بسم الله الرحمن الرحيم
الكاتبه / ^_^ ورده من ذهب ^_^
هنا اضع روايتي الاولى بعنوان : تلاقينا صدفة والابو واحد واتمنى تنال اعجابكم .
واشكر صديقتي كلوشه ساعدتني على كاتبه الرواية .
واشكر صديقاتي: منون ونادجو و جهونه ولولو و رورو على تشجيعهم .
البارت اﻻول:
في الرياض :
كالعاده المغرب بشاير جالسه مع اختها غاده يتفرجون ….
*غاده: اووف طفش ابغى اطلع والله مو حاله الجدران نفسها ملت مني. ^^حزنت عليها هههههههه~_^
*بشاير طالعت فيها وطنشتها وكملت تتفرج مو رايقه لحنتها .
غاده: بيشو وش رايك نطلع صحارى ابغى اللعب واستانس اغير جو شوي يعني بليييييز .
بشاير: طيب خلاص روحي اتصلي ع جواهر وقولي لها وشوفي ايش تقول إذا وافقت نطلع .
غاده: طيب .
راحت غاده تتصل ع جواهر : سﻼم جوجووو ياحبي لك بس من زمان احبك انا .
جواهر : هﻼ وعليكم السﻼم وبلاش تسحب اختصري ايش وراك ادري مو لله هالحب .^ قصفت جبهتها مسكينه هههههه^
غاده: ههههه إيه صح جوجو احمم احمم .
جواهر: لبيه .
غاده: نبغى لصحارى انا وبشاير .
جواهر: طيب وانتبهوا لنفسكم اوكي .
غاده: ان شاء الله تامرين امر شي ثاني بعد .
جواهر:لا خلاص يالله مع السلامه
انتهت المكالمه وراحت غاده عند بشاير …
غاده: بيييش يله قومي تجهزي عشان نطلع .
بشاير: طيب .
راحوا تجهزوا وبعدها جاء السواق وراحوا لصحارى مول
////نروح لـ جده :
نانا: ي ناس طفشش ملل زهق ايش بعد يعبر عن إللي جواتي بس .
سمر: طيب روحي اتصلي ع بنات خالتي وخليهم يجون ونوسع صدو بعض .
نانا: نسيتي ان بنات خالتي راحوا عند بنات عمهم .
سمر: اييه صح وربي نسيت سوري مخي ملخبط هههههه .
نانا: تضحكين انتي وياوجهك ..اممممممم معقوله احنا ماعندنا اعمام او عمات .
سمر: والله مااعرف علمي علمك .
نانا: وربي اشتقت ﻻبوي كثيييييير كثيييير .
سمر: الله يرحمه يارب ويسكنه فسيح جناته .
بهالحظه دخل عليهم سامي : ي حرام تحزنون مع فيساتكم تعبر عن الطفش والله هههههههههه لاخلاص لاتبكوون لاتبكوون انا بتكرم واطلعكم .
سمر: اوما ما اصدق بروح اشوف الشمس اقصد القمر من فين طالع ^^يتمسخر عليه هههههه .
سامي:تتمسخر ترا اهون الحين ولا اشلون .
نانا: لالالالاإاإ برووح بروح خمس دقايق بس واكون جاهزه .
………………………………………….. ……………..
في المول بشاير تتمشى مع غاده بعد ماخلصت لعب ….
غاده وجهت نظرها لأرض وقالت : بشاير .
بشايرطالعت لها : هﻼ .
غاده: مو تﻼحظين بابا وماما لهم حوالي سنه ولسه مارجعوا .
بشاير سكتت ماتعرف وش تقول لها حبت تغير الموضوع وقالت : تعالي ندخل هذا المحل ونشوف ايش فيه يالله.
غاده حست ان بعد ماابوها وامها غابوا عن البيت وبشاير حالته غير عن اول : طيب يالله.
ورجعوا البيت الساعه 11 وشافت بنات خاﻻتها وخالتها واخوالها متجمعين فما حبت تجلس معاهم قالت تسلم وتطلع احسن .
بشاير: السﻼم عليكم.
الكل: وعليكم السﻼم .
لمى: ماشاء الله تروحون لصحارى وماتقولين لنا .
بشاير ابتسمت وطلعت من عندهم وراحت غرفة خالتها ونامت ماتبغى تسولف مع احد .
حنين: جواهر اختك الى متى بتجلس ع هاذي الحاله بتذبح عمرها ترا حتى متغير وجهها ونحفانه شكلها يكسر الخاطر ياقلبي عليها .
جواهر: والله مدري بس انا اظن لسه انها مصدومه وتبتعد عن الكل عشان ماتسمع شي عن ابوي وامي وترجع تتذكرهم .
حنين: امك وابوكي لهم سنه معقوله لسه مصدومه .
جواهر: والله مدري ودي اعرف وش فيها بس مافي مو راضيه تتكلم .
لمى : اذا جات اميره بنحاول نغير عليها ونطلع من جوها يارب تطلع وحشتني بيشو الاولى والله .
ام تركي: وزواج خالها بيغير عليها شوي ان شاء الله .
جواهر: ان شاء الله الله يسمع منك يارب .
………………………………………….. …………….
