السلام عليكم ورحمة الله
بنات انا وامي نفس الشخصيه وكل شي حساسين مره واللي يثبت هالشي ان صداقاتنا قليله… انا عن نفسي اي وحده تضايقني اتضارب معها واتركها ماقدر اتحمل واعذرها بالذات اذا استمرت بالغلط وانا علمتها ان هالشي يضايقني
مثل وحده من صديقاتي بالجامعه دايم تضايقني تقولي تذاكرين و شكلك بتجيبين درجات عاليه انا ماعلي منها قاريه الاذكار ومتوكله على ربي بس تنرفزني تجلس تتشكى المحاضرات صعبه وحظكم شكلكم مذاكرين وتقارن نفسها فينا بالنهايه تاخذ درجات كامله وحنا ننقص… ودايم تقارن نفسها فيني تلبس مثلي حتى الروج تحط مثل روجي وتحاول بأي شكل تصير احسن مني حتى بدرجاتي تقول ماابيك تاخذين اعلى من درجتي عشان مانقهر.. سلامات!
رايحين الجامعه نحارب مو نداوم…. وانا والله بالجامعه حالي بشاني ماحب اضايق احد بس يجون هم يعلقون علي اذا ماحطيت مكياج وش فيك تعبانه اذا ربطت شعري قالو شكله من كثر ماتذاكري اذا كشخت قالو مروقه والله وش ذا الروقان… الله ياخذكم ان شاالله…. ابي اتجاهلهم طفشوني لاني اذا مارديت عليهم ينقهرو بس ماقدر امسك نفسي لازم اتضارب معهم واذا شافوني انقهرت انبسطو… انا بالجامعه كلاسنا مايتغير كل سنه نفس الشي بس 12بنت لو يتغير كان تعرفت على بنات جدد وبقي لي سنتين واتخرج ان شاالله ومتضايقه من مضايقتهم ماودي اجلس بدون صديقات …ماقد اذيت احد دايم هم اللي يبدون بمضايقتي.. متضايقه مره يابنات احس كلامهم يأثر فيني لاني حساسه كنت اول مادخلت الجامعه شاده حيلي الحين نزل مستواي بالدراسه بس يحبطون فيني وانا بعد صرت اضايقهم مثل مايضايقوني بس هم يضحكون وياخذونها ببرود وانا اذا احد ضايقني اشتعل واجلس افكر بكلامه وماانساه واحقد عليه ……مقهوره من نفسي لان كلام الناس يأثر فيني … الله يعيني… علموني بنات قد واجهتوا مثل هالاشكال وكيف تتصرفون.. ماابي اصير بدون صديقات البنات الحين كل وحده تمثل عالثانيه انها تحبها ومن جوا الله يعلم الا نادر منهم…. متضايقه مو قادره اذاكر اختباراتي بسبب الناس التافهه بدل ماافكر بمستقبلي جالسه افكر فيهم
بس لو صار لي راح اطنشهم وما ارد عليهم
اولا حبيبتي:اكتبي في اليوتيوب الثقه بالنفس وكمانا سوي سيرش في googleعن ذا الموضوع راح يفيدك كثير
ثانيا:تعرفي ليش هما ينبسطوا لانهم عرفو نقطه ضعفك فلذلك يحبوا يشوفوا تأثيرهم عليك ارضاء لذاتهم هذي نقطه
وممكن عشان لانسيئ الظن فيهم انو يكون من باب انو يحبوا يشوفوك وانتي معصبه او متنرفزه مثلا لان ملامحك تعجبهم وقتها..
فلذلك لاتبيني لاحد مين تحبي ومين تكرهي او ايش الشيئ اللي تحبيه وتكرهية لان المتضرر الاول هوا انتي [صرتي كتاب مفتوح وشخصيه واضحه جدا لهم فلذلك خذي بكلامي نصيحه ابديه دائمه وملازمه لك راح تنفع كثير
انسي نفسك زمان ولاتقولين انا تربيت على نمط معين ترا كل شي يتغير حتى الشخصيه والمباديئ مع الوقتت تتغير فلذلك بأمكانك تشكيل شخصيتك بالشي اللي تبغيه ويساعدك في مجتمعك
اممم نجي للتعليقات تقريبا انا كنت اكثر وحده حساسه وازعل وابكي من اتفهة شي ولمن اقول لامي تقول ترا انتي اللي بتتعبين ولا هيه كلمه عاديه ماتحوج الزعل ذا وفعلا حطيت كلامها في راسي وصار اي احد يقولي كلمه وتضايقني وحتىلو مزح ما ابين واقعد اضحك لين عودت نفسي واولا اقول لنفسي ماغلطت عليا ولا انقصت من كرامتي فليش ازعل فصرت عادي وي كثر م تجيني من تعليقات بس عادي اصلا حتى انا اعلق على صحباتي نفس تعليقات صاحباتك ايشبك تعبانه او فلانه سوي شعرك زين كان م عندك مشط وكلنا نضحك وهما نفس الشيئ ترا لاتزعلي وتكدري خاطرك على شي م يستاهل لان قلبك الي بيتعب تعودي تاخذي الامور بسهاله وعودي نفسك اول مرا بتتعبي بس حاولي مرا ومرتين وثلأثه انتي في النهايه الكسبانه
وسو سوري ادري طولت بس حبيتك تستفيدي
تخليهم ياثروا فيك وبعدين طنشي تعليقاتهم الي ماتقدم ولا تاخر اسحبي عليهم واهتم في دروسك وبس اذا جلستك معهم راح تأثر بس سلام من بعيد لان بعض الصديقات شر اعوذ بالله
بعدين وش فيهن صديقاتك واحليلهم ليت عندي صديقات مثلهن
حبوبه بالعكس صديقاتك بسيطات ويعبرون باللي فخاطرهم هااحسن من صديقات يمدحونك بالكذب عقب يتكلمون عنك ولاتضيقين الا استانسي وبما انك تعلقين عليهم مثل مايعلقون هابعد شي جيد منك كفو خل يحسون ههه
وهم مثل ماشفتي ياخذونها ببرود وها دنياه لازم ناخذها ببساطه وانتي بعد استانسي ولاتكدرين خاطرك الصداقه يبي لها سعة بال وخل قلبك منشرح والله بيعينك واقطعي الافكار السيئه عنك واهتمي بدراستك واكثري ذكر الله
—
بخصوص ياثرون ع دراستك لا وش دخل اللي بذاكر بتنجح واللي مابتذاكر مابتفلح والتووفيق بيدالله
وبالنسبه للي تقول اباا اجيب درجات احسن منك قولي الا بفرح لك وش يعني اذ جبتي احسن عني اهم شي كلنا ننجح
وخل قلبك وسيع وخاطرك منشرح يحبونك وتكثر صدقاتك
وموب لازم تتعرفين على بنات كلاس بس عادي تعرفي ع بنات من برا حتى اللي مب نفس تخصصك
خلك هشه يعني طباعك لينه وبسيطه بشه مبتسمه حبوبه والكل بيحبك وقبل كل شي ادعي ان الله يرزقك بصديقات صالحات يكونون عون لك دين ودنياه
والله يوفقك ويحفظك ويشرح قلبك ^^