بسم الله الرحمن الرحيم
السلام عليكم ورحمة الله وبركاته
باركولي حبيباتي ولدة ولله الحمد وجبت ولد الله يحفظه من كل عين!
وهذي قصة ولادتي المؤلمه!!!!
في يوم الجمعه الموافق 20_7_1431 الساعه 11مساء جاتني الآم ولاده
اتصلت على زوجي وقلتله شكلي راح اولد ضحك وقال الحين اجي وعلى طول البس عبايتي واستنى واستنى ماجاني الا الساعه1فجرا وانا زعلت وعصبت وقلت خلاص ماني رايحه سكت زوجي لانه عرف انه غلطان المهم اناكنت مررررره معصبه واروح على المطبخ واسوي قرفه وجنزبيل اخضر وحليتها بعسل وشربتها وقعدت امشي في البيت زاد علي الالم ورحت لزوجي وقلتله قوم وديني المستشفى قال طيب البسي عباتك والبس العبايه ونروح مستشفى قريب من البيت بس عشان اتأكد في ولاده والا مافي دخلت للدكتوره وكشفت من تحت قالت الرحم مفتوح2سم قلت يعني ولاده قالت ان شاء الله قالت تبغي تتنومي قلت لا بااروح امشي قالت طيب خرجت من المستشفى وانا خايفه رحت البيت الساعه 3فجرا والالم يزيد وانا تعبانه المهم قالي زوجي خلاص ماني رايح الدوام دام راح تولدي بجلس معك انا ارتحت يوم ماراح الدوام عرفت انه خايف علي المهم راح زوجي صلى الفجر وجى نام وانا امشي وتعبانه ماني قادره انام وبدا الطلق يزيد الين الساعه 10 صباحا رحت صحيت زوجي وقلت خلاص ماني قادره اتحمل الالم بروح المستشفى قال طيب ورحت مستشفى بخش ودخلت العياده وكشفت علي الدكتوره قالت خلاص ولاده راح زوجي يسوي الاوراق حقت التنويم وطلعت غرفة الولاده الساعه 12 الظهر جاتني الممرضه وحطتلي التخطيط عشان تشوف الطلق المهم صرت انادي عليها عشان تفك الخطيط وامشي جات فكته وقعدت امشي واستغفر وادعي واتصلت على زوجي وقلت له تعال شكلي راح اولد قال طيب وجا قعد عندي صرت اقوله نادي الدكتوره خلاص بموت من الالم وجات الدكتوره وكشفت علي قالت مفتوح 6سم صرت اصيح واقول يادكتوره ارحميني الله يرحمك وصرت ادعي للدكتوره واقول خلاص شقيني ماني قادره
قالت ادفعي وصرت ادفع بقوه وتقولي شاطره كمان وزوجي ماسك يدي ويقول خلاص شوي وترتاحي ويمسح علىراسي وشوي الاطلع البيبي وانا ميييييييييييييييته تعب والحمدلله ولدت 
واسفه على الاطاله راح اغيب فتره عن المنتدى تدرون نفاس وخياطه الله يعين ادعولي تخف الالام يعني كانت ولادتي يوم السبت21_7_1431الساعه 6 مساء
وعقبال كل الحوامل يقومون بالسلامة يارب
يتربى في عزكم ان شاء الله