اعرفكم بالشخصيات المهمه^^ بدري صح ادري هههههههه المهم بعرفكم بالمهمه بس والباقي تعرفهوم مع اﻻحداث:
بنات محمد :
جواهر: اكبر وحده عمرها 24 في الجامعه ادارة اعمال حنونه مره ع خواتها بعد وفاة ابوها وامها .
بشاير: اولى ثنوي عمرها 16 هاديه وتحب تزعج جواهر وزاد هدوئها بعد وفاة امها وابوها .
غاده: ثاني ابتدائي عمرها 8 سنوات دايم مع اﻻوﻻد واللي يشوف حركاتها وتصرفاتها يقول ولد .
رجع الكل لبيته ولمى مارجعت البيت تبغى تجلس مع بشاير …..
الساعه 6:30 قامت بشاير من النوم وتوضت وصلت وراحت الصاله شافت لمى استغربت بس جلست بهدوء وتقرا رسايل البنات وتقلب بفونها .
لمى ودها تتكلم مع بشاير تنتظرها تتكلم عشان تاخذ وتعطي معاها .. واخيران بشاير تكلمت …
بشاير: لممو غريبه ليش جالسه هنا مارجعتي البيت مو من عوايدك لك فترة .
لمى الحمد لله تكلمت : ﻻ حبيت اجلس معاكي من زمان عنك وتعرفين اشتقت لك كثر ولسولفك .
بشاير: اي والله حتى انا اشتقت لك كثيييييير .اجل يله نعوض اﻻيام اللي راحت وحنا بعيدين عن بعض .
لمى مره فرحت ان بشاير بدت تتكلم : وش رايك اتصل ع ريم تجي اكييد صاحيه ونخلي اليوم يوم جنوني ههههههههههههههه .
بشاير : طيب يالله كلميها وحني عليها تجي.
لمى كلمت ريم وبعد حنه وافقت تجي وبالغصب صحيت اساسا.
لمى :خﻼص بتجي .
بشاير: حلو انتي تبغي تنامين؟؟!.
لمى: ﻻ اصﻼ نمت معاكي وقمت وانتي لسه نايمه .
بشاير: هههههههههههههههه هذا نوم بالله اجل امشي بس .
لمى ابتسمت لبشاير : يله نسوي فطور.
بشاير: يله اجل .
راحوا يسون فطور وضحك ووناسه ولمى مو مصدقه تحسها في حلم بشاير كانت ماتتكلم وﻻ شي والحين بدت تتكلم وتسولف .
نروح لـ جده :
نانا: وربي احلى يوم في حياتي واستانست فيه .
سمر: من جد الله ﻻ يحرمنا من سامي يارب .
نانا: امييين يارب .
سمر:حدييي مستانسه اليوم العشا البنات بيجون عندنا .
نانا: ونااااسه وووووووما الفللله والله .
سمر: من جد .
نانا: يله بنام تمسين ع خير هههه.
سمر: اووف طيب نامي ﻻاشوف وجهك يالله .
نانا: هههه احسن وﻻ انا بشوف وجهك اساسا ههههههههههههه .
………………………………………….. …………
في الرياض :
البنات يفطرون………..
بشاير: بنات وش رايكم نطلع نغسل الحوش ومنها نوسع صدورنا ونستهبل هههههههههه.
ريم: يله يله اجل تحمست معك ههههههههه .
لمى: معااااااكم.
طلعوا البنات يغسلون الحوش ويستهبلون ولمى و ريم فرحانين مره عشان بشاير تغيرت ردت ضحكتها وسوالفها .. ورتبوا البيت وناموا بعد ماصلوا ظهر من التعب .
………………………………………….. …………………..
لمياء وحنين و راوية وجواهر واميره يصحون بشاير ولمى وريم
جواهر: بسم الله هذوﻻ وش فيهم مايقومون.
اميره تصارخ : بناااااات انا جييت قوموا انا جيييت شوفوني .
حنين: ههههههههههههه لا تحاولي مافي امل ولاهم شايفينك حتى .
جواهر راحت عند خالتها: خاله ختومي متى البنات ناموا .
ختومي : والله مدري بس انا طالعه للدوام شفتهم يغسلون الحوش.
جواهر: جد احلللللفي وبشاير معاهم .
ختومي: ايوه وانا استغربت حتى تضحك معاهم وقالوا هيه قالت لهم يله نغسل الحوش.
جواهر لسه مصدومه وفرحانه في نفس الوقت : الحمد لله بدت تتكلم مع البنات وطلعت عن جوها .
ام تركي(ليلى): الحمد لله .
جواهر رجعت وقالت للبنات وكانوا فرحانين ^^وبشاير مسويه نفسها نايمه وسمعت كﻼمهم ماكانت مصدقه ان البنات مهتمين لها وفجاءه تذكرت زواج ولد عمتها وبسرعه قامت وصحت لمى ولمياء وقاموا…..
جواهر: وجع وش فيك انهبلتي .
بشاير: يوجعكي وخري زين و نسيت اليوم زواج صالح اخو خالد .
جواهر: اييوه صصح نسيت اجل يله نتجهز وانتم ي بنات تروحون معانا.
حنين: والله فكره نغير جو وش رايكم بنات .
الكل: اكيييد ونشوف خالد .
بشاير: اسكتوا ﻻ احد يسمعكم .
لمى: هههههههههههههه اول يله نقوم نصلي .
