السلام عليكم ورحمة الله وبركاته
عزيزاتي لدي مشكلة تؤرق حياتي جعلتني في وضع نفسي لا أحسد عليه
انا متزوجه من سنه واحب زوجي وهو يحبني وانا ساكنه في مدينة ليست بعيده عن اهلي حوالي 500 كيلو اجيهم كل شهرين تقريبا واجلس من اسبوع لثلاثة اسابيع, ندخل في الموضوع اللي هو زوجي هو فيه طيبه والحمد لله محافظ على صلاته ووسيم ومحافظ على عمله ومايقصر معي في اغراض البيت واذا عنده الماده زينة مايقصر بس مشكلته هي العصبية الزائده واحس ان فيه كبر شوي يعني لا احد يمزح معاه بشي احنا نشوفه عادي بس هو يشوفه مصيبه وما يحب يطلعني مثلا عتد بنات جماعتنا يوديني عند الاغرا ب اما بالنسبة لجماعتنا لا يعني انا وحيده مااطلع واجد لا اهلي ولا اهله عندنا واطفش مره وفي المدينة اللي انا فيها قريبتي وصديقتي مره وهي قمه في الطيبة وزوجها كذلك رحت لها مره وحده واكرمونا ويوم اقوله ابغى اروح لها يقول مافي خلاص انا مااحب زوجها مع ان الرجال طيب ، بس زوجي اعرفه مايحب يحتك بالجماعه واجد يقول اخاف يطلع علينا كلام وهو مايحب احد يعرف عنه شي بالمره , وفي اشياء وكلام صارت لي كثيرة بس مايسعني هنا الا ان اطرح عليكم مشكلتي الحاليه انا الحين عند اهلي وبكره مسافره دق علي قبل شوي وقال جهزي اغراضك انا بكون تحت باخذ اغراضك ونروح شقه ننام فيها شوي ونسافر على طول وما ابغى زعل ماراح ادخل بيتكم وقبلها بكم يوم قال لي ماراح اطب بيت اهلك ولا تناقشين ابد سألته ليشس قال سبب بايخ وغير منطقي راح اعلمكم اياه بعد ما ابين لكم تعامل اهلي معاه اهلي والله العظيم بدون مبالغة قمة الطيبة والاحترام وابوي يعامله احسن معاملة وهادي جدا وكبير في العمر حوالي 75سنه يعامله مثل ابنه تمام يمزح معه يكرمه يساعده بعض الاحيان ماليا وامي تموت فيه تعزه وتكرمه وهي عمته اصلا الموقف اللي صار اني وصلت لاهلي بالليل عشونا واكرمونا واعطونا المجلس ننام فيه هو رفض وطلع شقه اليوم الثاني طلع ابوي الصباح وجاب كيك وفطاير وحلا وورق عنب بحوالي 200 ريال واخت شرت بعد عشان نخليها حفلة وحده بقدومي ونجاح بناتها مر زوجي بعد العشاء وكان بيمشي بس جاء يسلم ضيفته وقال لي ابوي جيبي الحلى عشان يحتفل معنا قال هو لا اعذروني انا بمشي وما اقدر اجلس جلس ابوي يحاول فيه ورفض قاله ابوي انت مو مضبوط تجي ولا تتعشى عندنا ولا شي ووقتها جات امي قالت له بتروح قال اي قالت لا والله لين تتعشى قال لا والله مستعجل وبعده طلع ومشى اليوم الثاني دق وقال ليش اهلك يقولون لي كذا ابوك يقول مو مضبوط وامك تحلف علي قلت له اهلي مايقصدون وانت مثل ولدهم ومن هالكلام قال ادري بس مو انا اللي ينقال له كذا ومن اليوم ورايح ماراح اطب بيتكم انا زعلت وقلت براحتك قمت ابين له ان اللي يسويه غلط وقلت حطني انا اللي قلت لك كذا وش بتسوي قال كيفك وهو دايم يروح لاهله وبعض الاحيان مايقدر يجيب شقه فااجلس عندهم وانا في نفسي اذا سوى هذي الحركه انا بسوي مثله للعلم اهله طيبين معي وامه عسل معاي الحين ابغى الحل الله يدخلكم الجنه كيف اتصرف معاه للعلم هو دق علي الحين وقال جهزي اغراضك وماراح ادخل واخوي يسأل عنه وامي وابوي متى بيجي وهم يحترمونه بس هو صراحه مو ذيك الاحترام لسانه طويل وكلامه جدا جارح اذا تزاعلنا بشكل ماتتصورونه عادي يتكلم على عماني واذا زعلت يقول وش دخلك كيفي عنده كل الناس غلطانين وهو مايغلط ابد واشياء كثيره بس ابغى اعرف اعلم ابوي تصرفه هذا ولا اسكت واستمر معاه ولا لا مع اني حياتي معاه بالبيت حلوه نوعا ما واخر الايام كان تعامله معي مره حلو بس احسه ميطيق اهلي او بمعنى اخر مايتحمل منهم اي شي يزعل على طول على اشياء قمة في السخافه ماينزعل منها وانا قمة الاحترام مع اهله واذا قلت له تكره اهلي يقول لا انا خايفة اخبر اهلي ويتكلمون معاه ويصير زعل بالعلم هو يقول لي دايما انه من النوع الخايس اذا زعل يبيع الكل وممكن يطلق وانا مو صغيره بعمري وخايفه اتطلق ومحتاره الحين ونفسيتي تعبانه حيل وش اسوي ساعدوني
فنصيحة لاتعلمي اهلك بس تصرفي بلباقة مثل مستعجل وعلميهم وحطيهم تحت الامر الواقع كيفه يمر يسلم ولا لا
وبعدين لادامه يحترمك بالبيت فهذا الي يبونه الاهل
ولاتجبرينه على السلام وحاولي ان تحسسيه انك غير ابهة بتصرفه الين يرجع عن خطاه
والله يكون في عونك
وهالله هالله بالصلاة على النبي
وكثري من الاستخارة ان صعب عليك اي امر فاكثري من الاستخارة
والاستغفار والدعاء انشغلي بالله ينشغل بك الله فيعطيك كل ملتتمنينه بدون السؤال
الله يبعد عنك الحيرة ويبرد على قلبك والله يوفقك لخيري الدنيا والاخرة امين انه مجيب دعوة الداعين
واذا زعله شين خلاص لا تكبري الموضوع ولا تقولي لاهلك
اعتذري من اهلك وقولي اي شئ مستعجل
وحافظي على حياتك معاااااااااه هذا اهم شئ
ترى الاهل اذا تدخلون في حياة بناتهم يمكن يدمروونها
انتي اكيد فاهمه زوجك زين
خلاص خليه براحته ومع الايام راح يرجع يسلم على اهلك عادي
هي مسألة وقت وتعدي
لا تهتمي بهالموضوع كثيرر
ولا تدخلي اهلك فييه خليه كييفه
معه رح يوخدو منه موقف انتي تفاهمي معاه بدون مضاربه
زوجك باين انه حساس جدا .. وعصبي جدا .. واذا اخذ موقف من احد
مايغير هالشي فيه .. يعني ياخذ موقف منه
حآولي انك تتأقلمي على هالوضع ..
واذا جاء انزلي خذي اغراضك وقولي لي لأهلك زوجي مستعجل وروحي معاهـ
منها أهلك مايتحسسوا او يزعلوا ومنها إرضاء لزوجك ..
وإن شاء الله مع الأيام بيتغير .. وانتي حآولي تلطفي الامور بينهم
الله يسسسسعدك يارب .. ويسخر لك زووووووجك
موفقه