حالي دخت وبطلت اقدر اعمل شي
المهم ضليت ع هالحالة وانا اصرخ واصيح وطبعا الممرضات قاعدات بضحكن وبمزحن (يعني بشوفو من اشكالي كتير)
وكل شوي بتيجي وحدة بتحكيلي انت لسة بأول واحد بدك تولدي 10 ويعني كانوا يحاولو يخففوا عني شوي بس ما في فايدة
لإنه ما في مجال للتخفيف

بعدين حسيت انه في اشي بدو ينزل مني وناديت ع الممرضة
واجت شافت التتوسع وحكتلي يالله خلص ولادة
وطبعا كان صارلي تقريبا 3 ساعات بطلق
ودخلوني ع غرفة الولادة وقعدت ع الكرسي وصارت تحيلي شدي يالله كمان شوي بعدين حكتلي خلص عدي للعشرة وما رح تحسي بشي
وبلشت اعد
1
2
3
4
5

بعدين ما بعرف شو صار صحيت ولقيت حالي بغرفة تانية

وكان ابو الشباب قاعد عندي

وحكالي الحمد لله ع سلامتك

حكيتلو انا ولدت خلص
والله ما كنت مصدقة لحتى حكالي حطي ايدك ع بطنك خلص ما في اشي جوا

حكيتلو حكيت لإمي اتصل فيها وبلشت الزغاريد طبعا
ورجعت نمت بعدين صحيت وحكيتلوا انا ولدت خلص
يعني المشهد تكرر نفسه
ولما صحيت مزبوط حكيتلو شفت البيبي وكان زعلان

ما بعرف ليش حلفتو وحكيتلوا شو في خوفتني
حكالي لما كانوا يولدو فيكي البيبي شربت من مية الراس وما صرخت
وهلأ حاطين الها اكسجين