بشاير راحت عن خالتها: خالتي تكفين انا والبنات بنروح زواج ولد عمتي .
ام تركي (ليلى): والبنات وش دخلهم يروحون .
ختومي: خليهم يروحون مع بعض واحنا نرتاح من ازعاجهم وطلباتهم .
ام اياد(فاطمه): اي والله وانا ابغى ارتاح .
بشاير: ايه صح خاله فاطمه وين اياد وتسنيم .
ام اياد(فاطمه): اياد مع ابوه وتسنيم نايمه ي قلبي عليها .
بشاير: ربي يحفظهم لكم يارب و يله رايحه اتجهز انا .
وطلعت وقالت للبنات ان امهاتهم وافقوا وفروحو طبعآ . صلوا وتجهزوا
بشاير وجواهر وريم لبسوا فستان لونه وردي وفيه حزام اسود قصير تحت الركبه .
لمى فستانها اسود ماسك ع جسمها قصير فوق الركبه .
لمياء نفس فستان لمى بس لونه احمر .
حنين فستانها طويل واكمامه طويله بس مو مرا لونه تيفاني وساعه ذهبي واسسوات ذهبيه .
راوية فستانها لونه ازرق وطويل .
فساتينهم عاديه خلوا شعرهم مفتوح وإللي مسيحه وإللي لف اطرافه اما الميك أب أكتفوا بـ كحل ومسكره وبلشر وروج .. طلعوا مرره حلوين ونعومين .
البارت الثاني رح نعرف :
وش بيصير للبنات في الزواج .
بشاير بتتعرف ع بنت وتتعلق فيها مره ومين تكون هذي البنت .
انتظر ردودكم وحمسوني عشان انزل البارت الثاني ~_^
في الزواج : جواهر واقفه مع عماتها تسلم ع الحريم بدل امها (الله يرحمها) وباقي البنات جالسين ومعاهم مها .
بشاير: وربي لك وحشه ي مهاوي.
مها: وربي وانتي اكثثثر .
ريم: يله ي بنات ابغى ارقص .
مها: يله كلنا نرقص .
قاموا البنات مع بعض يرقصون وشافتهم جواهر وراحت ترقص معاهم ….
بشاير: تعبت بنزل .
مها: حتى انا يله ننزل .
نزلت مها وبشاير وجاتهم ام صالح : بشاير ومها روحوا جيبوا اغراض من الاولاد برا .
مها: طيب.
بشاير: وانا وش دخلني اروح .
مها: مدري بس تعالي امكن تشوفين خالد.
بشاير: خلاص اسكتي .
مها: اظن الصغار بيجون الاولاد الكبار مرح يجون .
بشاير: اجل انا بفتح .
فتحت بشاير الباب وانصدمت شافت خالد ماقدرت تتحرك وخالد يناظرها من فوق لتحت وابتسم : طالعه حلو .
بشاير: اعطني الاغراض وتوكل .
خالد اعطى بشاير الاغراض وهمس لها : اتحداكي اذا ماكونتي تحبيني والمشكله انا امووووت فيك .
بشاير انصدمت اكثثثر هذا وش فيه جن : طيب مع السلامه .
سكرت الباب وتدور ع مها مالقتها وراحت اعطت عمتها الاغراض
وجلست مع البنات وماتكلمت لمى خايفه لاترجع مثل اول…
لمى: بيشو وين مازن وماجد.
بشاير: مدري والله ماشفتهم .
………………………………………….. ………………..
نعرفكم ع عمات جواهر وبشاير وماعندهم عم :
العمه هند(ام صالح) :
عبد العزيز:عمره35 متزوج فاطمه بنت خالته ومعاه ماجد ومازن.
صالح: عمره 30 زوجته جميله .
خالد: عمره 29 اخر سنه له في الجامعه وهوه تاخر ومادخل الجامعه بدري.
………………………………………….. …………………….
العمه نجوى(ام فاطمه):
فاطمه: عمرها 21ماكملت دراستها بعد ماتزوجت وعندها مازن وماجد.
منال:عمرها 25 خلصت الجامعه وجلست في البيت هيه واختها منى.
منى: عمرها 24 خلصت الجامعه .
اسيل:عمرها 19 .
انزفت العروسه وراحت وانتهى الزواج رجعت بشاير البيت وبنفس هدوئها وتفكر في كلام خالد قطع تفكيرها اختها جواهر ……
جواهر: بيشو .
بشاير: هلا .
جواهر : وش فيك .
بشاير: مافيني شي .
جواهر: بشاير تكفين لا تخبين عليه شي من يوم مارقصتي وانتي متغيره .
بشاير تفكر تقول لاختها ولا لا وفكرت تقول لها : اسمعي هذا الكلام يكون بيننا .
جواهر فرحت لان بشاير ماطنشتها : وربي الكلام بيكون بيننا .
بشاير: عمتي قالت لي اروح اخذ الاغراض من الاولاد …..وقالت لها كل شي.
جواهر: بس كذا حسبت في سالفه كبيييره .
بشاير: طيب انقلعي ليش من اول تبغين تعرفين.
جواهر: بشاير انا ابغاكي تنسيه انتي تتوقعين انه بيكون لك لنهايه العمر ولا تنسين انه اكبر مننننك .
بشاير: اي والله صادقه .
جواهر: طيب تكفين لا تفكرين فيه ابد .
