صار معي شي فظيع
انا حامل بالشهر التاني وبكرية اليوم وانا بصلي الظهر نزل مني دم كتير ورحت عالمستشفى حكولي مو نزيف والرحم مسكر بس دم كثير لهلأ في دم المهم عملت سونار الرحم صار صغير والجنين مبين بي لسه ا مبين في نبض ولا شي شو رأيكم ؟؟
احتمال اجهض
ربي يلطف ويتولى امرك ان شاء الله ما بصيرلك الا كل خير اهم شي ريحي حالك ونامي على ظهرك والله يثبت حملك ان شاء الله
يارب يديكي كل شي فيه الخير يارب
الله يثبت حملك يارب
يارب يا قدير يثبت حملك ويبعد عنك كل مكروه يارب
الله يتمم حملك ويثبته ويرزقك منه قرة عينك
يمكن الدم الي عندك مش اجهاض بما انه الرحم مسكر
ارتاحي بهاي الفتره وراجعي دكتورك وشوفي ش سبب النزيف احيانا بكون في جرح بالرحم
او يمكن تكوني حامل حمل غزلاني يعني بجيكي دم بكل موعد دوره والله اعلم
الله يثبت حملك روحي تاكدي من الطبيب
والله الي صار معي بخوف كتير يارب ما دوئو ولا وحدة فالعالم لما شفت الدم ارتعبت خفت كتير صرت ارجف واجت عندي حماتي واخدتني عالمستشفى عملولي فحص داخلي ولئيو عنق الرحم مسكر بس حكولي الدم مو كتير لنحكي نزيف المهم هاد الحكي الساعه 3 الظهر ضليت لل7 المسا وانا اوجاع متل الدورة تمام لا اكتر ولا اقل انا الدورة بس تيجي بتعب منها كتير نفس اوجاع الدورة اول ما تيجي المهم فجأة صرت اشوف مع البول قطع وما بعرف شو بس كان البي حاسسني انه لسه البيبي موجود عال7.30 رحت عالدكتورة حكتلي اجهاض بس انا مو مقتنعه لانه بتعرفو شو انا شفت الكيس كبران عن الاسبوع الماضي بس الدكتورة بتحكيلي لما تقارني البيبي بغيرو يلي بيسنه هو نموه ابطئ حكتلي معجزة من ربنا يكمل والرحم صغران وبعمل انقباضات عشان يطرد الجنين بتعرفو انا زعلانه صح بس والله الحمدلله على كل شي انا مو مهم عندي اكون حامل وبس انا المهم عندي يكون الجنين سليم فيا بنات لا تستتعجلو عالحمل ضلكم ادعو يصير الحمل بس يكون سليم انا متاثرة كتير مو شوي لاني بكريه وما صرلي 7 شهور متزوجة وانا انتئلت على مكان جدئد بعد الزواج واهلي بعاد عني ونفسي امي تكون معي هلا ادعولي ازا البيبي صحته منيحة يجي عالدنيا وافرح فيه وازا صحته مو كويسه انا بتمنى من ربنا يرحمني واجهض يااارب خير