السلام عليكم ورحمة الله وبركاته
ارجوكم تنزلو موضوعي
انا بنت طموحه جدا في راسي افكار كثيره حلوه وقويه احب اتعلم كل شي
لكن بالفتره الاخيره ما ادري ليه بديت افكر بامور مزعجه وسيئه
كل صاحباتي الي خطبت والي تزوجت او كملت دراسه او توظفت ما عدا انا
يعني انا مو ميته على الزواج او الخطوبه بس فعلا حابه اكمل دراستي او اتوظف
لكن موضوع الزواج يزعجني و ما احب احد يدعيلي به
وحتى مع الاسف الي تقدمولي كلهم اشكال ما تسوى ريال مو غرور مني او تكبر بس هاذي هي الحقيقه او شياب اغنياء ليه لاني فقيره وابوي متوفي والناس تتصدق علينا
وكرهت الزواج و احس ان خلاص مو من حقي اتزوج او احب ولازم اقضي عمري كله بشغل و الدراسه الى ان اكون نفسي واصير انسانه مو بحاجه لاحد و ارد الصدقات الي تجينا و نصير انا واهلي بخير
بعدين افكر اتزوج
مرات افكر ودي اخذ اهلي ونروح مكان بعيد ما احد يعرفنا فيه ونبدا من جديد ونقطع كل علاقتنا بالناس الي عرافناهم لكن ارجع افكر كيف لو مره جى واحد يخطبني و عرفنا ويطلع من الي تصدقو علينا ممكن وقتها اموت من الالم
يعني الوحده صارت تخليني افكر باشياء انا في غنى عنها الدراسه و الجامعه كانت لاهيتني عن امور كثيره عن امور مجرد ما تمر في بالي احس بضيق وخنقه ودي ابكي
احسن الي يسوى والي مايسوى صار يتكلم معنا و يسوي من نفسه شي بس لانه معتقد ان اوكيه هم فقراء وايتام خلاص مالهم قيمه
مرات اقول ليه ربي ما اخذني بدل ابوي كان الحياه بتفرق وبتكون احسن
معقوله انا لي فايده في الحياه معقوله انا ممكن اسوي شي يخلي الكل يحسبلي الف حساب واصير انسانه مهمه وما احد يتجرا يتكلم معنا وش الفايده من وجودي
صار فيني شر وكره لكل الناس الي عرفتهم بحياتي
ما احب احتك او اختلط فيهم او اكلمهم خلاص كرهت الدنيا مليت من كل شي
طبعااا لك فايدة في الحياة .. مجرد دعواتك للمسلمين فايدة
فكيف بعملك ووجودك .. السؤال هل انتي بتعملي شي يستحق ! ولا بس بتفكري ؟
بالنسبة للعمل والدخل ممكن لو عندك تبدي بشي بسيط
عمل تجيديه وتشتغلي فيه ، زي الاعمال اليدوية الطبيخوالتصميم او بيع بالنت
او حتى تنظيفك واهتمامك ببيتكم واهلك عمل مفيد جدا جدا
وهرجة الزواج . ليش مايسوون ريال ؟
اللي كان بيتصدق هذا اجره ع الله مو انتي تحسي انك ماتبغيه عشين دا السبب
هي صعبة شوي لكن دامه رجال طيب . لاترفضي
اهم شي الاخلااااااق ..
واتوكلي ع الله وادعيه ثم خدي بالاسباب يرزقك
شيلي الحياة التشاؤمية دي ولاتخلي لم وقت فراغ انشغلي بقراءة او اي شي تحبيه
عشين ماتلقي وقت لدي الافكار اللي تحبطك
|
المشاركة الأصلية كتبت بواسطة القطة السمراء
 وعليكم السلام ورحمة الله وبركاته
طبعااا لك فايدة في الحياة .. مجرد دعواتك للمسلمين فايدة |
كلام موزون بورك فيك
|
المشاركة الأصلية كتبت بواسطة القطة السمراء
وعليكم السلام ورحمة الله وبركاته
طبعااا لك فايدة في الحياة .. مجرد دعواتك للمسلمين فايدة |
اهنيك صراحه
ومن ناحية النقص والضعف دامك انتي شايفه هالشي او حاسه فيه وتقولين حنا ناس ضعيفه كيف تطالبين الغير انه يشوفك قويه ولك مقامك ؟ هالشي انتي اللي تخلقينه بافكارك وافكار الناس
وتفائلي خيررر وياما عند الله من الرزق الواسع لكن ادعي ان الله يجيبه
وهذا هو عملك مو الوظيفه ولا القوه لكن زيدي ثقتك بالله وانشري هالثقه والتفائل بين افراد اسرتك
اكيد لك فائده ولا ليش ربي خلقك الله له حكمه في كل شئ
تقدري تشتغلي وتفيدي اهلك قولي بس يالله وتهون عليك
صعبه تتزوجي شخص يتصدق عليك صعبه جدا ومو هينه
لكن لا ترفضي كذا استخيري وفكري ما تدرين يمكن خير لك