السلام عليكم ورحمة الله وبركاته.
خواتي انا عندي مُشكلة وقعت فيها بسبب زميلات..
انا بنت عاديه مثل أي بنت في بداية دخولي لاول متوسط اكتشفت عالم جديد عالم ماكنت اعرفه..
دخلت لها بكل برائه!! ما اعرف عن أي شي يتعلق في التومبوي والليدي والليزبيان:(
دخلت المدرسة او بالاصح دخلت عالم غريب جداً علي.
تعرفت على بنات كثير
لكن!!
في بعض الزميلات كانت حركاتهم معي "غريبة" ما افهمها!
زي تضمني وتمسك اماكن محظوره او تحط راسها عند رقبتي..والخ
بعض صديقاتي كانوا تومبويز و"مخاوين"
شوي شوي صرت اعرف كل حاجه كل شي حتى الاشياء الي تحصل بين الحرمه وزوجها:(
انا ماراح اتكلم عني وعن عائلتي لكن احنا عايله غنيه لدرجة لفت الانتباه لكن ملتزمه في اشياء:( يمكن هذا احد اسباب انجذاب البنات لي….
فففججججأهه شفت نفسي اطالع البنات انعجب في اجسامهم اطالع في اشياء مفروض كوني بنت ما انتبه لها اصلاً!!!!
ما انجذب للرجال ابد واتقرف منهم:(
مع الوقت صارت تجي وحده تضمني تبوسني عادي الموضوع صار و"تعودت"
طلعت من المتوسط ووصلت للثانوي:(
طبعاً كلكم مريتوا في نفس العمر وعرفتوا كيف في كل مدرسه يكون في "شلة" معروفة يعجبون فيهم البنات:( مع الاسف من هذي الشلة انا..
استانس على الهدايا الي توصل من المعجبات والكلام..
لكن الططاااااممممة الكبرا لقيت نفسي اجيب بنات لبيتنا…..
صار الامر عادي جداً جداً كأني عازمه وحده من صديقاتي اتقهوى معها:(
صرت اتعمد البس شورت او بلوزه تطلع البطن او فستان ضيق وقصير لما اروح لبيت وحده من صاحباتي وخاصتاً التومبويز:( احاول الفت انتباههم لي:( كسبت تومبويز ولزبيان كثير كثير بالهبل!! بس ماني سعيده وانا اغضب ربي:(
مممااااككككنتتتت ككككذذذذاااا والله العظيم ماكنت كذا:(
كل مره اقول خلاص لازم اعدل من نفسي مصيري بتزوج اعقل يوم وبمجرد ما اشوف وحده جميلة ارجع وكاني ماسويت شي:(
اهلي واثقين كامل الثقه فيني لكن خنتها:(
يعني امي واثقه ثقا عمياء:( لدرجة اني اذكر مره جت امي عند غرفتي بتكلمني ووحده من البنات عندي لما فتحت لها الباب قالت "ايش فيها صاحبتك كذا تطلع الصوت هذا؟ في حاجة تعورها" لا يا اومي مافي بس بنتك خانت ثقتك فيها:(
المشكلة امي ماهي كبيره ابد شابه تفهم هذي الشياء اكثر مني يمكن.
حسسببيي الله على من كان السبب:(
الحين كيف ارجع نفسي ابغا ارجع بنت
ابغا لما اكلم بنت اكون اطالع في وجهها ما ابغا اطالع في حاجات ثانيه:(
انا مصدومه من نفسي ماتوقعتني كذا!!!!!!
