اختي وربي اني كرهت مصطلح الاخوة الطبيب يجيب 2024.

بسم الله الرحمن الرحيم
السلام عليكم ورحمة الله وبركاته
اول شي قبل لااقول مشكلتي ابغاكم تقرونها بكل صدر رحب
وتردون علي بعقلانية وحكمة لاني باخذ برايكم
انا يابنات امس حصلت بيني وبين اختي مشكلة عشان سبب تافه
اخوي العصر جاب ادوات المدرسة واختي هذي متزوجة وحامل وبتجلس عندنا كم شههر الين يستقر زوجها عنده ظروف المهم جاب اخوي الاغراض وحطها بغرفتنا وجيت انا اوزعها بين خواتي بحكم اني اكبرهم حاليا
ويوم جيت اوزعها جت اختي هذي وقالت لاختي الصغيرة لازم تاخذين قلم ثاني رصاصا للمدرسة قلت انا لا احنا متعودين الى منه خرب والا صار شي ع القلم هذا تاخذ الثاني .قالت لا مو بكيفك وقالت لاختي خذي وماعليك منها..وهي اصلا اختي هذي المتزوجة لاتدرس معانا ولا شي ولا لها دخل بيننا .واخذت اختي الصغيره قلم وجيت انا ابعودها تحافظ على المسؤولية وتتعود وقلتلها لا جيبي القلم اخذته اختي المتزوجة وقالت لا تاخذه يعني تاخذه تبي تمشي كلمتها علينا قمت انا سحبت القلم من يدها بس مسكته بقوة ودفتني وقالت لي والله لاخلي ابوي يضربك والله لاقوله انك تهجمتي علي وانا حامل وجا ابوي وجلست تشتكي وتبكي وتقول انها تبي تضاربني تبي تتهجم علي وقعدت تبكي والله اني قطعت صلاتي ورحت قلت لابوي اولا هي مالها دخل في السالفة بس هو لما شاف دموعها صدقها وجلس يسمعها وحط اللوم علي وانا تركتهم ورحت اعيد صلاتي ويوم خلصت قالتله اصلا الاقلام شروها لاختي الصغيرة وانو فلانة(اانا)مااحتاجها وابوي عب وهي وربي كذابة الاقلام لنا كلنا بعدين اي مدرسة هذي الي يدرسون من غير اقلام المهم قالي ابوي جيبي الاقلام ومرا ثانية اي شي نجيبه لاتقسمينه ولا تدخلين فيه طبعا تحطمت وحسيت باحباااط وقلتله طيب وطلعت..وجا اليوم اللي بعده وجت اختي اكبر وحدة تبي تصلح بينننا والله يابنات ان اختي طلع عليها كلالام تخيلو كان موضوعنا عن الاقلام شوي الاوهي تقول اصلا فلانة غيرانة من شعري وغيرانة من بياضي وغيرانه من وغيرانة ووووو ..حسيت انها بجد مغرورة والله وانا لاغيرانه ولا هم يحزنون لون بشرتنا قريب من بعض وشعورنا فرق بسيط بينها.وبعدين سبتني وقالت انو انا المفروض ينحط في وجهي………سبتني سبة قوية وربي ماقدرت اكملها
المهم سامحتها عشان الغالية امي اللي ارتفع عليها السكر بسببنا بس والله مو سماح من كل قلبي بس سلام بالايدي وربي يابنات ان سلامها كان باطراف اصابعها وهذ اختي كل ماتجي وربي تسبب لنا مشكلة السنة اللي راحت تلاحق وراي الا تتخاصم معاي وتتكلم علي بكلام مو زين والسنة الي قبلها وربي نفس الحال
وكل سنة انجبر انا اسامحها بس والله وربي مرا ثانية تتمشكل معاي ماراح اسامحها لا بالايدي ولا هم يحزنون.وبداية الاجازة اصلا شتمتني قدام خالتي وسكتلها ومشيتها بس والله مرا ثانية ماراح امشيهالها وربي بياخذلي حقي منها..
يابنات اشرايكم في موقفي منها وقولولي بصدق من الغلطان
ووش كان المفروض اعمل في موقفي هذا
وجزاكم الله خير