السلام عليكم ورحمة الله
اخباركم ياغاليين عساكم بخير
انا امي و ابوي متوفين الله يرحمهم وعندي3 اخوان و4خوات وانا الكبيرة واخواني الصغار على مسؤليتي وحده عمرها 21 والثانيه 18 و واحد 20 اما الباقي متزوجين وبينا مع اهلنا مشاكل يعني بس السلام وعليكم السلام
المشكله الحين عند اختي الي عمرها 18
طلعت تحب ممثله ومستخفه عليها لدرجه ماتتصورونها جوالها مليان صورها وتقول ابي اسوي شعري مثلها وكل يوم والثاني تسال انا اشبه لها او لا وليتها قريبتي وياحظ من يعرفها وكلام طويل ومرة جتني اختي الثانيه تقولي شوفيها تبكي بشكل هستيري انا رحت لها اشوف وانا قلبي متولع لما شفتها قالت لي الممثله الفلانيه اعتزلت الفن وانا ابي اشوفها واتواصل وياها
انا هنا ثرت عليها قلت لها وش الي يجذبك فيها تقولي كل شي فيها حلو وانا دايم اتخيلها معاي وادور عليها بالنت وماتحمل اعيش من دونها وكلام يطلع الشيب
يا بنات اختي متعلقه بهالممثله بشكل موطبيعي اخاف تسوي بروحها شي احنا جلسنا معها وهديناها بس مافي فايده وش بقى غير نفتح راسها ونطلعها منه
دبروا لي حل الله يسهل اموركم ابي حل يقنعها انها ماتفكر في هالمخلوقه هذي ابدا
والله ما ادري شقول لج
بس وضحي لأختج انه هالفنانة بشر حالها حالنا
و اعتقد انه هي فترة وبتتغير نظرتها وتفكيرها
الله يجزيج خير على خوفج وحرصج على خواتج
موفقة
استغفر الله العظيم الذي لا إله إلا هو الحي القيوم و أتوب إليه 
بس الحمدلله كبرت وعقلت لوحدي , يعني اهلي خلوني ازلف لوحدي !!!!
ما بالج انتي تتكلمي معاها وبتعلقي فيها !!!!
صدقيني بتنساها بس تعقل شوي ولا كأنها لا كانت ولا اسوت
الله يهدي اختج ان شاءالله