بشاير ابتسمت لجواهر : ان شاء الله احاول.
جواهر: مافي احاول ابغى اكييد .
بشاير: ان شاء الله بس استغربت من جرائته .
جواهر: امكن بيشوفك وش تقولين .
بشاير: امكن .
جواهر: يله نقوم نصلي .
بشاير: يله .
صلوا الفجر جواهر نامت وبشاير جلست تطقطق بفونها ……….
دخلت بشاير مع قروب بنات في kik وتعرفت ع البنات وكانت مره مستانسه … وجاتها بنت ع الخاص اسمها نانا .
نانا:سلام.
بشاير: وعليكم السلام .
نانا: كيفك.
بشاير: تمام ولله الحمد وانتي كيفك.
نانا: دوم يارب .
نانا: تمام .
بشاير: تدوم سجداتك .
نانا: ممكن نتعرف .
بشاير: يب ^_^ .
وتعرفوا البنات ع بعض وبعدها بشاير حطت فونها في الشاحن وراحت تنام وكانت حاسه ان هذي البنت بتدخل حياتها …
نروح لــ جده :
سمر: نانا قومي بنات خالاتي جو وانتي لسه نايمه .
نانا: هممممم .
سمر: ناااااااااااااااااااانااااااااااااااا .
نانا: وجع اطلعي برا وسكري الباب .
سمر: يوجعكي خلاص براحتك .
طلعت سمر ونانا تذكرت بشاير وفتحت فونها …..
نانا: بيشو وش مسويه .
بشاير:هلا ابد جالسه افكر اتعشا برا انا والبنات .
نانا: حلو وين بتتعشون .
بشاير: مدري لسه ماكلمت البنات .
نانا: اها .
بشاير: يب وانتي وش مسويه .
نانا: قبل شوي قمت من النوم .
بشاير: اها .
نانا: يب يله بروح اشوف بنات خالاتي .
بشاير: اوك انتبهي لنفسك .
نانا: وانتي كمان باي.
بشاير: باي .
نانا راحت عند بنات خالاتها وبشاير جالسه مع البنات .
جواهر كانت جالسه جنب بشاير وتسولف مع البنات …..
بشاير: جاج .
جواهر: هلا .
بشاير: وش رايك نتعشى برا .
جواهر: والله فكره انا بروح اكلم خاله وانتي كلمي البنات.
بشاير: طيب.
راحت جواهر تحاول فيها …بشاير: بنات وش رايكم نتعشى برا.
اميره: ايوه ياليت جوعانه مره .
لمى: انتي وبشاير دايم جوعانين .
بشاير: اكل من فلوسك انا .
اميره : ههههههههه انا ادري عنها .
بشاير: اختصار بتروحون ولا لا .
لمياء: اكيييد بس ع حساب مين انا فلوسي في البيت .
بشاير: ع بنات الجامعه همه ياخذون مكافأه .
لمى: والله مايعطونك انا اختهم وماعطوني 100 بس .
دخلت جواهر عليهم : خالاتي وافقوا .
اميره : ونااااسه يله كلموا السواق.
بشاير: طبعا الجامعيات هم يدفعون لنا .
جواهر: انا بدفع بس وين بتروحون .
بشاير: بانوراما .
لمياء: بانوراما بعيد ومرح نوصل الى وقفلوا .
اميره: ترى يمدحون ماك .
حنين: ايوه خلونا نروح ماك لان هوه اقرب .
جواهر: خلاص كلكم بتروحون ماك .
راوية: ايوه .
لمى لبس عبايتها: يله السواق برا .
بشاير تلبس عبايتها: طيب خاله بتروح معانا .
حنين: اكيد اصلا لو خاله مارحت معانا مرح يخلونا نروح مكان .
لمى ولمياء وبشاير واميره ركبوا السياره وينتضرون الباقي..
لمياء: هذولا وينهم .
لمى: اكيد غاده شافتهم وقالت بتروح.
اميره: وجنى مع غاده اكيد.
بشاير: اصلا جواهر مستحيل تخلي غاده في البيت وانا مومعاها.
لمياء: غاده كبيره مايحتاج تخافون عليها .
بشاير: مدري عن جواهر ترفع الضغط مره تخاف عليها .
اميره: ههههههه بدت الغيره .
لمى: هههههههههه اعترفي تغارين .
بشاير: لا استهبلوا كمان مو ناقصتكم .
جو حنين وراوية و جواهر وخالتهم ختومي واتجهوا لــ ماك.
اعرفكم ع خالات واخوال وعيالهم ..
………………………………………….. ……………
خاله ليلى(ام تركي): اكبر وحده وعيالها..
راوية: ثاني جامعه داخله انقلش عمرها 20.
حنين: اولى جامعه تتمنى تدخل قانون عمرها 19 .
………………………………………….. …………….
خاله نوره (ام احمد) :
احمد: اولى جامعه عمره 19 .
اميره: ثاني ثنوي عمرها 17 .
محمد: سادس ابتدائي عمره 12 .
جنى: ثاني ابتدائي .
………………………………………….. ………………
خالهم يحيى (ابو بدر):
بدر: رابع ابتدائي عمره 10 سنوات .
بندر: ثالث ابتدائي عمره 9 سنوات .
ديما: عمرها شهر .