كل ماتطلع من عندي بنت ابكي بكاء مجنون لكن من بكرا ارجع:(
ماني عارفة ايش مفروض اسوي؟
انقل من المدرسة؟ نقلت رحت مدارس كثير اتوقع كل مدارس الرياص صارت تعرفني:(
ممكن المشكلة في المدارس الخاصة؟ لكن اهلي ماراح يتقبلون فكرة الحكومي:(
افكر اوقف دراسة سنه او سنتين لحد ما انسى هذا الموضوع وارجع اكمل:(
ايش تنصحوني فيه؟ كل مااقول خلاص تجي وحده من صاحباتي تهاوشني وتتعمد تسوي اشياء لحد ما ارجع
والله والله والله اني على قد ما احس بالمتعه احس بضيقة داخلي بغصه بتأنيب ضمير شي داخلي يعاتب:(
ابد ماني عارفة ايش اسوي:( يعني لازم احد يساعدني؟ انا قوية في كل شي كل شي اسويه لوحدي لكن في الموضوع هذا اضعف:(
انا محافضة على الصلاة والصوم وقراءه القران بس ليش اسوي كذا:( ليش دايم انغلب وارجع اسوي كذا:(
يارب تهديني يارب تبعد عني اصدقاء السوء وترجعني للطريق الصحيح ياربي ياحبيبي تهديني وتبعدهم عني وتقويني وترشدي ياربي محتاجة لك يارب تبعدهم عني يارب:(
-الاداره ابليز نزلو موضوعي:( لازم الاقي حل ماني عارفة متى اموت.
فقط يااختي استشعري وجود الله ومراقبته لك اذا ما استحينا من الله منو نستحي منه
حبيبتي انتي بنفس عمري وكلنا مرينا بهالمرحله وكنت نفسك اشوف هالفئة من البنات والله انهم يكسرون خاطري شلون يضيعون عمرهم في اشياء قمة التفاهه وفوق هذا حرام وتأثر بسمعتهم
بالله عليكي وش يسوى تسوين بنفسك كذا وتخسرين سمعتك وسمعة اهلك وقبل هذا رضى الله عليك
اول شي تسوينه اقطعي صلتك بكل صديقات السوء وانقلي من مدرستك وعليك بالاستغفااار وقيام الليل ادعي لنفسك بالهدايه رددي "اللهم اني استودعتك قلبي فلا تجعل فيه احد سواك" "اللهم لا تعلق قلوبنا الا بك" " اللهم اني اسألك التقى والعفاف والغنى"
الله يبهديك ويصلح حالك يارب
والتومبوي هي وحده مسترجله وتتصرف تصرفات العيال وستايل ومدري ايش …الخ
معناته تميلين للجنس الثاني
ولا تقولين اتقرف من العيال وما يجذبوني لانك انجذبتي لبنت تتصرف تصرفاتهم
احنا مجتمع منغلق نوعاا ما وما تشوفين حولك الا البنات والتومبوي وتحتكين فيهم بكل اريحيه
فيعني وحده بعمرك ناقصها احتياجات عاطفيه و و و تروح لذا الطريق
انا قاعده احلل الموقف ما اييده !!
انتي الحين بأول خطوه من علاج المشكله هو انك حسيتي بالذنب وان هذا الشي يهز عرش الرحمن
لاحظت من كلامك ان صديقاتك كلهم كذا وهذا اكثر شي يؤثر !!
ماقول لك اتركيهم واذا تقدرين على عالشي فأأيدك وبقوه
بس اتعرفي على ناس جوهم غير يعني مو حقين مخاواه وكل سوالفهم ذي الاشيااء اتعرفي على ناس جو وناسه وسعة صدر مو ذي الاشياء !!
اقولك ذا الشي من واقع تجربه انا كنت تومبوي قبل وكنت احس اني اميل للبنات صح اني ماوصلت للمرحله اللي وصلتيها لان كان عندي خوف
اكثر شي كان مؤثر علي قروبي لانهم كلهم كذا بس الحين لااا مع اني مستمره معهم بس تعرفت على ناس غيرهم لما دخلت الجامعة وكذذا
شوفي وهذا انا تومبوي كيف انتي اللي طبيعيه بس انك تجذبين لبنات !!
تقدرين ()
واذا وحده من قروبك من النوع اللي يستجرك وتبيك مثلهااا اتركيهاا
لان ذي بلحظة ضعف منك ممكن ترجعك مثل ماكنتي !!
وتذكري من ترك شي لله عوضه الله بأحسن منه !!
لا تزعلين ابداا وتقولين ذي صاحبتي وتفهمني وتونسني مابي اخسرها لا اخسريها قبل لا تخسرن جنتك
خليك قويه وصارمه ()
وادددعي وادعي واددعي
تضرعي لله واشكي له هو ارحم عليك من امك !!
بيرحمك ويطلعك من اللي انتي فيه
بس خليك صادقه مع الله !
