السلام عليكم ورحمة الله..
مشكلتي ان زوجي تزوج علي السنه الماضيه بطلب من امه الله يكفيني فيها وحطها بشقتي وارسلو اغراضي كلها وتعبت مره ويعلم الله قد ايش عانيت وتعبت مره منه ومن تزوجها وانا ما اعرف عنه شي ولايسأل عني ولاعن ولده ولايصرف ولاطلق حتى ،، من سنه ونصف والله مابيننا اي تواصل وقبل اسبوع رجع يراسلني ويبي نرجع لبعض ويترجاني نعيش مع بعض وانا محتاره ابي ارجع له ومابي لانه كسر قلبي وبنفس الوقت ابي اكسبه لعل الله يحنن قلبه علينا كيف اتصرف مع رسايله ! اهتم او اطنش! ادلعه او اهمله؟ كيف يازوجات الشماليين كيف والله اني في كربه .. دعواتكم لي الله يفرجها عايشه في حاله صعبه.
ما دام ابو ولدك وبينكم طفل يمكن يتغير
ادعي ربك انو يختارلك الخير ليكي انتي وولدك
والله يوفقك
وعليكم السلام
اختي ان ابغض شيء عند الله الطلاق..!!
وكوني مع الصلح..
لانه الان انسان جديد
اذا طنشتيه هذا دليل انك حاقده عليه وحقك
بس اذا رجعتي له يعني قلبك ابيض وهو راح يستحي من تصرفة
بس يبقى انتبهي احتمال رجوعه لك بسبب مصلحه له انتبهي وفكري ان كان له مصلحه"ماديه "
برجوعه منك فارفضي
بس ان كانت بسبب ندمه لانه ظلمك فوافقي
الله استجاب دعواتك طوال الفتره الي ظلمك زوجك بيها…
وندم زوجك..ومبروك..
وانا انسانه كرامتي فوق مشاعري وعواطفي
بس طبعن كلامي خطأ .. نصيحتي لك استخيري الله فهو اعلم مني ومنك بالتصرف الصحيح الله يسخرلك الخير
النقطة الثانية بعد م تستخيرين اذا حسيتي انج ارتحتي حق الرجعهـ وتبين ترجعين له بس تحسين كرامتج م تسمح لج اسأليه باسلوبج ليش تبيني ارجع مؤ انت تركتني وووو وعقب اذا حسيتيه جد ندمان ع فعلته سمي بالله وأرجعي له لاتهدمين حياتج دام معاج فرصة لا تهدمين حياتج وحياة ولدج بيدج < اممممم هذا رايي وترا انا بعدني بنوته ومراهقه يعني يمكن يكون تفكيري غلط وكذا لأني بعدني م عشت حياة الزوجية ووووو وشسمه بس انج تستخيرين هذا الكلام صح 100٪ ووو الله يسهل عليج امرج ويوفقج يارب ويجمع بينكم ع خير
وافهمي بعد شو اللي غير الاحوال.. وليه يبغى يرجع ليك الحين
اختي لا تنسي انه ابو ولدك زينيها بعقلك بعد ما تعرفي اسبابه.. واعملي صلاة الاستخاره والله يخترلك الخير وين ما كان
وعليكم السلام اختي ان ابغض شيء عند الله الطلاق..!! وكوني مع الصلح.. لانه الان انسان جديد اذا طنشتيه هذا دليل انك حاقده عليه وحقك بس اذا رجعتي له يعني قلبك ابيض وهو راح يستحي من تصرفة بس يبقى انتبهي احتمال رجوعه لك بسبب مصلحه له انتبهي وفكري ان كان له مصلحه"ماديه " برجوعه منك فارفضي بس ان كانت بسبب ندمه لانه ظلمك فوافقي الله استجاب دعواتك طوال الفتره الي ظلمك زوجك بيها… |
كلام صحيح 100% اول شيىء اعرفي شو سبب طلبو انك ترجعيله الحين
اذا عرف السبب بطل العجب
وبعدها استخيري