………………………………………….. ………………
خالهم يحيى:(ابو سديم):
سديم: عمرها 4 سنوات.
………………………………………….. ……………..
بعد ماخلصوا اكل ركبوا السياره البنات واميره ولمياء يطلبون ايس كريم …….. بعد 5 دقايق رجعت لمياء واميره
حنين: بدري كان نمتي هناك احسن .
لمياء: انقلعي اللي اخرنا ايس كريمك حتى الرجال طاح .
بشاير: امااااا هههههههههههه.
لمياء: هههههههههه وربي اظن الارض فيها مويه وهوه مستعجل وطاح .
اميره: هههههههههههههههه وربي حزني .
وصلوا البيت ……..
غاده: ماشاء الله ماجبتوا لي شي.
بشاير: مع الاسف حتى مافكرت فيك .
جواهر: انا جبت لك ايس كريم خذي .
اميره: غريبه جنى ووين .
جنى : انا وراكي وين الايس كريم.
لمياء: ههههههههه الله يعينكم .
اميره: ماجبت لك روحي عني .
بشاير فصخت عبايتها : الحمد لله ارتحت من غاده .
اميره : بنااااااات جننتني وحده تعطيني ايس كريم .
راوية: هههه خذ هذا الايس كريم .
اميره: وجع خذي .
جنى : يوجعكي .
اميره ضربت جنى وبكت وجات خالتهم نوره عصبت ع اميره وع البنات ….طبعا جواهر وبشاير اذا احد عصب عندهم احد يسكتون ومايتكلمون …
اميره: انتم تقهرون ليش ماتتكلمون شوفتوا ماما كيف عصبت.
بشاير: انتم اسكتوا وربي رح تطفش منكمم وتسكت .
لمياء: مو تلاحظون امهاتنا يعصبون ع اسباب تافهه .
بشاير ضحكت لان ماعندها شي تقوله ولان امها ميته : ههههههه.
جواهر: متى بترجعون بيتكم .
لمى: يعني نعتبرها طرده.
جواهر: لا لا ماقصدي كذا بس عشان بحاول في غاده تنام .
اميره: اي والله وجنى معاكي برتاح منها.
حنين: بشايرواميره تعالوا ناموا عندنا اليوم .
اميره : كلموا ماما .
بشاير : لا رد فتحت فونها وتقرا الرسايل .
خاله ليلى(ام تركي): يله بنات ابوكم برا .
بشاير: طلعت من الصاله وراحت غرفة خالتها وجلست فيها.
اميره راحت عند بشاير: بيشو وش ذي السماجه ليش طلعتي.
بشاير: ملحيني .
اميره : ههههههه وجع حسبتك زعلانه .
بشاير: يوجعكي وليش ازعل في شي يزعل اصلا لايكون صرت حساسه لهذي الدرجه وانا مدري.
اميره: لا بس عشان يوم طلعتي من الغرفه .
بشاير: اميره انتي كلها كم يوم وبترجعين جده روحي عادي عندهم مو لازم معايه .
اميره : لا انا معاكي بس بعرف انتي ليش ماتبغين تروحين .
بشاير: تبغين الصدق طفش بس جالسين ع جوالاتهم والله هنا وناسه اخوالي يجون ويشوفونا لحالنا يودونا وادي نمار .
اميره : جدد وناااسه اجل بجلس معاكي واي مكان تروحيه انا معاكي .
بشاير: مصلحه عشان تطلعين ها اعترفي .
اميره: ههههههههههه .
دخلت عليهم لمياء: ها بتروحوون معانا.
اميره: لا نشوف يوم نكون رايقين فيه ونجي عندكم .
لمياء انقهرت كان ودها يجون معاهم: اوك براحتكم .
………………………………………….. …………………….
يومين ثلاثه اربعه وبشاير كل يوم تتعلق في نانا اكثر ونانا مثلها وبشاير عرفت ان ابو نانا متوفي ونانا عرفت ان بشاير ابوها وامها متوففين واخذوا ارقام بعض وصاروا يتوصولون في الواتس .
انتهى البارت الثاني :
انتظرردودكم وحمسوني عشان انزل البارت الثالث ~_^
العصر قامت من النوم بشاير وتوضت وصلت وبعدها قامت اميره ….
بشاير: جااج ابغى اكل جوعانه .
جواهر: روحي المطبخ باقي من الغدا .
بشاير: رز لاماابغى .
جواهر: اجل وش تبغين .
بشاير: مدري ابغى شي غير الرز .
اميره: ايوه حتى انا .
جواهر: اجل اقلبي وجهك انتي وياها .
بشاير: مالت عليك .
اميره: وش رايك نروح هرفي وناكل .
جواهر: انا باخذ السواق .
اميره: عادي انا ادبر واحد يودينا .
جواهر: طيب.
بشاير: جاج وين رايحه .
جواهر: صديقتي مسويه بارتي .
بشاير: وغاده معاكي.
جواهر: ايوه لاني عارفه مرح تهتمين فيها .
بشاير: الحمد لله وانتي عارفه .
اميره: وش رايك ي بشاير بعد مانخلص من هرفي نلحق جاج البارتي نفلها .
بشاير: ايووه وناسه وكمان صحبات جواهر مره احبهم فلويات .
جواهر: والله حلو .
بشاير: بس ووين .
