المقادير:-
صدور دجاج شرايح 1كيلو ملعقتين ملح كبيرة ملعقه كمون ملعقه فلفل اسود فلفل احمر(حسب الرغبه) قاروره سفن كبيرة بكسمات(شابورة مطحونه) بيض
طريقه التحضير:-
قطعي الدجاج على شكل شرايح يعني زي الاستيك ودقيهم عشان تسير شرايح رقيقه وتسير لينه ويسهل اكلها
حطي الملح والكمون والفلفل الاسود مع الدجاج ولازم كل شريحه من الدجاج يجيها الفلفل والكمون والملح
وبعد ما تلخبطيهم كلهم مع بعض حطيهم في زبديه كبيرة
وبعدين اضيفي السفن إلين يغرق الدجاج في السفن وغطيها عشان لا تجي الرطوبه على الدجاج
وحطيهم في التلاجه
واتركيهم 45دقيقه
بعد ماتخرجيهم صفي الدجاج من السفن
اكسرى 3 بيضات في الصحن وقلبيهم وحطي الدجاج مع البيض وبعد كدا حطيهم في البكسمات
حيسير عندك شريحه استيك دجاج
جيبي الطاوة وحطي الزيت عشان تقلي الدجاج
ومع الزيت حطي شويه سفن لا تكتري عشان لاينفجر الزيت
وحطي الدجاج واستني عليها الين تحمر وتستوي
وبعدين حطيها في الصحن و صفيها من الزيت
وكليها وبالعافيه عليكي انت واللي معاكي
وعوافى مقدما
منقوووووول
