السلام عليكم ورحمة الله وبركاته
من فتره طويله وفكرة وضع موضوع لتجارب واراء زبوناتي تراودني كثيرا ولكنني ااجلها دائما
ولانها تهمني ارائكم بالدرجه الاولى لتنبهني و تصحح من اخطاء قد اقع فيها وجل من لايسهو
ولانها بالدرجه الثانيه سوف تكون مرجع لزبوناتي الجديدات ومن سوف يتعاملن معي مستقبلا حتى يكون بين يديهن نخبه من الاراء
عموما سوف اجتهد و احاول نقل بعض من اراء زبوناتي في التعامل معي بكل امانه ومصداقيه وباقي الاراء في الرسائل الخاصه او الايميلات لم يتم حفظها للاسف لذلك سوف اكتفي بعرض عينات فقط من الاراء
ويسرني زيارة زبوناتي ومن تعاملت معي سواء في فساتين الزفاف او السهرات وتسجل رأيها وبكل صراحه ليستفيد غيرها من تجاربكم واذا كانت الزبونه ليست عضوه في منتدانا الغالي اتمنى ارسال رسالة ايميل وسأقوم بنسخها ووضعها هاهنا
وافضل ذكر المدينه اذا كانت زبونتنا الغاليه من خارج الرياض
اشكر كل من عطر صفحتي بمروره ورأيه الصادق
|
المشاركة الأصلية كتبت بواسطة ram123
 انا من الاحساء وتعاملت مع ام عبدالرحمن بصراحة اعجز وانا اقول عن هالانسانة راقية في التعامل وصادقة
ارتحت جدا في تعاملي معاك ياام عبدالرحمن ومن الافضل للافضل ***** الله احب اوضح للاخوات اللي حابين يتعاملون مع ام عبدالرحمن اني اخذت من عندها فستان فرح كان اكثر من رائع بالاضافة الى انها ساعدتني كثير في الاختيار…….ووصول الفستان قبل الوقت المحدد … انا بصراحة مبسوطة جدا في تعاملي مع ام عبدالرحمن الله يوفقها ***** الله ويجزاها الف خير |
|
المشاركة الأصلية كتبت بواسطة ~( ندى الورد )~
السلام عليكم ورحمة الله
بصراحه كان لي الشرف بالتعامل معاكم اختي ايمان ( رغم اني ماتعاملت معك مباشره .. تعاملت مع اختك اماني .. ماشاءالله لا اله الا الله كانت زي العسسسسسسسسل حبوبه وذووووق وولدي عبدالرحمن حبها ومابغى يطلع من عندكم خخخخخخخ ) طبعا انا عرفتكم من خلال توقيعك وتجربة وحده من بنات حواء معاكم وهي اللي شجعتني بصراحه وخصوصا اني تعبت كثييييييير وانا ادور فستان مناسب لزواج اخوي .. والفساتين بالاسواق مكرره او اقمشتها خااااايسه او اسعارها نااااااااااااااااار وهي ماتستاهل .. مجموعة الفساتين اللي عندكم حلوه وذووووق واسعارها مناسبه الله يبارك لكم في رزقكم .. ويعطيكم الف عااااااااااافيه .. سلامي لامونه .. ودمتم لاحبابكم |
واياك عزيزتي والمسلمين اجمعين
|
المشاركة الأصلية كتبت بواسطة هدى22
السلام عليكم
اخواتي الغاليات .. يعلم الله ان مالي مصلحة في كتابة الكلام اللي اقوله غير كلمة حق في هالانسانة الرائعة تستحقها وبكل جدارة وتستحق الدعاء لها .. انا زواجي بالصيف ان شالله .. ودورت فساتين بالسوق تناسبني وسعرها معقول .. وقماشها حلو ما لقيت ونا من مدينة أبها .. وعارفين البنات السوق مرة مافيه فساتين عرايس حلوة ابدا .. واللي في بلاتين تفضح وأسعارها نار.. كان من أجمل الصدف بحياتي اني دخلت هالمنتدى .. وشفت موضوع الاخت توب اليجنس في منتدى سوق حواء وبهرتني الفساتين بشكل ما تتصورونه .. وما توقعت فعلا ان هالشيء صحيح وان الفستان بيسافر الاميال ويجيني لكن الحمد لله كان حلم جميل وتحقق .. دعواتكم لي ربي يوفقني ويتم زواجي… انا بافصل لكم رايي .. 