السلام عليكم اخواتي امس كنت اتناقش مع بنتي الكبيرة 20 سنة وتهاوشنا وعلت صوتها علي وانا بلحظة غضب رميت عليها تحفة مدورة بس ثقيلة كنها رخام رميتها جت على صدرها
والله امس افكر مانمت اخاف تكون وجعتها واختها معاها بالغرفة تقول انها طول الليل مانامت تصيح وتشكي من الام في صدرها ووجها مصفر اخواتي انا والله خايفة وقلبي معورني بس والله العظييم غصب عني كنت معصبة وهي الله يهديها اقهرتني انا الحين مزاعلتها مااكلمها ولا ابغاها تحس اني مهتمة قلت لابوها يوديها المستشفى وقال ماعلي منها انا قلقانة والله العظيم اخاف يصير فيها شي كايد بسبب الضربة واكون انا السبب خصوصا انها رخامة ثقيلة والله مب عارفة وش اسوي طوول اليوم ادعي بصلاتي الله يستر هي غلطت ورفعت صوتها بس تظل بنتي وكان المفروض مااتصرف كذا بس غصبببب عني ماقدرت الحين اخواتي تنصحوني اوديها الطبيب والا كيف اتصرف ساعدووني ………………………..
وديها للمستشفى يكشفون عليها :"
والله يهديك المفروض تمسكين نفسك : (
مره خطر الشيء الي انتي سويتي خصوصا الضرب مع الصدر :"
حتى الظهر والراس مايصلح ابد :"
الله يستر عليها يارب ان شاء الله مافيها الا العافيه ‘
بس روحو وتطمنو عليها .
اجعلي ابيها يذهب بها الي الطبيب ليطمنك عليها لا تذهبي انت
وادعي ربك يسترها
لكن لو تحركت انت فكأنك ضربتيها بلا فائدة
انتي روحي لبنت ووديها الطبيب وتطمني عليها وظلج زعلانه عليها عادي مومعنه انج زعلانه ماتودينها الطبيب عرفتي الموضوع سهل
وان شاءالله مافيها شي ممكن رضه بسيطه وهذا درس يقولج العقاب النفسي اسوء من العقاب الجسدي
وديها لدكتور و ماتشوف شر ان شاء الله
الله لا يندمج ان شاءالله
بسرعه الحييييييييييييييييييييييييين لو بتقدري وديها للطبيب والله يستر
تعالي وطمنينا , وسوي كل الفحوصاااات لان منطقه الصدر وايت خطره وربي العظيم بتكلم صج
في العاده ما برجع للمواضيع , بس راح ارجع كل فتره هني واقرا ايش صار وياها !!! لعل الخير ان شاءالله