السلام عليكم ورحمة الله وبركاته
اليوم قررت نحط ليكم الصور ديال البسطلية لي عملت و قبلوا علي اختكم يالله مبتدئة
على بركة الله
المقادير
دجاجة مقطعة + التوابل كاملة الا التحميرة + الزعفران + الكاوكاو مهرمش + 8 البيضات + ورقة البسطيلة + كيلو البصلة مقطعة + السكر سقيل و القرفة للتزيين و 3 ملاعق زبدة مدابة
نخليكم مع الصور
الدجاج طايب مع العطرية و الزيت و البصلة
نزولوا الدجاج من المرق باش يتسقطر و ينشف تماما
البصلة لي بقات لينا في الطنجرة نضيفوا عليها 8 البيضات و نخليوها حتى تنشف مزيان من المرق لي فيها
نمروا للدجاج و نقيوه مزيان من العظام لي فيه
https://files.mothhelah.com/img/qcc83547.jpg
نوجدوا ورقة البسطيلة ، انا عملتها غير في الدار ، المقادير هما الدقيق و شوية الملح و العجينة كتكون بحال ديال البغرير و نعملوها في مقلاة طيفال مباشرة فوق نار مهييييييلة بزاف او عملي حمام ماريا و حطي فوقو المقلاة كلتا الطريقتين تينجحوا
المرق ملي ينشف مزيان نوضعوه حتى هو في مصفاة يتسقطر الا بقات فيه شي حاجة ثم نضيفوا عليه السكر سقيل جهد 4 ملاعق كبار و نوضعوه جانبا
نهرمشوا الكاوكاو و نضيفوا ليه حتى هو ملعقة كبيرة سكر سقيل و شوية من البصلة لي عملنا باش يعقاد شوية لانه تيكون مفرق و البصل غادي يجمعوا شوية
ناخدو المول ديال البسطيلة و نفرشوا الورقة و ندهنوها بالزبدة و نفرشوا التفريشة الاولى لي هي الدجاج
و نوضوعوا فوقوا الورقة و ندهنوها كدلك بالزبدة
و نضيفوا التفريشة الثانية لي هي البصل و البيض و نوضوعوا فوقوا الورقة ثم التفريشة ديال الكاوكاو و نغطيو البسطيلة بالورقة من جميع الجوانب
نخليكم مع الصور
ندهنوا البسطيلة بالزبدة و ندخلوها للفرن و ها البسطيلة واجدة و لديدة بزاف
ما تبخلوش علي بالردود و الاراء و كدلك الانتقادات و الا كان شي استفسار مرحبا
شكله لذيذ
يسلموو