1- انا كنت حيرانة في الموديل .. وصراحة الاخت توب اليجنس ساعدتني بالاختيار وكانت صادقة معي .. 2- كنت خايفة من المقاس .. والحقيقية ان الفضل لله ثم لها في مساعدتي في اختيار المقاس .. 3-اخترت مجموعة فساتين وكنت حيرانة فيها وشارت علي بالافضل .. وارشدتني لتفاصيل اللون المتوفر والسعر لكل فستان بكل اخلاق عالية ..والحقيقة اني كنت مترددة من لون الدايموند وايت .. لكن بكل صدق كان حديث الاخت توب اليجنس عن اللون صحيح فعلا .. ولقيته مثل ما قالت بالضبط .. 4- تابعت وصول فستاني واول ما وصلها شحنته لي على طول .. 5- الفستان مشحون بعناية فائقة .. 6- ابشركم فستاني نفس الصورة نفس الصورة ..الحمد لله .. وصراحة اخلاقها رائعة .. بل اكثر من رائعة .. وحريصة جدا .. وتحس فيك .. وتهتم من اجلك .. وسعدت جدا بان هالانسانة كانت بحياتي وساعدتي في موضوع كان متعبني وهو فستان زواجي الله يريح خاطرها .. ويبارك لها في رزقها .. ويعلم الله ما من كلامي مصلحه ابحث عنها .. وعهدي بها قبل شهر لما وصلني الفستان .. لكن كان في بالي اكتب عن تجربتي معها .. لان هذا اقل شيء اسويه .. والله ما نسيتها من دعائي .. تستاهل الله يجعل امرها تيسير وتوفيق .. ويبهج خاطرها باللي تحب مع أصدق دعواتي .. اختكم هدى أبها .. |
|
المشاركة الأصلية كتبت بواسطة ميس و بس
مرحبا
انا من ابها تعاملت مع الاخت ايمان بصراحه كنت خايفه في البدايه تعاملها راقي فوق ما تتخيلون يعني تعاملنت مع غيرها كان يقولولي دوري واذا دورت وما عجبني شي يقولون حرام عليك و… اما ايمان هيه بنفسها تدور معايه و تساعدني غي الاختيار انا ماني ندمانه ابدا اني تعاملت معها والي بتجرب تاخذ منها لازم ترجع تاخذ مره ثانيه تسلمييييييين يا ايمان بجدو الله ماعرفت اشكرك قد المطلوب |
|
المشاركة الأصلية كتبت بواسطة sanyorta
مرحبا
برضو انا زبونه من مكه وكتير انبسطه بالتعامل ويا ايمان واشتريت فستان فرحي منها واكتير عجبني ووصلني الايبوع الي مضى ولسى زواجي بعد اسبوعين وكتير بتشكرها |
|
المشاركة الأصلية كتبت بواسطة أم أحلى عبود
يابنات باقولكم تجربتي كامله والله ما اقول غير الصدق وربي شاهد
كنت ادور فستان زفاف لأخت زوجي لفينا الاسواق ماعجبنا شي والأسعار نار ارخص شي تقدرون تقولي حلو ب5000 ويأخروا الموعد وتتورطون |
واكملت تجربتها برد اخر
|
المشاركة الأصلية كتبت بواسطة أم أحلى عبود
تعبنا وملينا وبالصدفه تعرفت على ايمان
وشفت فساتين الزفاف والله خياااااااااااااااااااااااااااااااااااااال قليله عليها والأسعار اروع وتعاملها وامانتها اروع واروع اتفقنا معاها بس بقينا خايفين من التأخير ومن المقاس بس ماشاء الله وصل عالوقت والمقاس والله كأنه مفصل ما شاء الله عليها دقيقه وساعدتنا وطمنتنا وكانت صادقه لما قالت ان مافي احد تعامل معاها وماطلع فستانه مميز ومقاسه تمام والله اخت زوجي طلعت بزواجها جنان ماشاء الله الله يوفقها وكل الحضور سألوا عن الفستان القماش والموديل والخياط مميز جدا والحين كل يوم احد يطلبه مني اللي تبي تتعامل معاها لاتتردد وبتدعون لي الله يوفقك يا ايمان وتأكدي ان كل فساتين زفاف اخواتي من عندك |