السلام عليكم
حبيت اكتب عن قصة حملي عسى انها تزرع الامل في قلوب البعض او انها تفيد البعض الاخر
انا حملت بعد ثلاث سنوات زواج و خلال هاي السنوات مافكرنا انا و زوجي نقوم بأي فحص لانه كنا مشغولين بالدراسة و السفر . اول ما رجعنا من السفر راجعت دكتورة قالتلي عند تكيس عالمبايض( و ليس كيس عالمبيض) و عددهم كثير علما بأنه ما كان عندي اعراض التكيس و هي ظهور شعر اسود و قاسي , لخبطة بالدورة , بروز البطن . المهم انا كانت مشكلتي فقط انه الدورة عندي ملخبطة شوي من يوم يومها , بتيجيني كل شهر بس اما بتسبق اسبوع او بتتأخر اسبوع .
المهم اخدت دوا حبوب عادية و عملت ناسية شو اسمه المهم ( حرقت عنق الرحم عشان كان في عندي التهابات )
طبعا انا رجعت قبل زوجي فحكيت خليني افحص و ازبط اموري عشان بس يجي نكون جاهزين . و حكيت يمكن سبب تأخير حملي كان من الالتهابات و التكيس .
اجا زوجي راجعت عن دكتورة تانية و قالتلي انه في عندك
تكيس عالمبيض
و لحمية بالرحم
اعطتني اكتوز كدوا للتكيس .. و حكتلي انه التكيس هو مو عائق للحمل بس ممكن يأخره و ممكن يصير حمل بوجود التكيس بس علاجه راح ياخد سته شهور .
طبعا انا اللي زاد الطين بله لما ورجتني شي دائري صغير و حكتلي انا لحمية بالرحم و هاي علاجها انا بعد ما تيجيني الدورة اشيلها.
المهم رجعت عالبيت نفسيتي مدمرة عالاخر و دموووووع 
دموووووووووع
و بلشت بالعلاج و يوم
ورا يوم
ورا يوم
ورا يوم
كملو
المهم في هداك الايام و كان الي يا دوب ماخدة الدوا 12 يوم تقريبا المفروض تيجيني الدورة و حكيت اه شكلها بدها تتاخر كالعادة و استني
و استني
و استني
و قعدت اسبوع بالانتظار و جتني بنت عمي و بتحكيلي ولك افحصي لتكوني حامل قلتلها مستحيل و هاد فحص البول صرت متشائمة منه على قد ما جربت و تطلع النتيجة سلبية .
المهم شفت الا و بنت عمي رايحة عالصيدلية و جابته و بتحكيلي هلأ بدك تفوتي عالحمام و تعملي الفحص طبعا انا متأكدة انه مستحيل خاصة انه الدكتورة 
قالتلي انه حتى لو صار حمل مع التكيس حملك ما راح يثبت عشان اللحمية اللي برحمي و خاصة انها جاية في الموقع اللي ممكن تنغرس فيه بويضة الحمل .
شو بدكم بطول السيرة .. دخلت الحمام و عملنا اللازم و طلعت النتيجة حامل :yaaahoooooooh [1]:
يا ربي سبحانك كيف احمل الدكتوره ربنا يريحنا منها و من علمها كانت حاكيتلي استحاله احمل قبل ست شهور و ما عطتني لو ذرة امل.
المهم ركضت عالمختبر عملت فحص دم و بعد ساعة حكو معي حكولي اني حامل و خبرت زوجي و انبسطنا .. رجعت للدكتوره قلتلها اني حامل و انك حكيتلي انه صعب حكت ما في شي بعيد على ربنا طيب ليه ما حكيت هيك من قبل المهم مو انها تكل فرحتي قالتلي انتي مع اللحمية صعب جدا حملك يستمر يا ربي 
و ازا استمر بيستمر للسادس ان كترت او يولد الطفل بتشوهات و يموت يا ربي وين . وانا بحكيلها يا دكتور ليكون اللي شوفتيها قبل كان حمل مو لحمية بتحكيلي لأ انا متأكدة بس انا حاليا مو مبنة معي عشان كيس الحمل مخبي اللحمية طلعت من عندها رحت على دكتورة استشارية فحصتني حكتلي انتي عندك حمل و تقريبا صارلك شهر الا ايام يعني تخيلو انا لما رحت للدكتورة كنت حامل و حكتلي انا مو شايفة لا تكيس ولا لحمية . ورجيتها الصور اللي كانو معي من الدكتورة السابقة قالتلي انا مو عارفة كيف شافت التكيس و بعدين التكيس بده علاج ووقت مستحيل يكون راح معك بهالسرعة .
ورحت على دكتورة تالته و قالتلي نفس الكلام, المهم ضلت نفسيتي تعبانه من كلمتها انه اللحمية ممكن تكون تحت كيس الحمل و ضليت للشهر السابع و انا تعبانه بعدين مع الفحوصات اطمنت و اكيد كنت اخد مثبتات طول فترة حملي للشهر السابع . و طبعا الدكتورة التانية قالتالي لا تسيتمري على علاج التكيس ( اكتوز) و انتي حامل .
المهم انه يا عزيزاتي:
اولا : انه لما يكون عندك مشكله روحي على اكتر من دكتورة لا تستمري عند وحدة معينهو تصدقيها مع انه الدكتورة هاي اللي غلطت معي مشهورة جدا و معروفه بالخبره بس الخطأ وارد تخيلو لو اعطتني حبوب تذويب اللحمية و نزل الحمل شو بكون استفدت منها. مرة اخوي نفس الشي صار معها كمان عند دكتور كتير ممتاز حكالها انه هاي واعطاها ادوية راجعت دكتورة تانية و قالتلها هاد حمل . فسبحان الله و الحمدلله
ثانيا : انا يمكن اللي ساهم بعلاجي شرب المردقوش و الميرامية . انا لما حكتلي الدكتوره الاولى عن التكيس عالسريع مردقوش صبح و مسا و الميرامية و جبت المره شربتها مره واحدة بيحكو عنها منيحه خاصة لسحر الارحام و بتنظف الرحم منيح .
و الحمدلله ربنا رزقني ببنوته حلوة ربي يحميها و يعطيكم و ما يحرمكم من الذرية الصالحة ابدا.كونوا على ثقة بالله و بس
وجعت روسكم
وانا معاكي الوحدة لما يكون عندها مشكله لازم تروح على اكثر من دكتورة لحتى تطمن