السلام عليكم ورحمه الله وبركاته..
ااااه يابنااات مرا مقهوره وندمانه..بس الحمدلله دا نصيب ومؤمنه انه اللي صار خير..بس نفسي افضفضلكم واعرف كيف اتصرف مع خالي وصاحبتي..
المشكله انه خالي عمره 40 سنه ماقد اتزوج جا عندنا يووم وقال ابا اخطب وانه اخيرا يبي يتزوج وهو ماشاء الله طيب ووظيفته حلوا مو ناقصه شي..
المهم بعد ماراح امي سألتني اذا اعرف بنت ..جا في بالي صاحبتي..
وكلمت صاحبتي كانت تشتغل معايا في نفس المكان وكنا مرا صاحبات..
هي عمرها 32 سنه..
وافقت مبدئيا بعدين قلنا لخالي واتقدملها وشافها وقريو الفاتحه..
خالي مرا كان مبسوط عجبتو البنت واعجب باهلها ماشاء الله مررررا طيبييييييين..
المهم بدأو يعملو الفحص وماطلعت النتيجه الا بعد شهر ..طلع في توافق بس صاحبتي طلع معاها كبد b وانه لازم خالي يروح ياخذ تطعيمه واخذلو موعد هو وصاحبتي..
المهم خالي لما دري اتردد وماعرف ايش المرض دا بالزبط وفتحنا النت واستفسرنا عن الموضوع طلع شي عادي ممكن يتعالج منه ..وقلنالها اصبر لموعد المستشفى عشان تسال الدكتوره بنفسك قال اوكي..
وطلب من ااخو وام البنت انه يكلمها..وكلمها يستفسر في الاخير قلها لاتشيلي هم انا معاكي للاخير ..
صاحبتي مرا انبسطت وفرحت وارتاحت..وكلمتني وقتها..
المهم قبل الموعد بيوم خالي دق على ابويا وقله كلم اخوها وقلو خلاص انا جاي الموعد والموضوع ماشي ان شاء الله..وابويا دق على اخوها وقله كذا وطمنو..
تخيلو في الليل ..دق خالي على ابويا وقله لا خلاص ماني جاي الموعد والله يرزق البنت بواحد احسن مني..
قام ابويا خاصمه وعصب عليه قله انا متصل ع الرجال وقايله خلاص وطمنتو انتا اتصل عليه بنفسك ..
وخالي دق على اخوها وقله ماني جاي الموعد وانهى الموضوع والخطبه كلها 
كلمتني صاحبتي قاللتلي خالك خذلني ونكدعليا ..ومرازعلت وانا انقهرت يابنات
واتفاهمت انا وصاحبتي انو مستحيل دا الشي ياثر على صحبتنا والحمدلله هي عاقله وفاهمه واتفهمت هذا المووضووع ..
المشكله يابنات انه صاحبتي قبل كذا صارتلها صدمه عاطفيه وبعدها نسيت وارتاحت يعني مو ناقصه
الله يهدي خالي يارب ليه طيب كلمها وطمنها وقلها انا معاكي لاتشيلي هم
ايش موقفي دحين مع خالي طيب كان ع الاقل بس راح الموعد وسأل الدكتوره بعدها يسحب
من جد رجال مالهم امان
لعابَ !!
عورت قلبي المسكينة
اكيد في شي غير رايه .. ولا في حد غير رايه
قعدي معاه وحاولي تسحبين منه الكلام وبتعرفين
وصديقتج لاتفتحين معاها الموضوع بتتحسس
بس في نفس الوقت راعيها
الله يرزقها الزوج الصالح ويستر عليها وعليج
يتركها الحين احسن من انه يطلقها بوقت قصير
ويمكن لحكمه الله يعلمهاوشر باعدها عنه
والله يرزقها بااحسن منه
ربنا يكرمها بأحسن منه ان شاء الله
|
المشاركة الأصلية كتبت بواسطة عششقتَ إسمكَ
 اعذريني خالك نذل بمعنى الكلمه !!
لعابَ !! |
حتى انا قلت عنه نذل ..لانه كان ع الاقل راح الموعد بس وكل شويا له كلمه مرا يطمنها مرا لا
|
المشاركة الأصلية كتبت بواسطة رحماك يارب
لا حول ولا قوة إلا بالله
عورت قلبي المسكينة اكيد في شي غير رايه .. ولا في حد غير رايه الله يرزقها الزوج الصالح ويستر عليها وعليج |
والله البنت نفسيتها مرا سيئه وانصدمت لانه هي مو ناقصها صارلها صدمه عاطفيه قبل كدا مرا ندمانه لاني فكرت اوفق راسين بالحلال
|
المشاركة الأصلية كتبت بواسطة عبيرالروح
كل شي نصيب وخالك بصراحه ماعنده كلمه الله يهديه
|
صح نصيب ونعم بالله بس خالي الله يهديه ماكان عنده اسلوب فجأه سحب
|
المشاركة الأصلية كتبت بواسطة الروح النقية
اختي اهم شي تاخذو درس اذا قالكم اخطبولي قولوا انت دور بنفسك عشان لاتتفشلو مع الناس وتحطو نفسكم في موقف محرج مرة ثانية شكلو خالك مو متحمس لفكرة الزواج …
|
مستحيييل افكر مرا ثانيه اخطب لاحد عشان ماتحط في موقف كذا
|
المشاركة الأصلية كتبت بواسطة سندس 3
الحمد لله انه لسه مااخذها
يتركها الحين احسن من انه يطلقها بوقت قصير ويمكن لحكمه الله يعلمهاوشر باعدها عنه والله يرزقها بااحسن منه |
امييييييين يارررب
|
المشاركة الأصلية كتبت بواسطة بموت فى جوزى
موقفك صعب جداا بس صحبتك واضح انها انسانه متفتحه وفاهمه وعارفه انك ملكيش زنب فى دا كله
ربنا يكرمها بأحسن منه ان شاء الله |
ايوا الحمدلله عقلها كبيره وفاهمه موقفي ..
بس هي مرا انجرحت من الموقف وهي اصلا حساسه