اهلا بالقمرات
ازيكم؟
النهارده عملت موضوع عن اطباق الدجاج بطريقتى الخاااصه
هنزلكم 3 اطباق انشاء الله
بس كلهم فعلا احلى من بعض
تعالو وشوفو بنفسكم
اول طبق دجاج كنتاكى ( او البروست زى ما يقال عنه فى السعوديه)
بصراحه جربت طرق كتير له بس استقريت فى النهايه على الطريقه دى
فعلا شهيه والدجاج ناضج من الداخل ومقرمش من الخارج شئ خيال
ابدأ معاكم بالمقادير
دجاجه مقطعه 8 قطع ومنظفه جيييييدا ونقوعه فى خل وملح ربع ساعه
ومنزوووعه الجلد ( فى ناس بتحبها بالجلد بس دى احلى وكمان الجلد بيشرب زيت)
بصلتين -6 فصوص ثوم -قطعه زنجبيل طازج بحجم اللوزة -خل تفاح- كركم
حبهان ( هيل) -ورق لورا( ورق غار) -فلفل اسود
بيضه- ربع كوب طحينه- دقيق
الطريقه كما بالصور
بعد غسل الدجاجه من الخل والملح
سلقتها فى ماء مغلى عليه بصله مقطعه وفصين ثوم وكركم وحبهان وفلفل اسود وملح وورق لورا ( طبعا عشان الدجاج تتشرب من النكهات اللذيذه من الداخل )
حضرت اللتبيله فى الكبه اللى هى( بصله وثوم وكركم وخل التفاح وزنجبيل وتوابل ورشه كمون) طبعا لو عاوزاها حاره تحطى الشطه او الفلفل الحار معاهم
بعد نضج الدجاج جيدا نخرجه ونكون نضع عليه التتبيله وهو ساخن حتى يتشربها بسرعه ونتركه فيها لمده ساعه تقريبا
وبعد مرور الوقت نضرب البيضه مع الطحينه وشويه ملح وفلفل اسود بيكون سائلين ونغطس كل قطعه فيها ثم فى الدقيق
حتى نخلص كل المقدار
ونكون مسخنين الزيت ونبدأ بالقلى ولا تجعليها تحترق فقط تاخذ اللون الزهبى لانها ناضجه من الداخل
ونخرجها على مناديل مطبخ للتخلص من الزيت الزائد
وتقدم
اتمنى تجربوها لانها طريقه فعلا لذيذة
وانتظرو الطبختين القادمتين للدجاج لانهم يجننو
ولو عجبتكم الوصفه متبخلوش عليا بدعواتكم الحلوووووة
واكيد التقييييييييييييم
أطباق حلوه
فطيره الدجاج
سهله ونتيجتها شيك ومميزة
اولا مقادير العجينه
كوبين دقيق – نصف كوب لبن بودره – ربع كوب زيت – معلقه صغيره سكره – نص ملعقه ملح – كوب زبادى – بيضه – ملعقه خميره – لو احتاجت مايه ضيفى شويه صغيرين
اعجنيها جيدا واتركيها تتخمر فى مكان دافى مع تغطيتها لمده ساعتين
ثانيا مقادير الحشوه
دجاجه مسلوقه يزال عنها الجلد والعظم وتقع قطع صغيره
بصله مقطعه شرائح فصين ثوم مقطع – سوسيس (حسب الرغبه ولكن الدجاج كافى)
فلفل اخضر مقطع شرائح -جزره كبيره مبشوره – 4 ملاعق كبيره ممتلئه مايونيز ملح وفلفل وتوابل مشكله ناعمه
طريقه اعداد الحشوةنضع البصل فى زيت عالنار حتى يزبل ثم نضيف الفلفل ثم الجزر والثوم وبعدهم الدجاج والسوسيس وطبعا ملح وتوابل ونقلب مده خمس دقائق ثم نطفى النار ونضيف المايونيز وتكون جاهزة
نحضر صينيه وندهنها بالزيت ثم نقوم بفرد العجينه مع ترك ربع العجينه جانبا
ثم نضع الحشوة
ونفرد الجزء المتبقي من العجينه ( عملته بالشكل ده )طبعا تقطعيها حسب الرغبه يعنى ممكن تعملى شرايط طويلها وترصيها فو الحشوه زى الشبكه برااااااااحتك
ونضعه اعلى الحشوة وندهن بالبيض المخفوق الوجه
وطبعا نكون مشغلين الفرن على درجه حرار متوسطه
وضعيها فى الرف الاوسط حتى النضج مع تحمير الوجه
ودى شكلها بعد خروها من الفررررررررررن سخنه وممممممممممم تجنن
نسيبها تهدى دقيقتين ونقطعها ونقدمها
ومش هقدر احكيلكم على الطعم
لاااااااااازم تجربوها
اما الطبق الثالت سهل جده وسريع كمان للى حابه تعمل دجاج سريعه ومش متعبه وكمان لذيذه
هى دجاج بالفرن
المقادير دجاج منظفه ومغسوله جيدا
تتبيله الدجاج عباره عن
نصف علبه زبادى بصله صغيره فصين ثوم قطعه جنزبيل صغير
4 ملاعق خل تفاح ( او عنب)
ملح فلفل سماق حبهان بهرات
الطريقه
حطى كل المقادير فى الكبه لحد ما تبقي ناعمه وتبلى بيها الفرخه عاوزة تسيبيها فتره براحتك لو مش عندك وقت على طول حطيها بصينيه وغطيها بالوق القصدير جيدا ودخلها الفرن
وبعد ربع ساعه افتحى الفرن بتلاحظى انها نزلت مايه كتير اقلبيها الناحيه التانيه وغطيها مره اخرى واعيديها الفرن
بعد نضجها تشيلي عنها الالومنيوم فويل وتسيبيها تحت شوايه الفرن عشان تتحمر كويس
وقدميها مع الارز حسب رغبتك
واشكركم على المتابعه
والردود الحلوة
عارفة اول مرة اشوف حد يسلق الدجاج قبل القلي بس ما بتغير طعمه ؟
بس فكرة حلوة فعلا :))
يسلموا الأيدين
اها فعلا يا فيري طريقه جديده
جربيها ان شاء الله تعجبك تسلمى يا عسل عالمرور الجميل
جى جى
تسلمى يا قمر عالرد الجميل
