آلصمت لـــه عندي معـــزّه ومقـــدار ..
في زحمة الافواه .. يا مزين الصمت !!
لا صار بعض البوح عند البشر عار ..
لو يشتعل جوفي حشى ما تكلّمت ـــ
تعبت من قولة : (علامك) و (وش صار )
وان طحت ما ألقى سوى كلمة (سلمت)
واعذار اخلقها ولو مالي اعذار
مشّيتها مره .. ومرات ما رمت !!
كذبة صباح الخير/ يا صبح الانوار
عذري ليا عدّت ليالي ولا نمت
اسهر طوال الليل وضْيوفي افكار
واقول لاْصحابي : نعم توّني قمت !!
ما عاد فيني ألفت عْيون واْنظار
يكفي بأني من زماني تعلّمت ــــ
ان الصدر بيت/ن .. وسكّانه اسرار
نيّام .. بس يصحون لامن تألّمت
يصحون ويناظرهم الجار والمار
وش عاد ينفع سترهم لو تكتّمت ؟!!
آقدّم اقدامي على درب الاصرار
امشي ولكن للأسف ما تقدّمت
(النار قدامي .. ومن خلفي النار !!)
والعمر يمضي بي وانا ما تولّمت
يا لين ذاك الحلم في لحظه انهار
وانا مع لحظة سقوطه تحطّمت
اجروحي اكثار..وتناهيدي اكثار
لكن على كثر المواجع .. تبسّمت !
ثم أْلتزمت الصمت وعزومي اكبار
خاص جدا
فرحة الأعياد بشوفك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزة وصل
وعيدك مبارك عسا الفرحة تجيك
والكواكب دايرة دورة زحل
والقمر طالع بنوره يحتريك
منقوووووووووووول