فشه خلق من بنت الجبيل الصناعيه الجديده مجابة 2024.

هاي بنات ..
السلام عليكم ..كيفكم ..تمنياتي لكم بدوام الصحه والسعاده 🙂

بصراحه اطلعت على مواضيع الاخوات في هذا القسم ولله الحمد ما اقدر اعتبر موضوعي مشكله بكثر ماهي غصه مجرد لحظات ومع اخر كتابتي للموضوع تروح باذن الله ..
لكن بما ان السالفه فيها فضفضه .. هذا كلام في نفسي ماقلته لاحد وحبيت اشاركم فيه اخواتي في الله ..
بختصار انا بنت توني متزوجه من قريب .. واعيش بالجبيل الصناعيه حاليا .. بصراحه عقب زواجي توقعت ان كل من اعزه يفقدني خصوصا اني انسانه طيبه وربي شاهد اني ماقد ظريت احد وانا احب لناس الي احبه لنفسي .. لكن اكتشفت ان الطيبه في هالزمن مو كفايه .. عقب زواجي .. صديقاتي تخلو عني ولا كاني وقفت معهم وبديتهم على راحتي ونفسي .. وكثير من قريباتي كذلك ما اهتموا لي ابد ولا كاني عايشه حتى بعضهم ماتكلف يبارك لي بزواج !! و الان في هذا الشهر المبارك .. الي تحله فيه جمعات الحبايب والذكر الطيب.. وانا وحدي في مدينه ما اعرف فيها احد عزت علي نفسي حيل حيل .. ساعات تجيني غصه واحس ودي ابكي .. و زوجي كثير طيب معي وشايل همي وماوده يخليني لحالي وانا ما احب احس اني عاله او هم وازعج غيري .. لكن انا من جد حزناااانه على الصداقات الي بنيتها سنوات طويله واختفت بالهواء .. زعلانه على الطيبه واحسان الظن بالناس .. وجحدهم لي !! حزنانه على كل دقيقه بديت فيها الغير على نفسي وراحتي .. ويوم احتجتهم .. لاحياه لمن تنادي .. بديت انسى اذا الناس باقي فيها خير او لاء اضحك على صديقه يوم تبي تبارك لي بزواج تدق علي مس كول وتسكر .. بذمه وين اودي هالحركات .. ااه للاسف ياليت يرجع فيني الوقت واعيد اختار صداقاتي .. قالوا اتبع مبكيك ولا تتبع وضحكك واتوقع ان المثل سليم ..

اعذروني اخواتي انا ماتحفظت على كلماتي ولا رتبتها وطلعت عفويه..جتكم من قلبي الى قلوبكم.. وشكرا لمشاركتي موضوعي

ملاحظه .. اختي فيونكه صفراء اطلعت على احد مواضيعك ولذلك ارسلت لك 🙂