السلام عليكم :
طبعا تعرفون عادات رجالنا ،،اليوم وانا اتصفح الانستغرام طحت على حساب غربب عجيب واضفته الناس تسأل وصاحب الحساب والفلورز يجاوبون وقصص واعترافات وبصراحه لفت انتباهي هالسؤال ولفتت انتباهي الاجابه اكثر وعلى قد ما ضحكت على قد مابكيت كأنه يتكلم عني بالضبط وحبيت اشوف ارائكم:
صاحبة الرساله تقول:
زوجي مسميني البيت:
انا ماعندي مشكله بس ابفهم الرجال ليه قبل الزواج غير وبعد الزواج غير؟ 😒
زوجي يحبني وما يردلي شي بس مضايقني انو مغير اسمي في جوالو وصار مسميه البيت 😭💔!
وقبل مدلعني مريومه زعلت عليه ليه تسميني كيذا يقول ايش تبغي ، تبغي اكتب مريومه؟😨
لا مو حلوه تبي اكتب ام فلان حكتب بس اسمك لا قلت ما ابي تكتب شي وانا غيرت اسمو للبيت 😃
إيه محد احسن من احد 😛
بس جد ايش ينقص من الرجال اذا كتب اسم حرمتو ايش سبب التخلف ذا وشكرن 😚
___________
الرد من صاحب الحساب:
تعليق:
طيب ليش الزوجه اذا اتصلت على زوجها تبي شي لازم تسدح عليه السؤال التاريخي:
وينك فيه؟
ليه الارهاب ليه الحصار ليه الضغط النفسي..
___________
طيب ليه ما (تتسلطين)في الاتصالات الا اذا طلع لربعه ليه ليه..
قبل شوي كان عندك ليه ما قلتي طلباتك ليه ليه.. ليه اذا صار في الاستراحه لازم تسألين من عندك ..وش دخللللللللك ليه ليييييه…
____________
ليه اذا خلصتي مكالمة وينك فيه قلتي متى بتجي وان قال الساعه 11 قلتي لا تعال عشر ولو قال 12 قلتي لا تعال 11 ليه ليه الاستهبال:) ليه اذا اتصلتي وخلصتي من الاسئله اللي تجيب (المر) وقالك وش عندك متصله قلتي جب معك دجاج وبيض وخبز وجبن ترى ماعندنا شي..
وان قالك توني جايب من يومين قلتي ايه بيخلص بكره.. وان قالك خلاص بجيب بكره اجل.. قلتي طيب اجل بكره.. طيب ليه متصله الحين ليه ليه..ماتعرفين تحترين لين يجي بكره…
____________
طيب ليه اذا بغيتي تروحين اي مناسبه رحتي مدري جبتي الكوافير وثلاث اربع ساعات لين تتجهزين ومن فستان لفستان ومكياج وروج ومشتطه وحالتك حاله واذا انتهت المناسبه رجعتي زي قبل( السمكره) ليه ليييه (من انتم)..
____________
يالله علمونا يالرومنسيات هل فيكم وحده اتصلت على زوجها بيوم تساله وش اخبارك اشتقت لك وباقي الكلام (الماصل).. كل اتصالاتكم وينك فيه..من عندك..جب معك.. الخ
___________
طيب ليه الكوافيره بخمسميه مدري بالفين والحلاق يحلقنا دقن وشعر بعشرين ويقعد يقنع فينا ساعه يبي يصنفر وجيهنا وينظف ويحط بخار وان كثر خذ زود على العشرين خمسين… وانتم تقص لكم الكوافيره قصه على مزاجكم وماتشاورون رجالكم وتعطونها الف وانتم مستحين وتقولون ماعليش وهي تقولك عادي عشانك (حبيبتي) تستاهلين بس المره الجايه بالفين وتروحين لرجلك وتقولين وش رايك في القصه ..ولو قال عاديه زعلتي.. طيب هذا رايه مهوب انتي تبين رايه.. ليه لازم يمدح لييييه.. وهل انتي قاصته عشانه اصلا اجل ليه تسألين ليييه
____________
وان عندها عيوب لازم تصلحهاا ..
انا ما غير اسمي من ايام الملكه 🙈❤
و دايماً قبل ما يطلع يقولي بيطلع وين ومع مين
و سبحان الله زوجي غيييير عن اغلب الرجال
لانه يحب اني اسئله وينك ومع مين و لا تتأخر و كل شويه اتصل
يعني يعتبر هالاشياء اهتمام مني
و انا ما اقصر بهذي النقطه 😂
و قبل ما اسرد الطلبات اقوله كم كلمه حلوه عشان ما يستثقل المكالمه 🙈❤
الله يخلي لي زوجي و يهديني له و يهديه ليا .. و يهدي كل الازواج و يسعدهم
مو العكس و من بين العيوب الي يخلي الزوج
ينفر من الزوجة.
ـ النقار
ـ اهمال المظهر والانوثة
ـ الرغبة في السيطرة
ـالتشكك والغيرة
و شكرا على موضوعك