بسم الله الرحمن الرحيم
السلام عليكم اخواتى وحبيباتى
…. الزواااااج
هو حياة المرأة.. ارضها وسماها..سعادتها او شقائها..عذابها ومتعتها.
هو اختيار الله سبحانه وتعالى للبشر لعمارة الدنيا والطريق لنيل رضا الرحمن فى الاخرة.
الزواج علاقة اساسها رجل وامرأة بين اربع جدران ياترى جهزتى نفسك للمغامرة دى؟؟
عرفتى اسباب السعادةووضعتى لنفسك خطوات توصلك ليها؟
عرفتى اسباب الشقاء واستعديتى كويس لمواجهتها والتغلب عليها؟
زمان الرجل كان شاغل باله بحاجتين اتنين مالهومش تالت هما بيته وشغله.دلوقتى الرجل ممكن ينشغل بألف حاجة غير بيته وشغله زى ضغوط فى الحياة..تطلعات..اغراءات..معاملات..
وكل دة فى الأخر هيصب فى بيتك واكيد هيأثر على حياتك..
لازم تعرفى هتعملى ايه علشان بيتك واسرتك تفضل محمية من أى تأثير خارجى؟؟
وهتواجهى ظروفك فى بيتك ازاى؟؟
وعايزاكى تعرفى قاعدة مهمة جدا: ان كتير من المشاكل ممكن تنتهى قبل ماتبدأ ودة من ا سلوب تعاملك فى بيتك مع زوجك.يعنى انتى حائط الصد الأول…وسلاحك هو.. ذكاء الأنثى اللى خلقه ربنا فى كل واحدة فينا والحمد لله.
على بركة الله نبدأ
ونبدأ من يوم الفرح والبنات اللى قرب يوم زفافهم وبعد كدة نتكلم عن الزواج بشكل عام وايه اللى الزوجة لازم تعمله علشان تملأ حياة زوجها وتحافظ عليه وتغض بصره و تعيش معاه فى سعادة.
حبيبتى يوم فرحك لازم تعرفى ايه الواجب عليكى فى الليله دى
اول لما ربنا يتمم الفرح على خير ان شاء الله وتروحى بيتك اول حاجة انك فى قرارة نفسك تشكرى ربنا سبحانه وتعالى على نعمة الزواج وعلى انه اختارك لتكونى اساس لتكوين اسرة مسلمة مستقرة بعد كدة طبعا هتغيرى ملابسك وتتعشى مثلا
بعد كده قبل الجماع هتدخلى الحمام وركزى معايا هتعملى ايه
طبعا هتاخدى شاور بس مش اى شاور
شاور يختلف عن اللى كان قبل كده ازاى؟؟؟؟؟
اعرفى ان دى اول مرة زوجك هيشوفك فيها ويقرب منك يبقى لازم تكونى a 1 يعنى على سنجة عشرة
تهتمى بالمنطقة الحساسة اثناء الشاور يعنى تبداى بتنظيفها بعناية فائقة بمعنى تغسليها بشاور جل يكون ريحته جميلة جدا وبعد كده لو عندك بودرة جسم ريحتها حلوة كمان مفيهاش ضرر وممكن كمان بعد الشاور جل والبودرة تعطريها بعطر خفيف عشان هى دى اساس اليوم وهتكون اول مرة زوجك يقرب منها اللى هى المنطقة الحساسة وطبعا كمان منطقة المقعدة نفس الاهتمام
تم الاستحمام بحمد الله.. كويس.. نيجى بقى اثناء الجماع مش هخوض معاكى فى تفاصيله لكن عايزة اقولك حاجة ان مثلا الدخول مش شرط يتم يوم الدخلة ممكن فى يوم تانى عادى جدا عشان الزوجين بيكونوا مرهقين من الفرح وأحداثه ولو صمم الزوج على الجماع فى نفس اليوم مثلا ولكن من الارهاق لم يحدث دخول ؟؟؟
عارفة تعملى ايه ؟؟
