لسلام عليكم بنات انا مشكلتي انو من وانا فالطفوله انطوائيه وماتكلم مع احد ولمى دخلت الثانوي حاولت اتغير بس المشكله محد يحب يسمعلي لان صوتي غريب لمى اتكلم ما اوصل المعلومه لشخص الي قدامي امس رحت لصحبتي وكنت اقولهم سالفه و لا شوي اختي قالت وش تقولين انتي؟! ونفس الشي البنات مافهمو منجد انحرجت واحس ماحد يحب يسولف معي ودايم اتمنى لمى نكون بجمعه انو الي تسولف تطالع في تحسسني اني معاهم بس لا صحباتي ولا جارتي ولا حتى اخواتي يطالعو في قولولي ايش هالحاله الي انا فيها الي مو فاهمته ليش محد يهتم لي يحسسني انو يبغاني اسمع السالفه مو بس اطالعلهم واسمع لهم ويمكن انا اكثر وحده منصته لهم ملييييت شسوي
وربي يوفقك ان شاء الله
عادي حبيبتي تكلمي برواقه وقبل ماتتكلم فكري كوييس باللي بتقولينه وخلك طبيعيه
لايجي ببالك انك غير مفهومه
تدربي بالكلام مع نفسك ترى عادي جلسي مع نفسك وتكلمي بترتيب وبثقه
واقنعي نفسك ان موناقصك شي ماله داعي شعور الدونيه هذااا
تفتححي ووسعي صدرك لاتصيرين انطوائيه فليهااا
واذا على الصصوت تراا كثير بنات ينعمون صوتهم ويعدلون لين صاروو تماااام
نعمي صووتك وشاركي الناسس
ايواا كمان من فتره سمعت بمعلومه الشخص اللي مايتكلم كثيرر يخترب صوته او يختفي
والله يوفقك ياعممري
قلبي انصحك بنصايح تفيدك باذن الله
1- اكثري من قرا القرااااااااان والله علاج ينطلق لسانك
اقري بصوت عالي وبشويش وتفكري واحتسي النيه انه شفا
2- قبل لاتتكلممين فكري بكلمتك ووزنيها وتكلمي باختصار وبوضوح
3- عند اختك او اهلك تكلمي بشويش شوي وبهدو وبوضوح
4- دربي نفسك يقلبي اكثري من قرا القران والكتب المفيده
طالعي بنفسك بالمراه وامدحي نفسك وتكلمي
موضوعك بسيط وتقدرين تتجاوزينه بشجاعه ياقلبي
وعليك تكثرين بالدعا
حبيبتي قبل ﻻ تبحثين عن الحل شخصي المشكله
أنتي قلتي انك كنتي انطوائيه
وهذا السبب الرئيسي الي خلاك على هالحاله
شئ اساسي انك تختلطين مع الناس وتتفاعلين وياهم
و شوفي طريقة كلامهم مع بعض عشان تاخذين منهم
أنا كنت مثلك بالضبط ﻻني ماكنت اخذ واعطي مع اي أحد
بس صرت التمس من بعض الشخصيات
خلي عندك اصرار بالتغير وان شاء الله راح تتغيرين
ولو تخلين لك دفتر ملاحظات تكتبين فيه اﻻشياء الي ﻻحظتيها بنفسك وانتي تتكلمين أو تسجلين صوتك وانتي تتكلمين عشان تتعلمين من نفسك أكثر وتكتشفين اﻻغلاط من كلامك والنقطه الي خلت كلامك غير واضح
و أكثري من قراءة القران راح يكون له تأثير في نفسك
بالتوفيق