تعلمي صناعة العلب () 2024.

السلام عليكم الغاليات

لكل اللي يحبون تعلم صناعة علب الهدايا او التوزيعات ,, اقدم لهم هالدورة المبسطة ,,

المواد المطلوبة

نرسم خمس مربعات ( مربع في النص وحولينه اربع مربعات كل مربع الطول في العرض = 5 سم )

نختار مربعين متقابلين من المربعات الاربعة ونضيف لهم على الجوانب زيادة بسيطة ما تزيد عن نص سم كعرض وطبعا هالزيادة هي اللي تلصق بين المربعات مع بعضها البعض ..

ننقسم الورقة قسمين علشان نسوي في القسم الثاني شكل غطاء العلبة

نرسم مربع في النص مرة ثانية ولكن بقياس الطول في العرض 5.2 سم مكتوب في الصورة واحد لكن هي اثنين انا لخبطت اسفة ..

وحوالين المربع مربعات صغيرة طولها 2 سم وعرضها 5,2 سم ..

بعدين نفس الشي نختار مربعين متقابلين ونظيف لهم زيادات اللي بنحطي عليها الصمغ

ها شكلهم بعد ما قصيناهم

وها شكلهم بعد ما ثنينا الاجزاء المطلوبة

على الاجزاء الزيادة لكن من ورا نحط الصمغ ونلصق كل مربع بالثاني وفي النهاية يطلع نفس اللي في الصورة ,,

لو تحبون تسون العلبة شرات السلة ممكن تييبون مستطيل طوله تقريبا 20 سم وعرضه 1.5سم وتلزقونه شرات ايد السلة على العلبة

هذي شكل العلبة مغطاة بالشكل النهائي ,,

وهنيه حبيت اسوي حركة فيها ولزقت على الغطاء وردة وحطيت فوقها شوية لمعة

اتوقع هنيه شكل الوردة واضح اكثر ,,

والله يوفق الجميع وييسر الخير للجميع ان شاء الله دنيا واخره

@ اختكم في الله @

ام ناصر 🙂

ملاحظة :

المشاركة الأصلية كتبت بواسطة بريق الدجى يا هلا بيك اختي ام الناصر ما شاء الله على الشغل المرتب و الشرح الوافي يعطيك الف عافية على الموضوع ينقل الى القسم المناسب

هلا الغالية

تسلمين حبيبتي والله يعافيج ويوفقج وييسر لج الخير ان شاء الله دنيا واخره ومشكوووووووورة على النقل جزاج الله كل خير

@ اختكم في الله @