مرحبا حبيباتي الغاليات حبيت انزل طريقة الكراويه الي منعملها
والله يخليلنا ماما حبيبتي هي الي علمتنا اياها
والكراويه احنا منضيفها بمناسبة الولاده وهي مفيده كتير
والسبب التاني الي خلاني انزلها اختي اماني عشان اختي حبيبتي
تتعلمها وتصير هي تعملها وما تغلب اختها حبيبتها الي هيه انا 
بسم الله نبدأ بالمقادير
زبدية كراويه وزبدية رز مطحون
وتقريبا بمقدار زبديتين سكر وحسب الرغبه وتقريبا لتر ماء
نضعهم في طنجره متوسطه
ونضع الماء معهم ومنضل نحركهم حتى يغلو لا توقفي التحريك بالمره
اذا وقفتي بتتكتل زي اللبن
وبس تغلي حطي السكر وشوفي انتي حسب ما بتحبي سكر زياده او خفيف
وخليها تغلي غلوتين مع السكر واذا لاحظتي انه خفيفه مثل المي
جيبي كاسة مي وحطي فيها 3 ملاعق رز مطحون وحركيهم وديريهم على
الكراويه وهي بتنطبخ وطبعا ما تنسو المكسرات للتزين لوز وصنوبر
وجوز وجوز هند وفستق حلبي وقدميها وهي ساخنه وصحه وهنا على
قلوبكم
والله يخليكم لبعض يارب
دمتي بود.
جبت كراويه وناويه اعملها…
سبقتيني …مش مشكله حبيبتي انا وانتي واحد….
تسلم ايديكي روحي شوفي نزلت غدانا اليوم….
شكرا دودو ولا يهمك رح اتعلمها بس ابل بدي ابعتلك الاغراض تعمليلي اياها اخر مره ولا بحكي عنك بالمنتدى مو ابله تساعدي اختك حبيبتك يا حبيبتي جايني بكره ضيوف يا اختي
وعد اخر مره
والك احلا تقييييييييييييييم رشوه هاي
طريقتك نفس طريقتنا
الكراوية روووعة خصوصي بهل البردات:))
معناها انتي يلي كنتي بتعملي الكراوية بنفاس اختك..الله يقويكي
يقيم باحلى نجوم
انجنوا خلتني بيسو اقوم اعمل كراويه
خاصه زي ما قالت امونه بالبردات كتير طيبه
ههههههههههه
مش بس انتي واماني تاكلوا كراويه..
