اعملت مبارح تارت الفراوله وطعمها طلع تحفة بتجننننن
صورتها وانا بعمل فيها حكيت ازا طلعت طيبه بنزلها وازا مو طليبه لا من شاف ولا من دري هههههههه
يلا اتركم مع الصور والطريقة
اولا
مقادير العجينه
كاستين طحين
كاسه زبده
بيضه
معلقتين فانيلا
ورشه ملح
ومقادير الكريمه
كاسه حليب بودره
كاستين ماء
3 صفار بيض
معلقتين كبار طحين
معلقتين فانيلا
وفراوله ومربى الفراوله للوجه
نبلش بالطريقة
اول شي بنعجن العجينه
بنضيف الزبده للطحين وبنخلطهن منيح وبعدين بنضيف باقي المقادير وبنخلطهن لحتى تسير العجينه متماسكه
متل الي في الصوره
بنفر العجينه منيح في القالب
بهذا الشكل
بنتركها شوي ترتاح وبنخلها الفرن على درجه حراه 200 لحتى تسير شقرا
بتاخد وقت 10 دقائق تقريبا
وبعدين بنبلش تحضير الصلصه او الكريمه
بنخلط كل المقادير مع بعض وبنخلهم منيح
متل الصورة
وبنحطهن على نار متوسطه لحتى يتجانسو منيح
متل هيك
وفيكي تحطي قشطه على الخليط بالاخر بيعطي طعم طيب
انا حطيت معلقتين
بنسكب الصلصه بقالب التارت
متل الصوره
وبعدين بنزين القالب بالفراوله المقطعه على زوئك
وهاد الشكل بالنهايه
واخر شي بتحطي مربى الفراوله على الوجه
يالا جربوه واعطونا رايكن
والف صحه وهنا
وهاي قطعه من التارت
تسلم إيديك حبيبة قلبي ليديا تارت لذيذ وشهي من طريقة عمله وشكله
وإن شاء الله رح أجربه
لإني من زمان حابة أتعلم طريقة عمل عجينة التارت
حلوة اوى طريقتك اختى ليديا ماشاء الله عليكى
شكلك استاذه حلويات
تسلم ايدك حبيبتى
واحلى تقييم للموضوع
تحياتى
مشاركة رائعة وتستحقي التقييم
اتسلم ايدك:)
زكرتيني بالتارت…يا عيني ما اطيبوا
تسلم ايدك ليديا…..ياأمورة
احلى وارق التحايا…ياعسل
لؤلؤة وردي شكرا حبيبتي على التقيم خجلتيني
ميمي المزيونه صحه وهنا خديها كلها بس اكلناها ههههههههه يالا المرة الجايه ببعتلك
طائرالوئام مشكوووره قلبي دايما ذووووق بكلامك