المشكله ان المسكينه ذي بتتقرب من صدقيتها علي اساس انها خوات لا اكثر ولا اقل , ورفيجتها الثانيه حسبي الله عليها , بتتقرب منها لان عجباها البنيه المسكينه , وعجبها بعد ان بيتهم كبير وعود والبنت بعد لها مساحتها الخاصه في البيت !
فصارت ذي الشخصيه فعلا بتقررب منها , وكل يوم معاها في البيت , وكذا ,
المهم مافي الموضوع ان صداقتهم بدأت تتطور يعني المسكينه الي هي "" أ""" مفكره ان "ب" تحب مصلحتها وبعد علاقتهم بقت قويه , صارت "ب" تقررب من "أ" بطرق مبهمه , ييعني مره نايمه عندها مره قاعده عندها كيف !!! المهم , و "أ" ماهي حاسه بلوضع يعني ماشكت فيها ولا شيء لحدي مافي يوم في بنت تحجت ويا "أ" وحذرتها من اخلاق " ب" و "أ" معطتها فرصه انها تقطع في رفجيتها وصديقتها وتشكك فيها بهذا المستوي! المهم بيوم " أ" طلبت من "ب" انها تجي وتبات عندها , و" ب" وافقت , مدري ايش الي صار بس " ب" حاولت مع " أ" بطريقه من جد جاذبه ولاحظي ان "أ" محتاجه اهتمام لا لاقيه ابو ولا ام ولا اخوات ولا اخوان يعطونها اهتمام !!! بس لاقيه فلوس ! وعاد الفلوس وش بتسوي ؟ بتأذرك ولا بتخاف عليك ؟!!! في لحظه " أ" تذكرت كل ذا وقربت تضعف بس ايش سوت ؟ استشعرت خوفها من رب العالمين , وخافت انها تموت وهي تكون بذي الوضعيه المقززه !!!! اكثر شيء هز قلبها خوفها من رب العالمين , وقدرت بقدره قادر انها تمنع " ب" بس ما بتنكر " أ" انها ضعفت في البدايه فعلا ضعفت ! اهي بشر وبعد محتاجه رعايه وحنان بس لا منعت نفسها من انها تأخذهم بذي الاسلوب , في حين انو مكان احد ممكن يدري عنها او يشك فيها!!!! بس خافت من الله العظيم !!!!!!! وقطعت علاقتها مع رفيجه عمرها الي حبتها وارتاحت لها بس للاسف رفيجتها طلعت مهي بكفو !!!!!!!!
الذبده من كلامي انك تتعظي من قصه " أ" صدقيني اهي ممكن تسوي اي شيء بس خوفها من رب العالمين اعظم واكبر !!!!!
خلي خوفك من الله كبير واستشعري عظمته وقوته ويوم البعث كل ذي الاشياء كفيله منها تخليج قويه ولا تضعفي تجاه شيء , اصلآ في النهايه بضرج ووساخه سمعه لج وضياعه مستقبل و ضياع اخره !!!!!!!!!
اذا عزمتي من جد انك تتركيهم وتحطي نفسج في الطريق الصح وتكسبي رضا الله العزيز وترجعي ثقه اهلج فيج وثقه في نفسج انتي بعد بتقدري
توكلي علي الله واعزمي واهم شيء استشعري رؤيه الله العظيم لج يعني مبعقوله تخافي من امج واهلج وتستحي منهم ولا تخافي من الله العظيم الذي يراك في لحظه !!!!!! الله يهديك وييسر امرك ويبعد عنك رفيجات السوء ان شاءالله , وصدقيني قطعي علاقتك معاهم ابد وكف علي وجههم الي بتقرب لج وبتحاول ترجعك مره ثانيه لذي الطريق الي كله شر وبلاء!!!!!!!!! الله يكفيك الشــــــــــــــــر ان شاءالله
قيمي الليل واكثر الدعـــــــــــــاء واطلبي العون من الله انه هو المعــــــــــين وقولي " اللهم اعني علي نفسي " اكثري من هذا الدعاء وبعد " استودعي نفسج عند الله وقولي " اللهم اني استودعك نفسي فحفظها بما تحفظ به عبادك الصالحين "
الله يكفيكج شر نفسج وشر رفيجات الــــــــسوء ان شاءالله
في آمـــــان الله و رضــــــوان منه .