عمري 18 سنه و لا اتقن شيئا من شغل البيت
بسم الله الرحمن الرحيم
حبيباتي كيفكم ..
انا بنت عمري 18 سنه ..
طول عمري و انا بيشتغلوا ببيتنا كميه من الشغالات ..
يعني ما ارفع حتى كوب ماي ..
المهم الحين كبرت و انا ما اعرف اي شي ..
حتى يوم اكون ببيت جدتي و يقولون لي غيري ملاية السرير .. او واحد من خيلاني يعطيني ملابسه اكويها او كذا مررررره انحرج ..
و استحي اقول ما اعرف بس بعدين اخربها ..
انا نفسي اتعلم بس مدري كيف ..
و امي بالبيت حتى هي ما تسوي شي ..
عشان كذا ما تشجعني ..
و انا صرت احب اسوي اشيائي لحالي ..
و بعدين اذا تزوجت ما ابي شغاله تلمس اشياء و اغراض زوجي ..
بس امي تمنعني اجلس مع الشغالات ..
و ابوي ما يخليني اروح لبيت جدتي كثير ..
و ما لقيت الا انتو ..
شسوي بنات و الله ابسط الاشياء ما اعرف اسويها ..
و بالاضافه لكذا انا احب الطبخ بس بعد امي ما تخليني ادخل المطبخ و اذا دخلت تنهرني و تقوللي اني بحوس الدنياا 
ماهم بمعطيني فرصه اسوي اي شي و انا خلاص كبرت و كل اللي بعمري ماسكين بيوت
المراة بطبيعتها تدبر حالها وعندها غريزة الميول وتدبير احوال المنزل فلا تخافين عندك منتدانا الكامل تصفحي التدابير المنزلية الطبخ و الحلويات……….. وانا اكيد رح تتعلمي و اذا احتجتي شيء لا تترددي انا انشاء الله رح افيدك في اطار خبرتي انا جامعية ماكثة في البيت وربة منزل ممتازة بشهادة الغير
أختي لما تكون أمك برا طالعة استغلي الفرصة و دخلي للمنتدى وركزي على طبخة وحدة سواء رز أو كيك و طبقيه و سوي كمية قليلة حتى تضبط معاك و إدا اختربت عليك ارميها و لكن حااولي أنك تضبطي الشغلة لأن ماهي صعبة لهاد الدرجة اللي انتي خايفة …وكل مرة تعلمي شي ..وادا ضبطت خلي امك تدوقها ليش لا …وأما الملابس و غيره نفس شي لما ماتكون أمك متلا طالعة للسوق أو لحريم أو شي و انتي مو معاها ..خلي الشغالات يعلمونك الكوي و اشياء غير عادي قوليلهم وهم أكييد عارفينك ماتعرفين شي ..المهم كل شي بالتدريج يجي مو من مرة وحد و بكدا خلال مدة بتكوني على الاقل تعلمتي الاساسيات و فبيتك ان شاء الله كملي الباقي …موفقة حبيبتي ولازم بعمرك تبدي تتعلمي حتى بعدين ماحد يعيب عليك أكيد مو فصالحك تبقي على هالحال…
almohim inti 3ndak raghba hada howa almohim wmra tizbot m3aki mra la bas lamohim tkonii bagha t3almi
استمتعي بحياتك الان.. بلا طبخ بلا هم .. بكره تزوجي ان شاء الله وتتعلمي من نفسك لحقه على الهم ..
والله يا حبيبتى تعلمى مافيها شي
تعلمي لنفسك اولا عشان تكون ثقة فى نفسك كبيره
وربي يحفظك ويرعاك
مجموعة اريج الاحبه
ماشاء الله عليكي يكفي إنك تحبي تتعلمي صدقيني راح تتعلمي أهم شيء الإصراركل شيء موجود في النت الله يسهلك ويسر أمرك
حبيبتي لاتخافي دام عندك رغبه انك تتعلمي ان شاء تتزوجي وراح تتعلمي كل شئ مع الايام انا اتزوجت وماكنت اعرف اطبخ وحتى شغل البيت ماكنت شاطره فيه بس بعد الزواج الحمدلله اعمل كل شئ بنفسي وماعندي شغاله وعندي ثلاثه اطفال.