السلام
بنات انا بمصييييييييبة مايعلم فيها إلا ربي ..
لا ليلي ليل ولا نهاري نهاااار
اتمني اموت قسم بالله
يارب اغفر لي واستر علي وسااااااعدني
" انا خنت زوجي اللي معذبني "
كلمت واحد وتعلقت فيه وهو تعلق فيني ، بس ماكنت مرتاحة من اللي اسويه ، ودايماً اتهرب منه واحاول ما اسولف معاه كثير !
طبعاً كله ع الواتس اب
وهو مثلي متزوج .. وكان حريص علي انه مايخرب لي حياتي
ولا اخرب له حياته !
المهم انا استمريت معاه سنة وبعدين تركته ، اخترعت له قصة إن زوجي عرف بالموضوع وانه بيطلقني !
ومنها تركته ومافكرت إني ارجع له ..
بالرغم من عذابي مع زوجي
اللي بعدني عن كل اهلي وعازلني عن الناس وهو شبه هاجرني !
اقسم بالله العظيم إني قاضية كل ايامي لوحدي بين الجدران ..
نسيت حتي صوتي لاني مااتكلم !
وحتي اكل ما آكل لانه مايصرف علي ولا يعطيني ريال !
المهم وكنت طول هذيك الفترة عايشة بهم وضيقة وعذاب
ماااااااايعلم فيه إلا ربي ..
" بعدها صرت أعشق الصلاة "
وطول ايامي اصلي واستغفر وادعي ربي يحنن علي قلب زوجي
ويعطف علي الناس ..
لاني وحيييييييييدة مالي غير رحمته !
امس صليت الظهر واستغفرت ودعيت ، وبعدما خلصت صلاة
جاتني مكالمة من رقم غريب !
قلت يمكن تبع الوظيفة لأني كنت مقدمة علي شغل ..
رديت وطلع لي رجال
يقول انتي فلانة ؟!
قال اسمي !!
قلت : لااا غلطان ، بغيت من بالضبط ؟!
قال : بغيتك انتي .. وقال اسمي واسم عايلتي !!
قفلت بوجهه علي طول !
وظل يتصل وأنا ما أرد وقلبي يرجف من الخوف !
ارسل لي رسالة هذا نصها :
" ابيك بموضوع ضروري يهمك كثييير ، وعسي ربي ياخذ روحي
وروح اهلي لو افكر مجرد تفكير إني اضرك بشي "
واتصل بعدها ورديت عليه ..
قال : انتي لك علاقة مع واحد
قلت : لاااا
قال : ايه
قلت : طيب من هالواحد ؟!
قال : انتي عارفة
قلت : لااا ماعندي أي علاقات
قال يمكن قبل ماتتزوجي !
وقال لي اسم هذاك الشخص اللي كنت اكلمه !!!
انا ماقدرت استوعب !!
وصوتي صار يرجف من الخوف
صرت اسمع دقات قلبي
حسيت قلبي بيطلع من مكانه !
جاتني حالة جمود !!
ماقدرت اكذب واقول لاا .. ولاعرفت شاقول !!
قال لي :
انتي كنتي علي علاقة معاه
وتركتيه وغيرتي رقمك وهو الحين قاعد يحاول يوصل لك ..
وأنا ربي يشهد عليي إني جاي اساعدك واخلصك منه !!
بس ما ابيك تتكلمي لأي مخلوق عن هالشي .. وتحافظي علي نفسك وتساعديني عشان اقدر أمحيه من كل حييييييياااتك !
سألني اذا عنده لي صور ؟
قلت : ايه بس كان قايل لي انه مسحهم لانه متزوج ومايبغي ينخرب بيته ..
قال : خلاص انتي لاتخافي ولا تحاتي ولا تبيني لزوجك أي شي
خلك طبيعية قدامه ..
وانا بخلصك من هالشخص !
قلت له : انت كيف عرفت بالموضوع ؟! انت تقرب له ؟!
قال لي : لااا .. هو تكلم لشخص عنك عشان يبغاه يتوصل لك ،
وهالشخص وصل لي هالشي !
وانا قمت حذفت الرقم من عنده وقلت له ياويلك لو تحاولوا تضروها بشي !
المهم بالأخير قال لي انه من نفس ديرتي ويعرفني ..
انا ماتحملت هالخبر !
بغيييت اموت حزتها تمنيت الموت ياخذني ، تمنيت تطلع روحي
يارب لاتفضحني بين خلقك واستر علي أنا تبت تبت وندمااااااانة
..
والحين انا خايفة حتي من هالشخص اللي يقول بيساعدني ..
اتصل فيني اليوم مرتين بس أنا مارديت عليه ، عايشة بكابوس
طول الوقت اتعذب
مادري وش اسوي .. ماعندي احد يساعدني واصلا بعد اللي عشته
وقاسيته من الكل صرت ما أثق بأحد !
