السلام صبايا
بقولكم مشكلتي
انا دلوعه وانطوائيه تزوجت انسان ماكنت ابغاه بس اهلي اجبروني مع اني كنت مستخيره ولاكنت ابغاه بس النصيب
تزوجته وكل يوم يقولي لو انا ماتزوجتك كان انتي عانس بس اهو طيب ودايم يحلف انه يموت فيني وانه يعشقني من اول
بس بيوم جرحتني امه قالت لي انا رحمتك وزوجتك ولدي ولا هو مافكر فيك
حطيتها بقلبي وصرت اتصرف معه تصرف اذا الشخص ماتبغيه وانا وربي قلبي يتقطع احبه
جاء مره باليل وقالي انزلي تحت معي ومع اهلي رفضت انا
وزعلت عليه نزل ورجع ولبس بجامته وحط راسه على الوساده انا تضايقت لاانه ماعبرني ارسلت له رسالت كتبت فيها اكرهك والله ومابي اشوفك
عصب على وهاوشني وقالي اصلا انتي ماتستحي وحاطه عينك على غيري
زاده المشاجره وطلبت اروح لهلي وصلني لهم
بس اليوم خامس يوم لادق ولا ارسل وانا قبل يوم ارسلت ولا عبر رسالتي
تتوقعون خلاص مايبيني وامي تقول مستحيل ترجعين له
هل ادق واكلمه ولا اطنشه واذا دقيت ولا رد وش يكون موقفي اخاف مايرد او يقول كلام يجرحني 
طفشت من التفكير احياننا افكر انتحر يمكن يخاف على ويجي ابي اشوفه وربي اموت بتراب رجوله
ساعدوني وكل وحده تقول احساسهاا تتوقعون ارجع له او اني خلاص بكون مطلقه اهلي اصلا كلهم يقولو خلاص راح يطلقك حتى امي البارح تقول انتي مطلقه ميه بالميه مشكله بسيطه توصل لطلاق
وربي وانا اكتب جالسه ابكي…..
وابي اعرف ليش مايدق على ياخي اقلها رساله معقوله لدرجه هذي يبي الفكه مني معقوله كذا ياخي الشخص لو عاش معك يوم والله تسال عنه وانا ولا فكر 
خساره حبي له وربي 
وصارحيه انك نحبينه ,,,,,,,,من كلامك انك شايفه نفسك عليه ,,,,,,,,,
ترى الرجال اذا مااحتويتيه راح يطير مين بين يدينك
ولاتخلين احد ياثر على علاقتكم الزوجيه ……..هو مجبور في اهله بس مو مسؤول عن تصرفاتهم……
كل واحد يمثل نفسه وبس,,,,,,,,
خليك ذكيه في تصرفاتك معه ترى الرجل ماينسى الاساءه……….حاسبي على كل كلمه معاه
وحطي نفسك مكانه هل بترضينها او لا
اتمنى من الله ان يهديكم لبعض ويهدي سركم ياااااااارب انه القادر على ذالك…….
تقبلي مروري ودعواتك لي
لا تيأسين وادعي واستغفري كثييييييييييييييير بنية ان اموركم تتيسر
وهو يمكن بس يبي يعطيك درس عشاان ما تعيدينها
والله يعينك وان شالله ما يصير الا كل خييير
وطمنيني عنك ؟؟؟
وانتى طلعى هذة السالفة من راسج ان امة تزعجج اهم شى انج تعيشين معة بسلام والطلاق الله لايكتبة بينكم بس حاولى تطنشين الكلام الفاضى مشان مايعكر جو حياتج واعترف انج غلطانة لانج مانزلتى معة عند اهلة والله ماكان خسرتى شى غير الاجر على الصبر عليهم
طيب اكتبي لة رسالة واعتذرى منة هوحياتج اذا تحبينة خلاص اتفقى معاة انكم بتكونو متفاهمين ومتفقين بامور حياتكم ولاتدخلو حد بينكم تاسفى لة هو وتعاهدى معاة بالخير ومالج ومال امة اعتبرى كلامها عادى جدا واهتمى بحياتج مع ريلج واسعدية وراح يسعدج ولاتكبرين المشاكل خلاص انسى اللى راح وارجعو لبعض بسلام وان شالله ربي يصلح بينكم بالخير
وعلى الفكرة هذا راي وان شالله الخوات يفيدونج
وبعدين كيف وحده تحب واحد وهي تقوله اكرهك …الكلام كذا مايصير انتم قدامكم حياة طويله عريضه لازم تصبرين وتتحملين خلي عنك الكلام اللي يزعل الله يسخره لك ويرجعك امين …