دكتوري بالجامعه متقدملي وخايفه -تم الاجابة 2024.

هاي يا سوكرات شخباركم وش مسوين!
اعتبروني اختكم الصغيره وانصحوني انا حابه اسمع منكم ومن خبرتكم وما بكذب عليكم بشي، انا طالبه جامعيه مجتهده عمري 21 في المستوى الرابع حاليا وانا شاطره ومميزه ودايم درجاتي كامله وطموحه جدا وداخله تخصص صصعب برضو ، المهم نكمل انا في ماده من موادي يدرسني دكتور وكان دايم يثني علي في تميزي في تقديم البحوث في طريقه الحوار في طريقه حل الواجبات و و و و و و الخ، كان جدا يعزز لي مع الايام هالدكتور انشد لشخصيتي وقدر يوصل لانستقرامي من وحده من الطالبات! وتصفح كل شي وبرضو بتويتر! وعرف شخصيتي وكل شي فهمني بعدها اعترفلي بحبه وانا شي طبيعي تصرف مني كا فتاه محافظه صديته ووقفته عند حده وقلت له لا تفكر اني من البنات الي تشوفهم انا محافظه وما انزل راس ابوي انا ادرس عشان ارفع راس ابوي وسمعته كلام يسم بدنه وقال انا ما عبرت لك عن حبي ابي علاقه انا عبرت لك عشان تعطيني رقم ابوك قلت كذاب وكلكم كذابين وتوعدون بزواج وما توفون لكن اذا في راسك شي خذ رقم ابوي وعطيته بلوك انصدمت بعد يومين الا صدق مكلم ابوي وماخذ رقم امي عشان امي تكلم امه!
وامي قالت بنشاور البنت وبنرد لكم! وابوي ما بقا مكان ما سئل عنه فيه ييمدحونه مرا حتى راح للجامعه الي تخرج منها وسئل وما بقى محل ولا دائره حكوميه الا وسئل وحتى سئل دكاتره معي بنفس الجامعه عنه وبرضو مدحوه! وانا استخرت وحسيت اني مرتاحه قلت لامي عطييهم موعد وانا صراحه بعد حركته هذي احس انه كبر بعيني! المهم طلعت لامه وامه شافتني وعجبتها وقالت متى النظره الشرعيه انا من يوم قالت نظره شرعيه وانا بديت استوعب ان الموضوع بدا يتحول لزواج حقيقي ومن يوم ما راحت جلست ابكي ماني متخيله اني اتزوج لدرجه ابوي قال ما تبينه ادق وارده بس لا تبكين وامي قالت لي كل البنات زيك لازم ما تتخيل انها تتزوج وتترك اهلها ومن هالكلام، بعدها انا استخرت تلريون مرا ومرتاحه كثير وسوينا نظره شرعيه وحسيت براحه بنظره الشرعيه من اول ما جت بعيني بعينه يعني حسيت براحه ما حسيت ان قلب نغنزي منه او شي بالعكس حسيت براحه! والحين حاطيني قدام الامر الواقع هو موافق يبون يشوفون انا موافقه ولا لا عشان يحددون الملكه! مع العلم انو حللنا دم ومطابق، بس انا خايفه ومرعوبه خايفه من كلام بنات الجامعه الي معي لو عرفوا انه زوجي! وخايفه من اشياء كثير ومتمسكه بدراستي مع انو هو شخصيا شارط اني اكمل دراستي وبيكون متعاون معي ويقول انو انا نفس تخصصها واكيد اني بساعدها وكل شي وابي تتخرج وكل شي بس يا بنات خايفه ما اتخيل اخذ دكتوري بالجامعه انتم مستوعبين! وربي استخرت مليون مرا ومرتاحه لكن خايفه اخذ دكتوري بالجامعه مرا خايفه واحس بموت خوف احسها صعبه ووممكن نتمشكل وممكن نتطلق والطالبات ما بيخلونا بحالنا ومييه فكره براسي
مع العلم انا كم شهر وبدخل 22 وهو عمره 27
نصايحكم لاختكم الصغيره لا تخلونها