شفتها شوفة يتيم (ن ) شاب في سن الطفوله
من أمه اللي في ثلاث سنين وافتهـا المنايـا
ويوم حال الحول لأمه مات أبوه وحال حولـه
ويوم صار العمر خمس سنين بانت له خفايـا
لا بقى طفل (ن ) صغير ولا بلغ سن الرجوله
كافله جـده لأبـوه وعذبـه عنـد الرعايـا
مالك(ن) جسم(ن) سليم ومالك نفس(ن)خجوله
والبلاء من سوء حظه جاثم(ن) بين الحنايـا
والله أني مثل ذاك الطفل والصدمـة مهولـه
انصدمت وغيـرت عنـدي تقاسيـم الخلايـا
صرت أفكر فالشباب وصرت أفكـر فالكهولـه
وصرت أفكر كيف اعيش العمربأقل الخطايـا
والله أني من رجال(ن) ما تهاب ومن حمولـه
بس قلبـي مايطاوعنـي ولا طـاع الوصايـا
كني اللي غير العنـوان مـن دولـه لدولـه
أو معايد قريتين وضـاع مـا بيـن القرايـا
من عشير(ن) غاب عني والسفر يا طول طوله
لو أقول أني بأشوفه قبل أموت مـن الوهايـا
كل ما شاهدت زول(ن) مثل زوله قلت زولـه
والبشر دائـم تشابـه بالوصـوف وبالتهايـا
كل شيء (ن) في حياتي دائماً يـدور حولـه
وكل شيء(ن) لو يذكرني يزيد مـن الكوايـا
جعل عين(ن) فرقتنا تنعمي بأبسـط سهولـه
ما تشاهد من عماهـا لا عيـوب ولا مزايـا
تقبلوا مني أجمل وأرق المنى 
أختكم ::
خيااااالة الشرق
:g[110]:
شرفتي موضوعي
لا خلا ولا عدم
الله لا يخليني منك ياروحي