جواهر علمتها وين مكان الاستراحه ..: خلاص عرفتي .
بشاير: ايوه .
جواهر تلبس عبايتها : انا طالعه وبرسل السواق.
بشاير: خلاص اعطييه فلوس وقولي له يشتري 2 تورتيلا .
جواهر : طيب انا استناكم وياويلكم لو ماتجون .
بشاير: ان شاء الله .
راحت جواهر وغاده معاها …
اميره: مدري جنى وين .
بشاير: امكن مع مامتكي.
اميره: امكن .
اميره: ذحين وش نلبس .
بشاير: انا بلون شعري باطباشير ^_^.
اميره: طيب واناا معاكي وبفتح شعري .
بشاير: اوك انا بقوم اتروش .
اميره: طيب حتى انا .
راحوا تروشوا وخلصوا وانتظروا السواق واكلوا ……
اميره: وش بتلبسين .
بشاير: بنطلون .
اميره : جد .
بشاير: اييه .
اميره: البسي فستان قصير .
بشاير طنشتها لانها اذا بتسوي شي تسويه : لا رد .
اميره: خلاص انا بلبس زيك .
بشاير: شااااااااااطره اميره .
اميره: ههههههه تحسبيني غاده ولا جنى .
بشاير: لا احسبك اميره.
اميره: ساااااااامجه هذي البنت .
بشاير: ملحيني هههههههههههه.
اميره: اسكتي بس .
بشاير: اسكت ولا اتكلم .
اميره: بشااااااااااااااااااااير وجع .
بشاير: هههههههههههههه يوجعكي تصدقين حلو عليك وانتي معصبه .
اميره: اقول سرعه خلينا نلبس عشان نروح بدري .
بشاير: طيب .
لبسوا اميره وبشاير بنطلون مشجر وعليه تي شيرت وشعرهم مفتوح وطبعا شعورهم ملونه <<< مايخلوون حركاتهم . اكتفوا ب كحل ومسكره
طلعوا حلوين اتصلوا ع السواق ووصلوا المكان ونزلوا وخلوا السواق ينتضرهم لانهم خايفين ماتكون نفس الاستراحه …
اميره: بشايرخايفه حاسه بيصير شي .
بشاير حاسه بيصير شي بس مابينت انها خايفه وبتهدي اميره: وش بيصير.
اميره: مدري بس خايفه .
بشاير: اهجدي .
لقت باب الاستراحه مفتوح دخلت هيه واميره … انصدمت بشاير من اللي شافته وياليتها ماجات o_o!؟ الاستراحه اولاد وبنات ورقص ..
اميره: تتوقعين جواهر هنا .
بشاير: لا مااظن سرعه خلينا نطلع .
وجو بيطلعون بس كان وراهم ولد منعهم: هلا بالحلوين منورين .
بشاير: لو سمحت انا بطلع اظن غلطت في الاستراحه .
الولد: لا مااظن واختك جوه.
بشاير انصدمت اختي جوه يعني جواهر عارفه ان الاستراحه فيها اولاد: اختي مين .
الولد: جواهر وغاده تلعب مع البنات ومرح تحس بشي لا تخافون ادخلوا.
بشاير صارخت : هيه انت وش مسوي في اختي .
الولد مسك بشاير من كتفها : انا ريان ومحد يعلي صوته عليه فاهمه واحلمي انك تشوفين اخواتك .
اميره واخيران استوعبت اللي يصير طلعت بسرعه وركبت مع السواق : سرعه حرك سررعه .
السواق: طيب طيب مدام.
ريان : الحقوا البنت اللي ركبت اكيد رح تفضحنى .
الولد: طيب.
واميره توهتهم واتصلت ع الشرطه وو صفت لهم المكان .
الولد: البنت هربت .
ريان يصارخ : كيف هربت .
الولد2: وربي ماقدرنا نلحقها .
غيداء: لا تخاف هذولا جبانات مرح يسون شي .
ريان: شكرا ي غيداء جبتي لي بنات جناان .
غيداء غيرانه منه سوت في صحبتها كذا عشان يحبها بس مع الاسف اعجب في جواهر وبشاير: العفو ولا تنسى وعدك .
ريان طنشها وراح عند جواهر وبشاير ومالقيهم في الغرفه اللي حبسهم فيها تججن وراح يدور ع غاده ومالقيها …
ريان: غيداااااء .
غيداء انفجعت منه : وش فيك .
ريان : وين البنات .
غيداء: اي بنات.
ريان: جواهر وبشاير وغاده وين .
غيداء: لا تقول راحوا .
ريان : مدري عنك ي انسه غيداء.
ركبت بشاير وجواهر وغاده السياره وراحوا …
جواهر: انت عارف بيتي وين .
الولد: اييه عارف وبوصلكم قبل لا تجي الشرطه .
جواهر: الشرطه وليش تجي !؟
الولد: بنت خالتكي هربت واتصلت ع الشرطه .
بشاير: لحظه لحظه وانت وش عرفك ببيتنا .
الولد:بعدين تعرفين وانا بس انقذتكم كنت عارف ان غيداء تكذب ع جواهر من اول.
بشاير تبكي وتصارخ : شفتي ي جواهر هذي سهراتك وثقتكي فيها شوفي وين ودتنا وهيه تعرف ان ابوي وامي ماتوا وماعندنا احد يهتم فينا ويحمينا انا اكرههك ي جواهر اكرههك توقعتك بتكونين مثل ماما..
