رأيي و رأي الاهل -تم الاجابة 2024.

السلام عليكم ورحمه الله
اسعدكن الله بقدر ما تحلون مشاكل البنات وتساعدونهم وتشورون عليهم
عزيزاتي مشكلتي هي بان ابن عمتي يتيم الام يبغى يرتبط فيني و كلمني بهذا الموضوع وقال لي كلام كثييير بانه يعزني كثير وراح يبني نفسه اكثر بحكم انه لسه صغير هو اكبر مني طبعا بس كلنا صغار 20 و 21 وانه يحتاجني جدا وانه مايبغيني عشان جمال او عشان اي شي ثاني هو معجب في شخصيتي وفي طيبتي يقول باني طيبه جدا وهو يحتاجني اكون معاه واعيش معاه مع العلم بانني قبل هذا الكلام كنت احس بانتماء لابناء عمتي ذولي لانهم تقريبا مظلومين لانهم فقدوا امهم وهم صغار وطبيعي ماراح يكونون اطفال عاديين كانوا اشقياء شوي ولكن المجتمع اللي احنا فيه ما يقدر هذا الشي كان اللوم كله على والدهم مع انه يفعل اشياء كثثثثيره عشان ما يحسسهم بهذا النقص ولكن مكان الام كبير تكلموا عليهم بانهم اشقياء وما ينفعون مع انه ترك دراسته عشان يساعد والده ولكن في منظور الاهل كان هذا قلة اهتمام من الاب كل هذا الكلام اقوله عشان تاخذون خلفيه عن الموضوع المهم تقدم لاهلي و قال لهم الوالد بنتي تدرس وعندها جامعه اهم من هذي الامور انا ما امانع هذا الشي ولكن هو وامي يشوفون انه مو مناسب لي وان حياتهم تفتقر الترتيب والنظام بالاضافه الى نظرة ابوي للولد بانه طائش ومو مهذب وهذي الفكره ماخذها من ايام الطفوله انا مقتنعه فيه ولا اشوف ان هذي اسباب كافيه للرفض بما انه من نفس بلدتي و الترتيب والنظام امر بيدي انا ايضا يعني انا راح اساعد في هذا الشي ما راح انتظر احد يرتب حياتي وثانيا طفولته كانت بدون ام ما ينلام اذا ما اتاه النصح الكافي صحيح انو مش متزن كثير ولكن ما يمنع انه الانسان ممكن يتغير خصوصا انه عيوبه مش كثيره والاشياء اللي يسويها تقتصر على مشاجرات ف المدرسه و سواقه السيارات بدون ترخيص محتاره الان بين افكاري وافكار اهلي وخايفه جدا اخاف اظلمه و انا اعرف انه فيه امل كبير بترتيب واعطائه فرصه عشان يصير انسان معتدل في الحياة انا ااؤمن بقدرتي على التغيير والتغيير اللي يحتاجه مش كثير انا نسيت اقول لكم مميزاته اللي تعجبني هو يحمل جنسيه من نفس بلدي حين ان الكثير من اقاربي لا يحملون نفس الجنسيه وثانيا قريب مني جدا يعرفني واعرفه و ثالثا اهله يحبونني ولكن اخاف انني قد اخذ هذا الموضوع بعاطفتي فقط انا اعرف بانني استاهل انسان افضل بكثير في نظري ونظر والديني انا مميزه في كل شي حياتي ولله الحمد ولكن اخاف اخالفهم واندم واخاف ان ارفضه واندم ايضا محتاره جدا جدا
ابغى رايكم فالموضوع هل تفكيري سليم ولا لا و اذا وحده مايدتني ياليت تقولون لي كيف اقنع والديني واللي ماعندها رد امانه ادعوا لي والله الموضوع ماخذ حيز كبير من حياتي ما اقدر اسوي شي بس افكر وافكر دعواتكم لي و مشكورين