اوعى تبينى ان الموضوع فارق معاكى عادى خالص اضحكى ولا فى حاجة حصلت وقولى لزوجك عادى حبيبى احنا تعبانين من الفرح والجايات كتير المهم اننا بقينا مع بعض
غير كده يبقى هتحكمى عليه بالفشل كل ما يقرب منك عشان هيحس انه مش واثق من نفسه ده غير ان دى ليلة مش بتتنسى طول العمر يعنى تاخدى بالك من تصرفاتك معاه
وبعد كده تقومى انتى وهو تتفرجوا على التليفزيون وتشربوا حاجة وانتى قاعدة قريبة منه من غير ما تعملوا حاجة وهزرى معاه و…….نكمل…
اليوم ده يفضل ان شعرك يكون سايب من غير فورم ولا توك عشان الشعر السايب بيعطى احساس بالانوثة العالية وكمان لون القميص يكون اللون اللى الزوج بيحبه وفكرة انه لازم القميص يبقى فى اول يوم ابيض ده غلط مش شرط المهم يكون لون الزوج بيحبه
ولما زوجك يقرب منك اوعى تتكسفى بطريقة ممكن يزهق بيها
اخجلى فى اليوم ده مفيش مانع بس بدلال يعنى اضحكى ضحكة رقيقة وبصى شويه فى الارض وانتى بتضحكى عشان تحسسيه انه سيد هذه اللليله وانك خجلانه منه وهو طبعا لا مش هيكون خجلان وبعدين احساس الخجل الخفيف منك فى اليوم ده بيعطى احساس للرجل بكيانه…فهمانى
طبعا انا لازم اتكلم بمنتهى التحفظ فى موضوع زى ده عشان الادارة متحزفش الموضوع حاولى تفهمينى باقل كلمات اوكى .
نيجى عشان نختم الجزئية اللى تخص يوم الدخله وهى اثناء الجماع
برضة متخليش الخوف يسيطر على يوم جميل زى ده يعنى مش يجى ناحيتك تقولى لا استنى شويه لا بعدين الله يخليك او تبقى معاه وكأنك منتظرة للوجع ومركزة مع الالم
هو أصلا مفيش ألم ولا وجع غير حاجة طفيفة كده متستاهلش انك تخافى الخوف ده كله ومتسمعيش لواحدة اتجوزت وتقولك ياه ده كان يوم صعب بصراحة الكلام ده كله دلع بنات
ولا فى اى حاجة غير الم خفيف جدا ومع اندماجك فى الموضوع مش هتحسى بيه اصلا انما لو فضلتى مع جوزك مستنيه تشوفى فى وجع والا لأة يبقى عليه العوض مش هتكونى مبسوطه ولا هو بل بالعكس انت هتصعبى على زوجك المهمة هيحس انه بيعبر السد العالى..
تكونى عاديه جدا ومقتنعة ان اللى بيحبك واختارك تكونى شريكة حياته عمره ما هيأذيكى .
وتذكرى اشياء مهمة جدا جدا جدا …
ان اجمل حاجة فى الكون هو انك تتزوجى وتنجبى اطفال
واروع شئ هو انك تستمتعى بحياتك وانتى برفقة رجل يحبك
واهم شئ ان تستمتعى بكيانك الانثوى وان تكونى امرأة دائما وتستمرى امرأة …
طيب الحمد لله الدخلة تمت بخير والحمد لله عايزة بقى تسعدى زوجك وتحببيه فى القرب منك دة هيكون موضوعنا اللى جاي…
لمتابعة الجزء الثاني إضغطي على الرابط أدناه
العلاقة الزوجية..من الألف..الى..الياء..(الجزء الثانى)
روعة الشرح
مشكورة
اشكرك على ……الاهتمام
وكمان اسلوب شرحك رائع جدا
وفى انتظار المذيد منك
الله يسعدك