بسم الله الرحمن الرحيم
تكفون تكفون بليز أسمعوني
أدري مشكلتي جريئة وممكن تسخروا منها
لكن قسم بالله قسم بالله قسم بالله همتني وغمتني وهدت حيلي
وبينت علي القهر في كل تقاسيم وجهي
مشكلتي الدين ياعالم وعمى العين
أشهد الله وهو خير الشاهدين أن الدين ذبحني وأنا حية
دين بنك ودين شغالة ودين زميلات عمل ودين قريبات
ماعاد أقدر لا تقولون أنتي حطيتي نفسك فيه لا والله إلا ربي كتبه علي رضيت وإلا إنرضيت
البنك أقترضت أرمم بيتنا (كانت السماء تمطر بغرفنا والبرد يهب علينا من كل فتحة)
تدينت من زميلات وقريبات عشان أجيب شغالة لأمي وأختي (من ذووي الإحتياجات الخاصة)
ولعائلتي الفقيرة ما أقدر أكرف بالمدرسة وأكرف بالبيت
وجت الخادمة سكتت بالبداية الثلاث شهور ثم عصت بعدها كل يوم والثاني سفريني ما عاد أبيكم وأنا أخاف على نفسي وأهلي منها لكن قسم باللي بيده السر والجهر ما أملك ثمن تذكرتها ولا غرامة إقامتها ولا حتى بنزين سيارة تقلعها للمطار
الشهر الجاي زواج اخوي الكبير
وربي اللي بيده سمعي وبصري ما أملك اللي يصلح لي فستان لو خمسمية ريال
بالعكس مديونة لشوشتي ولا أدري شنو الحل
ورب العزة ورب العزة أجوع ما أقدر أجيب خبز وعصير
والدنيا قصيرة والدين هداد حيل
ياأمة لا إله إلا الله شنو الحل سشوي أنا كل ما رأيت رؤيا قالو مهمومة مظلومة تفكرين كثير
حتى الطبيب إذا رحت له قال يا بنتي بطلي تفكير لا يصير لك مرض
والله ما أمسك نفسي أصيح وأبكي قهر راتبي كله على بعضه يروح توزيع لفلان وعلان ووالي ظالم مايرحم ولا ينفع ولايرفع عني هداد الحيل…
دعواتكم دعواتكم عسى ربي يفرجها عسى ربي يرحمني بس من هالحال
يارب ارحمني وفرج كربي واقضي ديني و(انم عيني مرتاحة)
والله ما ادري وش اقول لك 00بصراحه ما عندي افكار اقتصاديه لك
ولكن اتمنى احدى الاخوات تعطيك حل معقول يناسبك ويساعد في تفريج همك باذن الله
بسسسسسسسسسس عندي فكره ان شاء الله تناسبك00ليش ما تطلعين قرض ثاني من البنك اذا راتبك زين ويغطي وتسددين منه جميع الديون اللي متسلفتها 00وبكذا تصيرين تسددين من طريق واحد اللي هو البنك وباقي الراتب يصير لك 00اعتقد بعض البنوك تعطي قروض زياده مع تقسيط طويل الاجل اذا كان راتبك يغطي
يارب اكون افدتك 00انتي تقدرين تسألين عن هذا الامر بنفسك 00وربي يكون في عونك ان شاءالله
( ورب العزة ورب العزة أجوع ما أقدر أجيب خبز وعصير )
بقوولج حبيبي الدين حله انج تستغفرين واااااااااااايد سأليني انا لي قريب كان مديوون ويأخذ فلوس الخبز والبنزين من امه قلنا له استغفر والله العظيم الله يشهد ع انه تم يستغفر وجته فوااااااايد
والله الحين مساافر اجازة مع زووجته حتى اليحن هو يعطي الفلوس لأمه
قسم بالله من الاستغفار الاستغفار يجلب الرزق
اتمنى منج تسمعين نصيحتي
وماراح انسااج من دعواااتي
والله يفرجها عليج عاجلا
عليك يااختي باستغفار والدعاء
والله انا مره قريت قصة رجل تعدي عليه أيام ومايملك شي
سبحان الله لزم الاستغفار بشكل مستمره تقريبا أقل من شهر
ربي فرج عليه ورزقه
بس كوني واثقه بالله
عليك حبيبتي با الإكثار من قول ((لا اله الا انت سبحانك اني كنت من الظالمين ))
لأن هذا دعاء نبي الله يونس لما كان في بطن الحوت وفرج الله عنه بكثرة قوله هذا الدعاء …
وكثرة الإستغفار لأن الله قال في الآية الكريمه (( فقلت استغفروا ربكم انه كان غفارا*يرسل السماء عليكم مدرار ويمددكم بأموال وبنين ويجعل لكم جنات ويجعل لكم انهارا))
اتركي المرزوق والجأي للرازق اتركي الضعيف والجأي للقوي العزيزالذي بيده
مفاتيح السموات والأرض
عليك بسهام الليل فإنهالاااااتخطيء انطرحي بين يدي ربك
بقلب منيب واكثري الاستغفار
يارب اقضي دينهاوافرج همها
آآآآآمييييين