السلام عليكم
انا عضوة هنا من زمان واول مره افكر اقولكم مشكلتي لا تخيبون ظني وساعدوني
هذي مشكلتي لاني تعبت بصراحة ومحتاجه اللي يساعدني
عمري 26 متزوجه من سنه وللحين ما رزقت بولد والحمد لله
مشكلتي هي ان زوجي يشك فيني! لدرجه ما تتخيلونها
مع اني ما سويت شي حرام عليه من يوم تزوجنا وهو يشك فيني
ياخذ جوالي مني فجأه واذا كنت بطلع لاهلي يقعد يوصي فيني ويقول بسال اخوانك عنك! متخيلين؟!!!
مره اعطاني كف شل وجهي بمجرد انه شاك والله ما سويت شي! بعدين راضاني بس للحين حاز بنفسي ليه يسوي كذا؟
غير الشك احسه مريض نفسي دايما يرجف ودايما متوتر وعصبي وانفعالي ومزاجي بشكل فضيع!! حتى اكلمه باي موضوع ما يسمع لي ما اقدر اتناقش معه! اذا كلمته بهدوء وحاولت اتناقش معه ليش معصب او ليش تشك فيني؟ يصرخ علي ويتهرب من الجواب! صرت اخاف اتكلم معه!
وصرت ما اقدر اخرج من البيت وانا مروقه ولا اروح السوق وانا مرتاحه لازم ينكد علي ولازم يعصب ولازم يقعد ينافخ..
يا ربي انا طفشت
احبه وهو طيب ترا ومو مقصر علي بشي بس هذي عيوبه ومره ما تنطاق من كثر ما هو مكرهني حياتي ابي اطلب الطلاق! شكيت لامي قالت لي اصبري يا بنتي لا طلبتي الطلاق يمكن تلاقين الاخس منه رجالك مافي زيه.. بصراحة مو لاقيه له حل وتعبت تعبت تعبت!
ساعدوني هل قراري صح في طلب الطلاق؟ واذا لا ايش اعمل قولو لي؟
الله يخليكم ساعدوني واجبرو خاطري لو بدعوة صدقوني بدعي لها اللي حتساعدني وترشدني للصواب!
مشكلتك شوي صعبه بس انتي قدها بإذن الله واثق الخطوه يمشي ملك خليك دوم واثقه وحاولي في وقت العبادات او الصلاه تخليه يشوف وانتي تصلي او تدعي بس اهم شي تبعدي عن الريا او السمعة لا انا اقصد انو العبادات تريح الانسان فا ممكن لو شافك تصلي كثير بيحس وبيتاثر مثلاً اعرف وحده تحب تصلي الوتر وتقرا قران كثير خاصه باليل تختم البقره ف والله العظيم ان زوجها كان يجلس عالجوال او النت
ف كانت لما تبي تصلي تفرش السجادة في غرفة النوم وهو جالس يتفرج وتبدء تصلي وتقرا وتدعي وبعض الاحيان لما تخلص تقول ايش رأيك اسمع لك الملك لأنك حافظها ويتحجج انا مو طاهر تقول لا بس تسميع ولما يخلص تدعيله وتقوله والله اني ارتاح لما اصلي ف زوجها تحلف وانا والله اعرفها صار يصلي معها اليل ويقرأ القران ماهو مداوم بس كذه وكذه طولت عليك بس عشان اوصلك المعلومه حاولي يا اختي والله بيسر لك لو عندك صدق نيه في المحافظة على بيتك ومكان ابداً الطلاق حل الا في…..
لا تقولي انا زوجي غير كل رجال وله سياسه ..،
تقولين انك تحبينه بس والله من تصرفاته احسه م ينحب تفاجآءة من كلمتك وش الي ينحب فيه هو انسان هذا طبعه وفيه كثير من نوعيته اذا كانو راعين خرابيط وتزوجو لازم يشكون مافيه شاب له علاقه م يشك اذا ربي م كتب لك اطفال منه معناه هذا رحمه من ربي
انا اعرف وحده تقرب لي زوجها اخس من صفات زوجك وتطلقة ونفسيتهأ تعبت والحين ربي اكرمهآ بزووووج ماشاءالله عليها كل بنت تتمنآه وهونفس ضروفها كان مطلق وهي وهو ضروف طلاقهم نفس بعض سبحان الله والحين وربي اتمنى اتزوج شخص نفسه
انا م أشجعك على الطلاق بس اذا كانت ضروفك صعبه الطلاق هو الحل
الأهم انك تحاولين م تجيبين اطفال وتتوهقيـن بعدين
بس حاولي تغيرين من طباعه وخلي الطلاق اخر حل وانتبهي من الإنجاب هو اللي يربط البنت بزوجها ربي يعينك ويفرجهآ علينا ي كريم
|
المشاركة الأصلية كتبت بواسطة م نسيتك
 الله يفرج همك ياكريم
تقولين انك تحبينه بس والله من تصرفاته احسه م ينحب تفاجآءة من كلمتك وش الي ينحب فيه |
بالنهايه زوجها بينهم عشره و اكيد تذكر له ايام حلوه..
اتوقع صار له موقف بحياته خلاه بهذي الطريقه و بس تناقشيه ينفعل
لان هو عارف كل اللي يسويه غلط و بنقاشك تواجهيه يتهرب من رده
بس لا تفكري في الطلاق بالرغم هذا النوع من الناس مع احترامي صعبين
المعشر بس اذا فيك عالصبر صبري و ظلي تسايسيه بهداووه و لاقي له
مفتاح عشان يقلع عن هالعاده ترا اكييد هو محتاج لك والله يعينك عليه
و ظلي على محاسنه عشان تحبيه و تلهي نفسك عن عيوبه وتقدري تعيشي معاه
لكن الله يفرج همك وينفس كربك ويجعل لك من كل ضيق مخرج ويهدي زوجك ويبعد عنه وساوس الشيطان ويسخره الله لك~
كمان كوني دائما على وضوء وكثري استغفار لسانك طول الوقت يتستغفر
كثري من الدعاء لها بالهدايه واقري قراءن لو كل يوم صفحتين يهدي النفس
باذن الله يومين والا تشوفينه ما في اهدأ منه وعاد حزتها لا تنسيني من دعاءك الصالح
مو شرط تطلبي طﻻق حقيقي
ممكن يكون طﻻق من باب التخويف بمعنى تكوني صريحه
يايغير طبعه او ماعندك استعداد تعيشي طول عمرك بكلمة اصبري
اتخذي قراار سريع اهم شي قبل ماتحملي
حرام تفوقي من غيبوبتك وانتي عندك طفل منه