سكتت بشاير ولسه تبكي مقهوره من جواهر .
غاده: ماما وبابا مسافرين مو ميتين انتي وش فيكي تقولين كذا عنهم.
بشاير: لا ي غاده ماما وبابا ماتوا تعرفين وش يعني قصدي يعني مرح يرجعون عااارفه .
جواهر تبكي وماتوقعت بشاير صارت ضعيفه كذا : بشاااير اسكتي .
غاده طالعت في جواهر وهيه تبكي: ليش تكذبين عليه من اول ي جواهر ليه ليه تقولين بابا وماما مسافرين وهمه اصلا ميتين .
الولد متحزن ع البنات ويفكر الحين وش بيسون في غيداء اللي خربت حياتهم وفكر ينتقم للبنات وخاصتاا بشاير .
وصلوا البنات البيت ونزلوا وشافوا خالهم يحيى مصدوم هذولا بنات محمد يخافون من الاولاد ولا عمرهم كلموا ولد كيف يروحون استراحه فيها اولاد …….
خالهم يحيى: عرفت كل شي ي بنات وانا اسف من جد خليتكم ولا اهتميت فيكم بس ليش ي جواهر تروحين استراحه فيها اولاد وتاخذين غاده معاكي.
بشاير ماتحب احد يتكلم ع تربيتهم: خالوا انت ماقصرت معانا وبعدين ليش تلووم جواهر غيداء صديقتها في المدرسه وسمعتها زينه كيف ماتبغى جواهر ماتمشي مع بنت كانت رافعه راس ابوها واحنا ي خال متربين واحنا بنات محمد مايهزهنا جبال وولد مثل ريان الحقير وغيداء انا رح اوريهم وخلوا في بالكم احنا مانكلم شباب ونيتنا صافيه وبعد اسبوع رح نرجع جده ونسكن لاني مو ناقصه احد يتكلم عن تربيتنا ..
ودخلت غرفة خالتها وغاده معاها وخالها مصدوم من كلام بشاير…..؟!
جواهر وهيه تبكي طاحت ع خالتها ختومي: ي خاله فهمي اخوالي انا رحت البارتي ع اساس ان كله بنات وربي كذا قصدي حتى رحت من بدري عشان اساعد غيداء والله احنا متربين ومرح نسوي شي زي كذا .
ختومي: جواهر حبيبتي احنا واثقين فيكم بس خالك فهم كل شي غلط وبيفهم مع الوقت .
جاء خالها يحيى وجلس عند جواهر وطلب منها يفهمها السالفه وفهمته جواهر كل شي وهيه تبكي …
يحيى باس راس جواهر: وربي ي جواهر ماكان قصدي بس خفت عليكم وريان وغيداء شغلهم عندي وانتم مرح ترجعون جده .
جواهر تطمنت: ان شاء الله .
خالها يحيى ابتسم لها وراح عند بشاير شافها نومت غاده وجالسه عندها وباين انها مهمومه وانه مو بس مشكلة الاستراحه اكيد في اشياء ثانيه وانا مدري عنها : بشاير .
بشاير وقفت: هلا خالوا .
يحيى: انا اسف فهمتكم غلط ماكان قصدي .
بشاير: معذور ي خالوا اكيد بيروح بالك لبعيد وانت تسمع بنات اختك في استراحه مع شباب .
يحيى ابتسم : السالفه بسيطه واحنا كبرناها صح .
بشاير: هههه صح وانت السبب .
يحيى ي زينكم ي بنات محمد ع همومكم تضحكون ولا كأن شي صار: هههه ومرح ترجعون جده .
بشاير ابتسمت: ان شاء الله .
يحيى : يله انا رايح اشوف حل مع ريان وغيداء.
بشاير:اوك الله معاك ولا اوصيك اذبحهم .
يحيى: ان شاء الله لا توصين ع حريص .
طلع خالها يحيى وبشاير قفلت اللمبات وطلعت من الغرفه ولقيت جواهر واميره وخالتها ختومي ع جوالاتهم ويضحكون …
بشاير: وين جوالي .
اميره: شوفيه في الشنطه.
اخذت جوالها وجلست معاهم ..
جواهر: غاده نامت .
بشاير: ايوه .
اميره: غريبه بشاير تنوم غاده .
بشاير: أي والله غريبه .
جواهر: ههههه اظن عقلها صار في شي .
بشاير: والله مدري عقل مين صار فيه شي .
اميره: يله بس حزن جوعانه .
ختومي: ي ربي من هذولا البنات بس جوعانين .
جواهر: أي والله بس جوعانين .
بشاير: ي كذابين احنا نشتري وانتم تجلسون معانا وتاكلون.
اميره: أي والله صادقه .
بشاير: انا بنام .
اميره: والعشا .
بشاير: اذا قمت بيصير فطور .
اميره: طيب ونروح وادي نمار.
بشاير: ان شاء الله .
ختومي: اذا لقيتم احد يوديكم .
اميره: والسواق .
ختومي: في سابع نومه .
بشاير خلتهم وراحت الغرفه وانسدحت وتتذكر كيف كانت في نعمه وهيه مع ابوها وتبكي : اه ي بابا ليش رحت وخليتني الكل عارف ان مافي احد يحميني انا واخواتي وانتي ي ماما وينك ليش رحتوا وخليتونا كذا ليش وبعدها استسلمت ونامت .
