بســــــــــــــم الله الرحمــــــــــــــــــــن الرحيــــــــــــــــــــم
راح احجيلكم على الكباب العراقي وطريقة عملة بصورة مضمونه :
طبعا الكباب العراقي الاصيل يكون من لحم الغنم الخالص ((الغنم العراقي ابو اللية)) ياخذون الخواصر ويسوه كباب. بس هاي شوية صعبه…لانه الغنم لحمه قليل ولهذا ناخذ لحم العجل ونخبط ويا لية الغنم .
المقادير:
1- كيلو لحم عجل صافي مع 200-300 غرام لية غنم , تفرم فرم ناعم جدا.
2- بصلة بيضاء متوسطة الحجم واحدة.
3- ملح
4- بقصم ناخذه من الافران , وبلاد الجوار يسموه قرشلة ثلاث ملاعق طعام.
طريقة العمل:
…………………………
ناخذ البصلة ونبرشه برش ناعم بصحن ..
طبعا البصلة راح اذب الماي مالته وهنا يكمن السر, لازم البصل المبروش يتنشف من الماي
مالته لانه هذا الماي هو سبب اساسي من اسباب فشل الكباب ويوقع من الشيش.
يضاف البصل المبروش المتنشف من الماي((شلون يتنشف: اخذوا بيدكم وعصروا)) الى
اللحم المفروم وتضاف القرشلة اليه وملح حسب الرغبة وهنا يبدي العجن , يعني شكد
مابيكم لازم تعجنون باللحم .
ورا متخلصون العجن تحطوا بالثلاجه لمدة ساعة على الاقل.
هسه نجي على الشياش,,,,,,,اهم شي الشياش لازم تكون نضيفة ومغسولة زين وناشفه.
نطلع اللحم من الثلاجه ونبدي انشيش ,,,,,
افضل طريقة للتشيش هو تاخذ كمية من اللحم على قدر الشيش وسويه طوبه بيدك بعدين طوبة اللحم ادخله بالشيش وتبدي تفرد بيه .
نار الشوي لازم تكون قوية مو هادئة , ومن تشوي الكباب بالبداية اول دقيقتين لازم اضل تقلب بالشيش حتى اللحم يستوي بصورة متساوية ,
اذا استوت جهه كلش والجه الثانية بعده راح يوقع اللحم وتفشل الطريقة .
ولاتنسون ترشون الســــــــــــــــــــــــماك فوق الكباب
ولاتنسون الريحان العراقي يخبل شلون ريحة عليه 
ولاتنسون الطماطة الشوي 
ولاتنسون الجاي على الفحم
ولاتنسون البصل المشوي اويلي عليه تدرون شلون تشون البصل , من اشيشون البصل خلو
بين بصلة وبصلة قطعة صغيرة من اللية ليش حتى تستوي البصلة زين وصير لينه وتخبل.
تحياتي اكلوا الــــــــــــــــــف عافية
بنات بنات اوكفوا مو بس هيج بعد المصيبة الكبرى لو تاكلون هالكباب وي خبزة امي يصير بيت الحجيه مضيف منور بيكم
تقبلوا تحياتيسلر ام امير السهلاني
متناوشيني خبزه ههههههه
|
المشاركة الأصلية كتبت بواسطة عسل العراقية
 اوووووووه شي ناهي عاشت ايدج
متناوشيني خبزه ههههههه |
ههههههههههههههههههههههه مو تدلل عسل
|
المشاركة الأصلية كتبت بواسطة taghreed_1991
عاشت ايدكم كلكم وبالعافية عليكم كلكم حتى بالعافية على عيوني الي كاعدة تباوع
|
هههههههههههههههه بالعافيه عليج توته
بس ماينفع مع لحم دجاج ?