بسم الله الرحمن الرحيم
السلام عليكم ورحمة الله وبركاته
اخواتي الغاليات انا بمشكله وبهم مايعلم به الا الله
ابوي زعلان ومتضايق مني ومايكلمني
وانا ماني عارفه ايش اسوي
انا مره تعبانه وابغى حل
وياليت الي عندها حل لي ترسله لي رساله خاصه لأن مشكلتي عويصه شوي
ادعولي
لا تزعلين نفسك
والوالدين سبحان الله
مهما صدوا عن ابنائهم لزعل
يرجعون يرضون
بس نبي نعرف شنو سبب زعل والدك
علشان نقدر نعطيك الحل بإذن الله
وكل الأخوات هناء نحاول نساعد بعضنا
فأشرحي لنا سبب المشكله
وان شاء ناخذ بيدك
طبعا ان انقهرت ورديت عليه عشان افهمه انه خطاء وهو عصب وله كم يوم مايكلمني
والمشكله انه ماعنده شي اسمه تفاهم على طول يعصب
وانا بصراحه مالي وجهه اقابله لأنه اساسا مراح يعطيني وجهه
روحي لأبوك وراضيه وبوسي رجوله والله اتمنى ان ابوي حي وابوس رجوله او حتي اناظره بعيوني الله يرحمه ويحفظلك ابوك ويحنن قلبه عليك قولي امين
بس بقول لك شيء
ماكان المفروض انك تعصبين وترفعين صوتك
حتى لو كان ابوك غلطان
هو ما يتخيل ان بنته وحبيبت قلبه ترفع صوتها عليه
ولا يجي على باله ان البنت الصغيره اللي شالها على يده واهتم فيها
ورباها واحسن معاملتها تسوي كذا وترفع صوتها
فأنتي وبدون ما تزعلين مني غلطااانه والحق عليك
بس الحل سهل والوالدين سبحان الله ما فيه اطيب واحن من قلب امك وابوك عليك
فانتي اليوم العصر اذا شفتي ابوك روحي لعنده
وحبي راسه وبوسي يده
واعتذري له وقولي له ان مو قصدك كذا
وانك ندمانه وما يهون عليك انه يتم زعلان ما يرضيك
وان شاء الله بيطيب خاطره ويرضى عليك
وترتاحين
بس حبيبتي لا تنسين قول الله تعالى
(ولا تقل لهما اف ولا تنهرهما وقل لها قولا كريما)
ربي يصلحك ويهديك لطريق الصواب ويهدي خاطرك
ويرضى عنك ربك وابوك بإذن الله