السلام عليكم و رحمه الله و بركاته
انا جايه انصحك لوجه الله
لا تسكرين الموضوع و تتمللين منه لانك لو سويتي كذا اعرفي انك متأكده انك على خطأ و انك تسوين شي حرام
اذا كان الله مبتليك بلبس عبايات الكتف او العبايات المزينه او المطرزة او المخصرة …الخ
تعالي اقري رسالتي لانك في امس الحاجه لمن ينصحك و يصحيك
اولآ: ليش الله اوجب علينا لبس العبايه ؟؟؟
عشان تغطين مفاتنك عن عيون الرجال الاجانب
و تحفظين نفسك منهم صح و لا لا ؟؟؟؟
طيب لو كانت عبايتك على الكتف او حتى مزينه او مخصرة ..تسمين هذا تغطيه مفاتن او اظاهرها و تزيينها كمان زياده ؟؟؟؟
جاوبي على السؤال و كوني صريحه مع نفسك و تعوذي من الشيطان
ثانيآ: للي تتحجج بان العبايات الي على الراس شكلها يفشل
يعني تتفشلين من انك جالسه ترضين ربك و تسوين الي امرك عليه و انك غلبتي الشيطان و صرتي اقوى منه ؟؟؟؟
باالعكس مفروض تكونين في قمه الفخر
و للي تتحجج بان هذا من الموضه اصلن دين الله ما يتغير البسي ملابس على الموضه اكشخي و تزيني بس في حدود الله
عبايتك مالها شغل بزينتك او الموضه لانها حفظ لك و عباده لله
ثالثآ: الصحابيات رضي الله عنهم من اجمل النساء و لا تنسين هم كانو ازواج الرسول عليه الصلاه و السلام
ليش ما شافو انفسهم و قالو خلاص حنا زوجات نبي الله بنلبس عبايات مزخرفه او مزينه ؟؟
هم اولى صح و لا لا ؟؟
رابعآ: اذا كنتي تلبسينهآ اعرفي انك اغضبتي ربك و ارضيتي الشيطان الي بسبته نعصي الله
و اعرفي انك فضلتي رضا الشيطان على رضا ربك الي انعم عليك و اكرمك و خلقك في احسن صورة
سبحانه و تعالى
خامسآ: الله اذا اراد الخير للعبد يهديه الى سراطه المستقيم
فاذا كنتي تمشين ورا الشيطان اعرفي ان الله ما يبغى لك الخير
يعني خسرتي كلللللللللللللللل خير و كل سعاده في الدنيا و الاخره و مو اي خسارة !!!!
لكن ان رجعتي لصوابك و تبتي فان الله تواب رحيم
سادسآ: "قل ان كنتم تحبون الله فاتبعوني يحببكم الله و يغفر لكم ذنوبكم " فاذا ما اتبعتي الرسول
و لبس هالعبايه يدخل من ضمن عدم اتباع الرسول عليه الصلاة و السلام
معناتها انك ما تحبين الله سبحانه و ان ما اتبعتي ربك فهذا سبب لعدم حب الله لك
و هذا مقتضى الايه الكريمه
و كيف بتعيشين حياه حلوة و سعيده و الله غاضب عنك و لا يحبك ؟؟؟؟؟؟
و كيف بيدخلك جناته و انتي تعصينه ؟؟؟؟؟؟
سابعآ: انك طول ما انتي لابسه العبايه الي على الراس و الي مو مزخرفه او مخصرة
انتي تاخذين اجر و حسنات طول ما انتي لابستها و انك في عباده
و انك طول ما انتي لا بسه عبايه الكتف او المخصرة او المزخرفه انتي تاخذين سيئات طول ما انتي لابستها
حرآآآآآآآآآآآآآآآم و الله حرام تخسرين رحمه ربك و غفرانه و تخسرين جناته عشان شي جداااااااااااااااااااا سخيف
صح و لا لا ؟؟؟؟؟؟؟؟
يعني وش تفضلين هالعبايه او جنات ربك سبحانه ؟؟؟؟؟
حتى لو كانت الزخارف سودا زي ما يتحجج البعض
لا توهمين نفسك انها حلال
الشيطان هو الي يوسوس لكـ اختي
ثامنآ : البنت الي واثقه من نفسها و تحب نفسها راح تغطي جمالها عن عيون الرجال
لكن اذا حست انها رخيصه راح تظهر مفاتنها للنفوس الرخيصه
يعني انتي ما راح تستفيدين شي
بالعكس الرجال اذا شاف الحرمه ساتره احترمها
لكن اذا شافها متزينه يقوم يستخف بقدرها و عشان كذا يغازلها
لكن لو كان يحترمها كان ما غازلها
تاسعآ: الي تقول انها تسوي كذا عشان تلقى لها زوج اقولها تراك تتوهمين لان الرجال ما يحب الي تظهر مفاتنها للكل
و يحب الحرمه الساتره العفيفه
عآشرآ : ان حسيتي نفسك تاثرتي بهذي الرساله اعرفي ان هذي بدايه خير
و ان الله يبغى لك الخير اختي و ان عندك ايمان لكن
فيه ناس الايمان عندهم مثل السكر في الشاي يبغى له تحريك بس
و الي عليك الحين الاستغفار و التوبه و ترمين هالعبايه الي خسرتك اجر عظيم
" الا من تاب من بعد ذلك و اصلح فان الله غفور رحيم "
و ابشري بالرحمه و الغفران و السعاده و الأهم .. حب الله و الجنه
لكن ان كنتي ما تاثرتي بها …. ما اقدر اقول غير الله يهديك و بس
و اخيرآ … ان كان الله منعم عليك و تلبسين العبايه زي ما امرك الله بلبسها
و بكل شروطها
فانتي محظوظه و اسال الله لك الثبآآت و لا تتركين هذا الشي لانه نعمه عظيمه جدا
و لا تنسين اخواتك الي مبتليهم الله بها ارسلي هذي الرساله لكل الي تعرفينهم
ان شاء الله تكون سبب هدايه الكثير
و بارك الله فيك
و لك مني خاااااااااااااالص الاحترآآآآآآآم و التقدير
و صلى الله و سلم و بارك على نبينا محمد
و مع السلآمهـ
وبصرااحه بعضهم يفتنونا إحنا يالحريم كيف الرجال؟؟؟