خايفة هالشخص يضرني
خصوصاً انه يعرفني من أكون ..
خايفة يوصل لزوجي وقتها ما اقدر اتخيل وش ممكن يصير حتي !
انا بنت محترمة وربي ، انا شريفة انا اخاف الله من صغري ..
ماتخيلت بيوم من الأيام برمي نفسي بالوحل !
الله يلعن هالظروف القاسية اللي عذبتني ومرمرتني و ورتني الويل !
يابنات ارجووووووكم ادعوا لي ربي يستر علي ومايفضحني ،
ادعوا لي هالشخص يكون ولد حلال ويساعدني ومايضرني بشي ..
ارجوكم لا وحدة تجرح فيني وتزيدني تري اللي فيني مكفيني
وزود والله .. لا نوم ولا راحة
من امس لليوم قاسيت الموت مليون مرة !
ياربي انا تبت لكذا قطعت علاقتي فيه وغيرت رقمي ،
مادري ليش هالسالفة طلعت لي من جديد ماااادري !
يارب سامحني واغفر لي واستر علي ولاتفضحني بين الناس
ياستار ياغفار
يا إدارة أرجوووووكم نزلوا موضوعي ضروووووررري ..
ويابنات ارجوكم ادعوا لي يمكن وحدة منكم دعاها يكون مستجاب ،
وارجوكم لاتجرحوا فيني ..
انا غلطت وندمت وتبت واستغفرت والحين قاعدة أواجه نتيجة غلطي
وطالبة منكم المساعدة بعد الله والدعاء بظهر الغيب ..
الله يكون معك ويغفرلك ويستر عليكي
ويسامح زوجك ع يلي وصلك اله
بس مع هيك حبيبتي انتي زدتي لغلط غلط تاني
كنتي اتطلقي وﻻ تساوي شي حرام
بس يلي صار صار
من رايي غلطتي انك قلتي اي بتعرفي هالشخص
يمكن يا اختي هالشخص مسجل صوتك اعتراف منك انك بتعرفي هالشخص
ممكن بدو يستفزك لقدام
لو ماهيك لي ليتصل فيكي ويخرب حياتك ويعيشك بخوف من جديد
لو كلامه صح كان مسح رقمك وصورك من عند لشب ومافي داعي ليتصل فيكي
بس كمان ممكن تكون نيته منيحه الله اعلم
برايي لعد تردي ع اي رقم غريب
وادعي ربك يستر عليكي
الله يستر عليكي يارب
وﻻتنسي قيام ليل
والغلط بكبره منك انتي الله يهديك ويصلحك ماكان عليك تعالجي الغلط بغلط اكبر ورميتي نفسك هالرميه الان انتي بموقف صعب جدا ومو هين ….وزوجك اذا هو مقصر بحقك كان رحتي بيت اهلك او طلبتي الطلاق ولا انك تروحين تخونينه!!! تقصير زوجك غير مبرر للخيانه …..ومشكلتك مع زوجك ممكن تنحل اما بتدخل الاهل وتروحين بيت اهلك لانه تقريبا مقصر بحقوق كثيره معك لدرجه انك ماتاكلين شي!! مقصر تقصير فظيع جدا بحقوقك عايش لنفسه !! هاجرك ومايدري عنك وماينفق عليك ويحرمك من زيارة اهلك !! هلامور لايمكن السكوت عنها المفروض هجيتي من عنده من زمان وش اللي يخليك تصبرين طول هالفتره؟!! اللي صبرك انك وقتها تكلمين واحد غيره؟!! بدل ماتحلين مشكلتك مع زوجك رحتي تكلمين غيره؟!! ونسيتي انك مره متزوجه محصنه ومهما يكون التقصير بالحقوق غير مبرر للخيانه ابدا …عندك مية طرريقه تقدرين تحلين فيها مشكلتك لو شغلتي عقلك شوي !!! والله يفرررج همك كثري الاستغفار وحصني نفسك ولا تردين ابد وصكيه بحظر
الله يشرح صدرك
بس الثاني ليش يتصل
وايش الحل اللي يبغى يسويه
يبغى يشبك فيه
والاول اللي كنتي تكلميه مو قلتيله ان زوجك عرف بالسالفه
ليش جالس يدور عليك مره ثانيه
لو هو يحبك ومتعلق فيك زي ماقلتي
ان كان مانشر رقمك لاصحابه
ادعي ربك انه يستر عليك
الرجال مامنهم امان
الله يسترك يآرب وبنآت المسلمين ، قولي اللهم أسترني فوق الأرض وتحت الأرض ويوم العرض
كرري اللهم من أرآد بي سوء فأجعل كيده في نحره !
ربي يحميكِ