كفانا فخرا دعاء الرسول صلى الله عليه السلام لنا
بلدي غالي كتير على قلبي وما بدله وبعتز فيه
الوطن متل الأب والأم
سوريا فيها كتير أماكن سياحية حلوة و غريبة مو موجودة ببلد تاني يلي زارها شاف وحأحكي عن كم مكان
تدمر مكان أثري رائع عاشت فيه أهم ملكة زنوبيا
حلب معروفة بقلعتها الشامخة
حماة ونواعيرها الفريدة من نوعها
حمص ومسجد خالد بن الوليد وضريحه
صيدنايا وكنائسها القديمة الأثرية
كسب ومناظرها الأخآذة والطبيعة التي تسحر الأنظار وفيها غابات الفرلق و بحيرة مشقيتا الكبيرة
دمشق العاصمة العريقة وجبلها الشامخ قاسيون ما أروع السهرة على سفحه خاصة أيام الصيف والجامع الأموي الكبير الشاهد على التراث الأموي وبالقرب منه القلعة والسوق الشعبي الحميدية وكمان ما أحلى التلجة ببلودان والزبداني هواها بياخد العقل يلي زارها بيعرف خاصة أخواتنا بالخليج , وكتير بحب القرية الشامية يلي بطريق المطار هي مو من الآثار بس بتمثل البيئة الشامية القديمة بنصحكم تزوروها .
والأهم مياهها وهواها يلي ما مقدر من دونه والذي دايق بيعرف شو معنى كلامي
وشو بدي أحكيلكن على الأكل الشامي ما ذقت أطيب منه
الله يديم علينا نعمة الأمن والأمان
قولوا آمين
يلي زارت بلدي الحبيب تحكي عن زيارتها وكلي آذان صاغية
ويبارك بااهلها اصحاب المرؤة والشهامة