انتهى البارت الثالث :
وش قصت الولد اللي انقذ البنات .
البنات بيرجعون جده ولا لا .
اشوفكم في البارت الرابع ولا تحرموني من ردودكم *_^
الساعه 8 الصباح قامت بشاير وتوضت وصلت واخذت فونها وراحت الصاله وشافت اميره تقلب في القنوات ….
بشاير: بسم الله كأنك جني.
اميره: اخييران قمتي .
بشاير: مانمتي .
اميره: ﻻ .
بشاير: وليش ان شاء الله .
اميره: مدري .
بشاير: طيب فطرتي .
اميره: ﻻ والله جووعانه .
بشاير: وش رايك نفطر برا .
اميره: والله فكره بس مين بيودينا .
بشاير: والله مدري السواق ونايم هوه وجهه.
دخل عليهم بدر: انتم صاحين .
بشاير افف هذا وش يبغى: ﻻ نايمين .
بدر: سااااامجه .
بشاير: تصدق اول مره ادري اني سامجه .
بدر: المهم فطرتم .
اميره: ﻻ والله وجوعانه <<<< حزنتني خخخخخ.
بدر: طيب نفطر برا وبعدها نروح وادي نمار .
بشاير: احنا فكرناا كذا بس مين بيودينا .
بدر: بابا بيودينا .
اميره: اخييييران يله قومي بشاير اللبسي عبايتك .
بشاير: ﻻ اله اﻻ الله انتظري امكن خالوا ماقال له .
بدر: الى والله قال لنا وقال اذا البنات صاحين خلهم يجون .
بشاير: مدام كذا يله بلبس عبايتي .
لبسوا اميره وبشاير عبايتهم وراحوا مع خالهم ونزلوا ماك…
بشاير: ماعندكم الى ماكك .
اميره: اسكتي احمدي ربكى لقينا احد يودينا .
بدر: والله حلو بيعجبكي.
بشاير افف انا وش خﻼني اطلع مع عيال خالي : ﻻرد .
وخلصوا من ماك وراحوا وادي نمار اميره وبشاير راحوا بعيد عن خالهم وعياله يتمشون ….
اميره: بشاير اموت واعرف ليش غيداء سوت كذا في جواهر.
بشاير: اكيد ريان وعدها بشي هذي تموت في ريان .
اميره: وكيف عرفتي .
بشاير: احساس.
اميره: الله وش ذا اﻻحساس .
بشاير: مدري .
اميره: تصدقين انصدمت من كﻼمك لخالوا .
بشاير: وربي ي اميره الكﻼم اللي قلته ماحسيت في نفسي ﻻني مااحب احد يتكلم عن تربيتنا واخواتي انا رح اهتم فيهم وياويله اللي يسوي لهم شي .
اميره : فديتك وربي انك تعجبيني .
بشاير: احم احم .
وسكتوا شوي وبشاير شافت الولد اللي جابهم من اﻻستراحه وطالع فيها وابتسم بشاير استغربت منه ونزلت راسها ….
اميره: وش رايك نرجع عند خالي .
بشاير: طيب يله .
رجعوا عند خالهم وجلسوا شوي وبعدها رجعوا البيت اميره نامت وبشاير جالسه تطقطق ع فونها وتكلم نانا ….
الساعه 1 الظهر وبشاير لسه مانمت وفكرت تسوي الغدا ﻻن خالتها ترجع من الدوام تعبانه وماتقدر تطبخ …
بندر: انتي صاحيه .
بشاير انفجعت : بسم الله الرحمن الرحيم انت من وين جاي .
بندر: هههههههههههههههههههه .
بشاير: وربي فجعتني .
بندر: وش تسوين .
بشاير: اطبخ الغدا .
بندر: من جد تعرفين تطبخين.
بشاير: وش رايك .
بندر: خﻼص بجلس حتى يخلص الغدا واتغدا معاكم.
بشاير: طيب روح علم امك .
بندر: طيب .
وبعد خمس دقايق جاء بندر..
بندر: ماما وافقت .
بشاير: خﻼص خلص الغدا ننتظر حتى خاله تجي ونتغدا سوا .
بندر: طيب.
بعدها جات خالتهم ختومي: يو انتم صاحين نسيت مااشتري غدا خﻼص انتظروا ربع ساعه ويجهز الغدا .
بشاير: بدري ي خاله انا سويت غدا .
ختومي: ماشاء الله خﻼص كل يوم بخليكي تطبخين .
بشاير: ان شاء الله .
ختومي: يله قومي صحي البنات نذاله .
بشاير: ابشري يله بندر قوم نصحيهم .
دخلت بشاير الغرفه فتحت اللمبات وسكرت المكيف …
بشاير تصارخ: يله يله قوووووووومووا .
جواهر: بشاير اطلعي برا .
بشاير: ي خاله تعالي شوفيهم مو راضين يقومون .
ختومي: قوموا يله وفي غدا وﻻ احلى من يد بشاير .
اميره: ماابغى غدا اطلعوا برا .
بشاير: خاله وش رايك اتصل ع ريم تجي تتغدا عبال مايصحصحون .
ختومي: طيب .