السلام عليكم و رحمه الله و بركاته
صباح الخير اخواتي و جمعه مباركه عليكن ان شاء الله
اليوم و انا اتصفح المنتدي جذبني قسم الرشاقة و الدايت و فكرت اشارككم تجربتي و احكي لكم حكايتي اللي ابتدت من يوم كنت رشيقة بجد و جسم جميل كتير يحسدوني عليه الي ان اصبحت و الله بدون مبالغة زي الفيل في حجمه من شدة السمنه اللي كنت اعاني منها …دا طبعا غير الامراض سكرو ضغط عالي و كمان ارتخاء في البطين الايسر في القلب 
اه و الله فعلا وصلت لمرحلة الموت من شدة السمنة غير اهمالي في بيتي و اولادي …
لحد اليوم الحمد لله استعدت رشاقتي مرة اخري صحيح لسه مش الوزن اللي بحلم بيه لكن بحمد الله كتيرات بيتمنوا يوصلوا للمرحلة دي و بيسالوني دائما انا بعمل ايه 
المهم اسمحوا لي افضفض معاكم و احكي لكم حكايتي و خطواتي لحظة بلحظة يارب تكون مفيدة ليكم في حياتكم …
راجعه تاني ان شاء الله اكمل معاكم
في امان الله 
انا كنت مركزه جدا مع البيت و الاولاد و بس و مش مهم اروح للدكتور مهما بلغت حالتي من المرض فما بالكم بقي اني اروح علشان التخسيس او الريجيم …
لحد اليوم اللي انفصلت فيه عن زوجي و اتوعدني قدام الكل اني راح اموت بعد سنه بالزبط !!!
تصدقوا ؟؟؟؟؟
و فعلا بقيت خايفه من الموت و قلت ازاي اسيب اولادي في الدنيا لوحدهم من بعدي ؟؟؟؟؟
لحد ما اخدت القرار اني مش حنتظر الموت و حاخد الخطوة المناسبة علشان استعيد حياتي
و اقدر اكمل مع اولادي اللي مفيش لهم حد في الدنيا من بعدي ….
حرجع لكم تاني ان شاء الله و اقولكم انا عملت ايه …