السلام عليكم حبايبى
اليوم هقدم ليكم اكله شهية جداااااااااااا
سى فود بالمكرونة مممممم
المقادير
مكرونة فيونكة او اى نوع مكرونة انتى تحبيها
سى فود(جمبرى-كليمارى-الجندوفلى-الاخطبوط)اى نوع من انواع فواكه البحر
ثوم رستو بالزيت بتاعه
بقدونس مقطع ناعم
ريحان مقطع شرائح رفيعة
ثوم عادى
بصل مفروم بالكبة
طماطم شيرى
زيت زيتون
ملح وفلفل
طريقة الطهى
نسلق المكرونة بتاعتنا فى ماية وقليل من الملح والزيت ونقلبها علشان مش تلزق فى بعض
زيت الزيتون يسخن على النار ويوضع الثوم العادى المفروم ويحمر خفيف
بعد كدة نضيف البصل ويقلب شوية وبعدين نضيف فواكه البحر وفلفل
اسود ونشوح السى فود ونهدى النار لغاية لما السى فود يستوى ويتشوح ويشرب الماية بتاعتة
ولما تقل نضع الثوم الروستو بلزيت بتاعة والملح حسب رغبتنا
ونضع معاهم الطماطم الشيرى ويقلب جيدا
بعد ما المكرونة تتسلق نحطها عليهم ونقلب المكرونة مع السى فود ولو احتاج شوية فلفل اسود نحط
وفى الاخر نضع البقدونس والريحان ونقلبهم مع بعض ويقدم بالف هناااااااااااااااااا
ما شاء الله تباااااااااااااااارك الله
روعه حبيبتي
من يد ما نعدمها
الله لا يحرمنى منك
جزاكى الله خيرا على مرورك وبالف هنا وشفا
والله يسلمك يا قلبى وبالف هنا عليكى
