السلام عليكم
اشتقتلكم اشتقتولي ؟؟؟
(اقول بس لايكثر)
طولت عليكم صح تعرفون اجازه وطلعات وعزايم ولواحد مايفضى
المهم
نخش بالموضوع دغري
اثناء ماكنت احوس في النت وادور مواضيع عن الحمل وهالاشياء الخاقوقيه..عشان ازيد ثقافتي لااكثر ولااقل .. ===خشة وحده فاتحه قوقل وتبحث بعنوان ((الحمل..تاريخه ونشأته))
الزبده..تسني غيرت مسار الموضوع
اليوم وانا قاعده ابحث وابحث وابحث..وغارقه في البحث===ايقونه لابسه طوق نجاه ورافعه يدينها تبي احد يساعدها
طحت على موضوع يتكلم عن وحم المرأه الحامل===صورة الموضوع وهو يصارخ علي ويقول لي وعمى ماتشوفين انتي؟
كل حرمه بعد ماتحمل بشهر والا شهرين تجيها ايام تصير نفسيتها مخيسه وماغير تطرش الله يكرمكم وتشتهي اشياء مال امها داعي..مثلا تشتهي تاكل اسمنت..والا تشرب عطر…والا تفصفص كنب..والا تعض خشم دعلج ..واذا ماسوت هالشئ يقولون تطلع شامه وش كبرها بوجه ولدها
وهذا الشئ يطلق عليه اسم (وحم)
ماهو الوحم؟؟
اصبروا بس البس تنوره احس اني صدق مدرسه
بسم الله نبدا…
يقولون ان الوحم يرتبط بحالة الحامل من الناحيه النفسيه..وهالشئ يخليها تكره روايح واشياء كانت تحبهم من قبل…وتحب اشياء كانت تكرهم من قبل…بالعربي ماعندها سالفه ..
ويكون هذا الشئ دافع لتدمير الذات و الانتقام منها===صورة الذات وهي متوزيه تحت السرير وتبتسي وتقول ماسويت لها شئ قسم بالله
المهم..بوه دكتوره في احد المنتديات اسمها حنان القادري استشارية مشاركة بقسم النساء والولادة بمستشفى الملك فهد للحرس الوطني سألوها وش سالفة هالوحم؟
قالت كلام طويل وقاعده تقرقر عالفاضي وانا بصراحه مالي خلق اقعد انقل كلامها===طيب وشو له تقولين اسمها اجل؟
زبدة كلامي..ان الوحم مجرد ((دلع)) يصيب الحامل فتره من الزمن فتصبح غير قادره على التحكم بذاتها وتتمييع على زوجها وتطلب منه اشياء تدري انه لو يبيض مايقدر يجيبها.. ..
والحين…خلونا نسأل امهاتنا…امي الحبيبه..بماذا كنتي متوحمتن فيه يوم انك حامل فيني؟
بالنسبه لي..اول ماسألت امي..قالت لي..والله يابنيتي من يوم حملت فيك لين آخر شهر في الحمل وانا ماغير اكل من ذا المشمش اللهم ياكافي …وانا اقول وشفيهم خدودي تسذا.. واييه نرى انا صفراء امزززح امزززح انا معي حساسيه من التراب ةتصير خدودي زي المشمش
صراحه مره انصدمت…لأني كنت متوقعه انها متوحمه على القمر===على تبن ولايكثر
فيه كثير قصص سمعتها من صديقاتي… اللي امها متوحمه على لحم قطاوه..واللي على طباشير…واللي على صابون تايد…اما عاد تخيلو اللي متوحمه على صابون تايد تولد في الشهر الخامس وينزل ولدها وهو يغني ((مع تايد الغسيل مافيش مستحيل)))
عموما…اللي ابيه منكم..كل واحد يقول لي امه وش كانت متوحمه عليه؟؟
يلا لكم المايك…
ونشوفكم على خير
لاتنس ذكر الله
وحبيت اقول لج ان طرحج للموضوع واااااااايد حلو و تسلم يدج ابلة
دخلت ع الموضوع و عجبني الموضوع اكثر و لكن مو عارفة امي في شو توحمت و لكن مافي شي غريب او عجيب يعني توحمت ع اشياء عادية و هم بعد بسالها و برد عليج
وتسلم يدج ع النوضوع الحلو
انا أمي توحمت على أصبع جارتنا ههههههههههه لا تستغربي
ولما نولدت اجا اصبعي مثل اصبع جارتنا ههههههههههههه
تحياتي حبيبتي
هههههههه سألت امي بشو توحمت فيه … بتحكيلي والله مش متذكره شو اكلت اليوم خخخخخخخ
وانا بحكي طالعه نسايه لمين