حملة تنظيم المشي متجدد لرشاقتك 2024.

اتمنى لكم الصحة والعافية والتوفيق

اكيد لفت انتباهكم موضوع (مسابقة المشي ) وعشان كذا دخلتوا !!

هنا راح تكون مسابقة كل وحدة مع نفسها يعني لا انا اشوفك ولا انتي تشوفيني بس لازم تشتركي في المسابقة اذا حبيتي تكوني اجمل الجميلات

باختصار

مسابقتي هذه لاتقتصر على المستصحة او البدينه فقط وانما للجميع حتى للعصقولات
وللحوامل المتقدمات في الحمل
وللي خلصوا فترة النفاس
وللي عندهم اكتئاب او ملل سريع
وللكل عشان الكل ..

طريقة المسابقة :
1-البسي بوتك الرياضي الخاص للمشي _ وانتم بكرامه _

2-اذا عندكم حوش(ساحة خارجية في البيت) خير وبركة ماعندكم البسي عباتك ولاتترددي خذي اخوك او زوجك او ابنك واطلعوا لمكان بعيد شوي من بيتكم للمكان المقصود مشي وارجعوا مشي طبعا.

3-المشي راح يكون مبدئياً لمدة نصف ساعه واكثر المهم مايكون اقل من نصف ساعه ولا اكثر من ساعتين باليوم لين ياخذ جسمك تمام عالمشي ويصير عندك لياقة .

4-اثناء مشيك استغلي وقت المشي بالاستغفار وبذكر الله كثيرا لتكسبي الدارين .

5-اللي في البيت طبيعي بتاخذ راحتها وعشان كذا راح تسويلها كم حركة راح اضيفهم لكم لما الاقي ردود تشجع ومشتركات معي في المسابقة (وابشركم راح احط تمارين خاصة للبنات والسيدات اللي بيعانوا من كبر العضد )

جائزة المسابقة:
1- قوام رشيق تناسبة جميع ماتشتهيه العين من ملبس ومكسى

2-راحة نفسية تبدا بالمشي وتنتهي بالاسترخاه.

3-للذاكرات الله (اجر وثواب وحسن الجزاء)

4-للحوامل (ولادة طبيعيه وسهله باذن الله )

5- للنفاس (شد الجسم بعد الولادة وخصوصا منطقة البطن المترهله بعد الولادة)

6-تصحح الجسم وشده وتنظم نبضات القلب وتنشط الدورة الدموية .

الحين راح اخذ راحتي معكم في الكلام اكثر
بالله عاجبنا وضع اغلبنا (كلامي موجه لمن تعاني من السمنة ) يعني البدينات يدخلوا السوق يشتهون القطعه الفلانية وتعجبهم هالتنورة الوااااو بس للاسف مافي مقاسها ، وتقعد تندب على حظها ، وتقرر انها تبدا رجيم ، لا ورجيم قاسي ،، وتبدا اول يوم وثاني يوم ولما توصل لثالث يوم تيجي عندهم عزيمه وطبعا لازم تجامل وتاكل 16 قطعةحلو و22 فطيرة معجنات وتقول يووو والله كثرت خلاص من بكرة باعيد الرجيم من اوله ،، وتضل على هالحالة لحد ماتنتهي السنة ..

بالله عليكم مو هذا حال اغلبنا طيب ليش ؟؟

اذااحنا ماهتمينا بنفسنا مين بيهتم فينا .؟؟ ..

نزعل من الرجل اذا التفت يمين ويسار ونقول الرجال مايملى عينهم غير التراب ،، طيب خلينا نملى عينهم بالتراب ونكون احسن من هالبنات اللي بيلفتوا انتباه الرجال باجسامهم ومشيتهم ودلعهم .

عشان كذا ، انا من هنا ، بامد ايدي لالكم كلكم بلا استثناء حتى النحاف والحوامل والبدينات في المقدمة وانا كمانا اولكم لازم نسوي مشروع قوي جدا جدا جدا يكسر الدنيا نقول فيه (لا للبدانه نعم للرشاقة _ لا للمرض ونعم للصحة)

وانتم عارفين انو السمنه مرض ولازم نحاربه ونقضي عليه ومانخليه ينتشر في الاجيال القادمة عشانا وعشان اولادنا

خلي المشي عادتك الصحية كل يوم

طبعا ماراح ننسى لازم نفيد بعض بتمارين حلوة مجربة من قبل اللي بتحطهم
كمانا راح تسجلو اسماءكم اذاحابين تشاركون معي بالمسابقة هنا في الموضوع واللي تحب تشترك معي في الحملة تحط هالشعار تحطه في توقيعها ليكون حافز لها ونصير نسال عنها وانا شخصيا ارسلها كل جديد على الخاص تبعها

راح تقولولي المشي لحالو مابيكفي ، معكم حق وعشان كذا راح يكون كمانا في المسابقة هذي حمية غذائية مضمونه للجميع من دكتور معروف راح احطها لكم لما الاقي تفاعل وردود تشرح الصدر .

وهذا شعار المسابقة حقتنا

في انتظار مشاركاتكم ومالكم الا طيبة الخاطر

اختكم :