مساء/صباح الورد لاحلى سيدات
انا انخطبت 
وعندي نظرة شرعية الخميس الجاي>>قولوا ماشاء الله
تكفون ابي نصايحكم من ناحية اللبس ؟؟
واحط مكياج ولا لأ؟؟
البس شيله ولا افك شعري قدامه؟؟
طيب اذا جيت أباستأذن واطلع اخاف يقول لي بدري لاني حسب ماسمعت انه جرئ>>بس ان شاء الله مو معاي
وش ارد عليه؟؟؟؟؟؟؟؟؟؟؟؟
اخر شي>>اجلس واسولف معاه واسأله على شغله ولا اسكت وهو اللي يسأل وانا اجاوب؟؟
امانه اللي تدخل تنصحني بشي وعساه فموازين حسناتها
دمتم بود
أكيد يبي يكون معك محرم إذا دخلتي عليه يا أبوك أو أخوك أو خالك ولا عمك
ادخلي وقولي السلام عليكم وأنت ماسكة العصير قدمي العصير وأجلسي جلسة مستحية
أما من ناحية المكياج حطي خفيف لا تكثرين
أما من ناحية الشيلة الي هي الطرحة بعض الناس يلبسونها رغم أن العريس لازم يشوفك بدون شيلة
أجلسي هادئة أصلا تبي تجيك أم الركب هههههههههه من الفشلة
عاد إذا بغى يلطف الجو وسألك جاوبي عادي وبعدين قولي عن أذنكم
بس ابي اسألك سؤاال وش هي ام الركب؟؟؟؟
والافضل ماتسالي ولاتسووولفي لان الرجال جاي يشوفك نظرة شرعيه يعني تحت الاختبار تخيلي تسالينه وبالاخير مايكون نصيبك مو زينه بحقققققققققك ؟؟؟
الافضل تستحين ولاتسالينه وحتى اجابتك بهز الراس ياايه يا لاااااا
وكل ماستحيتي انجذب اكثررررر لك والله يوفقك ويكتب لك الحياه الموفقه
بس ابي اسألك سؤاال وش هي ام الركب؟؟؟؟
بالتــــــــوفيق
| اجلس واسولف معاه واسأله على شغله ولا اسكت وهو اللي يسأل وانا اجاوب؟؟ |
شنو تجلسين وتسولفين معه !! حسستيني انه صار زوجك !
لاحبيبتي لاتسولفي ولاتتعبي نفسك ، هذا لايزال رجل غريب عنك ولايحق له مجالستك
وفتح نقاشات معك
رب العالمين احلَّ النظره الشرعيه لكي يكون هناك قبول من الطرفين لبعضهم البعض وحتى
لايكون هناك غش وتدليس وخداع في الزواج ، وليس لكي يكون هناك مجالسه بين شخصين
لايحلّ لأحدهم الكشف على الآخر
عليك المحافظه على حشمتك ووقارك وإظهار شيئ من شعرك ليعلم زوجك لون شعرك وملمسه فقط
وإياك ان تُظهري شيئ من مفاتنك لهذا الرجل فهذا لايزال غريب عنك ولاتعلمين اين نصيبك!!!
مسألة شغله ونوع عمله وطبيعة حياته .. كل هذه الأمور على ولي امرك ان يتولى النقاش
فيها وليس انتِ ، هذه هي الأصول التي ربتنا عليها الشريعه الإسلاميه
وبالتوفيق ان شاءالله ، الله يكتب لك الصالح من امرك هذا