السلام عليكم و رحمة الله و بركاته
مــســآآء الخير
كيفكم ان شاء الله تمام
حبيت اطرح مشكلتي واللي هيا اني تعبت من زوجي ونقل الكلام
أي شيء يصير يقولو لأمو مجرد اني اقول شيء اتفاجأ اني لمن أزور أمه ألاقيها عرفه كل شيء عني و أهلي وانقهر من جد
كلمتو فهمتو حاولت وابدااااا الحال زي ماهوا ماتغير شيء وليا سته شهور متزوجه وعمر زوجي 30 يعني مهو صغير
إيش اسوي جد مليت وتعبت نفسيا
قربي ياجعل ربي يصلحك اجلسي جنبي واذكري الله
حبيبت قلبي شخص من طفولته ماله الا امه يحكي لها تفاصيل حياته ويومه..
تتوقعين اذا كبر بينساها من تفاصيل حياته اذا كبر..
عادي لاتعطين الموضوع اهميه هذي امه .. اذا كان كلامي سيشعرك بقليل من الرضاء
خوذي الموضوع من صالحك واكسبيها..
خليها مستشاركم ليه لا ام وانسانه كبيره وكذا تقربينها منك حيل…
يعني مثلا اذا حكيتي لاقرب الناس امك هل تعتبرينه عيب..
الخصوصيه حلوه مانكر.. لكن تذكري دائما انك تناقشينه بامه(امه)
وانتي انسانه جديده في حياته .. بكره بيتفهم الخصوصيه من ناحيته وشوي شوي يكون اكثر خصوصيه في حياته..
لاتنظرين لامه انها انسانه غريبه … ضعيها دائما مكان امك… وعامليها على ذلك..
نصيحة اخت عشان الله اولا وزوجك ثانيا …
توك في بداية حياتك.. لاتبدأينها بمشاكل وامك وامك وليه تقول….
اكره ماعلى الرجل واكثر مايبعده عنك انك تجيبين سيرة امه حتى لو مابين انه متضايق بكره
راح ينفجر بوجهك.. فاكسبيهم الاثنان من الان …..
اختك شماليه كفو..
ونفس كلامك
(نفس مشكلتي راسليني ع الخاص واعلمك ) خخخ بجد بديت اشك فييييييييك
نصيحه لا حد يراسلهاااا لو عندهااا حل كااان كتبته مو كل شي تقول نفسي وتعالي اقولك الحل اذا فعلا عندك حل كان حليتي مشاكلك ..
اتمنى من الاداره تنتبه لا ام نواااف
الله يسعدك يارب
شكرا لكم من قلبي على التفاعل بس يااخت شماليه انتي فاهمه الموضوع غلط
ياقلبي ياشماليه أمو ولها برها واحترامها شيء طبيعي زي ماامي لها احترامها وبرها عليا بس يجلس رجال ياكبرو ينقل كلام ع الفاضي والمليان الي ينقال واللي ماينقاااااااااااااال
انا بنت واصغر منو بكم واللي ببيتو مايخرج حتى لأمي والحمد لله انا ابر بأمي اكتر من ماهوا يبر بأمو
يستشيرها بامورو براااااااااااااااااحتو
بس أشياءي أنا واهلي شيء مو من اختصاصها اصلا والا ايش رأيكم ؟؟؟!!!!
لمن زوجك كل شيء يسمعو وانتي تهرجي بالجوال مع اهلك على طول يرفع سماعه ويوصلو لامو دا عادي بر يعني ؟؟؟؟؟
والا لمن يسمع شيء يصير مع اهلك مايمديه تمر دقايق الا ورافع سماعه مبلغها ؟؟؟؟
دا اصلا تصرف رجال؟؟
امو بكيفوو معاها يبرها ويحترمها واجب عليه بس انا طلبت منكم لو سمحتو حل ماينقل الهرج اللي ينقال وماينقااااااااااااال تحديدا
برو بأمو انا عارفتو الحمد لله وواجب عليه دا الشيء وبنفسي اقدرها واحترمها الحمد لله
اما حكاية انها تصير مستشار ومدري ايش واتوددلها جاني القرف وانا اتودد فيهم وناس مامنهم الا الشر اعوذ بالله عموما مايهمني كل شيء بأجرو وربي فيه يحكمني فيهم
الان ابغى حل الله يسعدكم والله لدرجه اني لمن اقوم من قدامو مايقدر يجي ويسوي نفسو انو يسوي اي شيء بالغرفه وواضح انو يسمع
لدرجة آخرها امس اكلم اختي ومسوي نايم وطبعا لمن خلصت سبحان الله يسألني عن نفس الموضوع اللي انا واختي نهرج فيه ؟؟؟ علما انو خاص بأختي الموضوع جدا هههههههههههههه ايش رايكم بالله ؟؟
واسفه على الإطاله بس فعلا طفشت منو
دحين لو انا جلست اسمع لمكالمات زوجي واتصل وابلغ ماما عنها بالله دا بر؟؟؟؟؟؟؟
معصبه خخخخخخخخخخخخخخخخ
| نصيحة اخت عشان الله اولا وزوجك ثانيا … توك في بداية حياتك.. لاتبدأينها بمشاكل وامك وامك وليه تقول…. اكره ماعلى الرجل واكثر مايبعده عنك انك تجيبين سيرة امه حتى لو مابين انه متضايق بكره راح ينفجر بوجهك.. فاكسبيهم الاثنان من الان ….. |
الله يجزاكي خير يااخت شماليه للمره الثانيه
بس ياقلبي اذا على المشاكل اصلا من دخلو علينا وهما مشاكل بمشاكل وربي قرفوني وعشان اهلي بس مشيت الزواج برا في امي والا ماشفت منهم خير بكل مناسبه مشكله منهم وقلة حيا وانا وربي ساكته واهلي ذووق وساكتين بس توصل انو امور اهلي ويجلس يتصنت جد جد تعب احس فووووووق طاقتي خلاص
والله حاولت اكسبهم تخيلي وانا ملكه وربي عمرهم ماكلمو ولا عيدو ولا شهرو كنت انا من سذاجتي لمن اكلمو اكلمهم اقول يالله اكسبهم واول ماتزوجت اهديت امو مرتين وسويت كم موقف والله بناتها ماسووها وبنفسها قالت مره بس تعبت الام جدااا مزاجيه ولو بناتها رضيو رضيت لو بناتها مارضيو لو فرشتلها الارض ورد ماترضى وتجلس تحرش ولدها ولا فوق كذا اخر مره حضرنا زواج وجلست تضحك تقول بزوجو وتضحححك تقصد انها تبغى تزوج زوجي الثانيه وانا ساكته ؟؟؟ ماحسيت اني عروسه بسببهم ومشاكلهم جد تعبت نفسيا ولمن اهديتها حتى ماشكرتني
وللعلم سلفاتي مقاطعينهم مايروحو الا بالمناسبات الكبيره انا الوحيده اللي كنت اروح كل اسبوع وكنت اجبر زوجي يروح دايما لانو البيت بعيد فيسكل زوجي بس كنت اجبرو واجلس انصح وكذا مو عشان شيء ولا احب اذكر دا الشيء بس عشان الله وعشان تفهمو قصدي
خخخخخخخخخخ الحمد لله كاتبه موضوع والرد راح فضفضه بالهم الحمد لله على كل حال يارب
ان شاء الله مع الايام راح يتعدل
موفقه يارب
دعواتك يالغاليه لولدي با الشفاء يمكن تستجيب دعوتك