السلام عليكم انا اختكم من الكويت عمري 22 امي وابوي انفصلو وعمري سنتين عشت مع امي في بيت سواه ابوي حقي وحق امي البيت باسمي وجت خالتي المطلقه ومعها بنتين سكنت ويانا وابوي ساكن قبالنا في بيته مع يدتي و عمي .. امي تزوجت وعمري 9 سنوات و جابت ولدين و توفى زوجها في حادث بعد 5 سنوات من زواجهم ، علاقتي في امي جدا جدا جدا قويه و كمان علاقتي ب ابوي قويه وانا بنته الوحيده مشكلتي ابتدت من بعد ما صار عمري 18 و وصلت السن القانوني لسواقه بالكويت ابوي من فرحته اشتر لي سياره فخمه و هو مقتدر خوالي 3 الكبير عمره 37 مررره احبه وكل اسراره عندي وانا اسراري عنده حتى زوجته احبها خالي الثاني علاقتي مع محدوده وزوجته حبوبه مره و خالي الثالث اكبر مني ب3 سنوات وانا وياه مثل الروح بالجسد لان امي هي اللي ربته بعد وفاة يدتي بعد ولادته بشهرين ..
ابوي يحب خوالي الا خالي الثاني وخالي مايحب ابوي يكرره كرره مو طبيعي ودايم يسبه وانا كنت ازعل و خالي الكبير يقولي ماعليك منه هذا مينون .. خالي الثاني يحط عينه على كل شي معي يقول حق امي بنتج بزر توها مفتحه عيونها وتسوق هالسياره وانا سيارتي عاديه ابوي يعطيني مصروف فوق احتياجي عشان اذا امي احتاجت شي اعطيها . خالي الثاني مشاكلي معاه وايد دايم يقول حق امي لاتعطينها ثقه ترا البنات ماينعطون وليه بنتج دايم مع خالها الكبير يمكنه ياخذ منها فلوس انتبهي حق بنتج لا يلعبون عليها وياخذون منها فلوس وليش دايم مع خالها الكبير تراها تخش عنج اسرارها وتعلمه و دايم يزن على امي انها تعطيه مصروفي بحجة انه مفصول من دوامه وهو بحاجه وعياله وزوجته من يوكلهم . انا بالبدايه وافقت وعطيته مصروفي و بعدين اطلب من ابوي ابوي استغرب الصرف الزايد قالي شفيج صايره تصرفين وايد انتي تعطين احد من مصروفج قلت حقه لا بس اعطي امي ، المهم ابوي مايدري بعد فتره خالي صار يزن على امي ان بنتج عندها سيارتين خليها تبيع وحده وتعطيني فلوسها انا مابي ارد امي واطلعها بالشينه بعت السياره و جابت 15 الف دينار وعطينها امي وقلت لا تعطينه المبلغ كامل لانه بيرد ببغى فلوس ثاني مره، قبل ثلاث اسابيع ياي عند امي يقولها بيعي بيتج وتعالي اسكني معي انتي وعيالج بس بنتج خليها تروح عند ابوها في بيته بيته كبير ومافيه الا العيوز و ولدها انا هنيه وقفت في وجه و وجه امي قلت اسفه انا ما ابيع بيتي و ليش ابيعه حق شنو ، قالي انتي ماتبين تساعدين خالج محتاج قلت ما اشوف انك محتاج و زوجتك موظفه وانت توظفت قال مرتبي مايغطي مصاريفي و الصيف ياي ابي اسافر مع مرتي قلت اسفه خالي ما ابيع بيتي عشانك تبي تسافر المهم انه ترس راس امي علي وكذب عليها وايد ويقول اني مع ابوي عليهم واني ما احبها والله انها روحي و من هالكلام واني ابي اهينه بالمصروف و امي صارت بصفه الحين لها اسبوعين ماتتكلم معاي حتى اجي ابوس راسها ماتكلمني خالتي دايم تقولي ماعليج منهم سوي الي تشوفينه صح واقولها احكي معاي تقولي ما ابي ادخل نفسي بمشاكل انا غنى عنها ..،
اسفه على الاطاله
بليييز نصحوني ايش اسوي !!!!!!! كل يوم قلبي يتقطع عشرين الف قطعه على امي ما اقدر اعيش وهي زعلانه
ابيع البيت ولا شنو اسوي نصحوني خواتي
لا حبيبتي لا تبيعين البيت ولا غيره
خالج مب محتاج دام متوظف وزوجته متوظغة بيكون محتاج !!!!
يمكن اذا بعتيه وامج راحت سكنت وياه بيتحملونها شهر شهرين وبعدين بيضايجونها
خلي خالج الكبير يرمس امج ويقنعها وانه انتي لج في البيت ما يصير تجبرج تبيعينه
وانتي روحي لامج وقوليلها كيف ترضى تبيع البيت اللي يجمعكم وياها وكيف ترضى انه اتتي تسكنين ويا ابوج وتفارقيها
و فيه مثل يقول مد ريولك على قد لحافك …يعني خالج ما عنده فلوس مب مجبور يسافر
اقولها لج وبأعلى صوت لا عاد تعطيه شي شافكم متساهلين وياه وبصراحة زودها
موفقة
استغفر الله العظيم الذي لا إله إلا هو الحي القيوم و أتوب إليه 
إذا مـا تقبلت گلامگ گلمي آبوگ بالمشگلة و خليه يواجهه و يواجه أمگ ، و لا تبيعين البيت مهما صار ..
خـالگ گبير و رجال و يعتمد ع نفسه مو يأخذ مصروف بنت أختـه ..
،،
مــودتي ..
اول شيء الغلط والحق عليج
ليش انج من البدايه عطيتينه ويه وايت , بعتي السياره وتنازلتي عن مصروفج مالج
والحينه اكيد خالج ما بستحي وبطلب تبيعون البيت ليش مستغربه يعني ؟!!!!
الصراحه خالج له حق , يعني الي بتنازلون مره ومرتين سهل يتنازلون الف مره !!!
اجوف انج ترفضي ذا حقج وباجر برمي امج في الشارع , وانتي بعد يمكن تصير معاج مشكله في بيت الوالد بعدين وين بتروحي انتي وامج ؟!!! بتيلسون في السياره يعني ؟!!!
حبيبتي حطي في بالج ان خالج يحب نفسه , واهو مب محتاج شيء
وياني واياااااااااااااااج تبعين البيت باجر بتحسسفين وحيث لا ينفع !!!
رضي امج كل يوم واذا باعوا البيت تأكدي ان ابوج مو راح يسامحج !!!
صل الليل وادعي ان الله يصلح بينج وبين امج واطلبي رضاها كثيييييير
بس لا ترضخي انج تبيعي البيت باجر بتندمين !!!
الله يكون في عوووونج وموووووووفقه ان شاءالله
وقولي لامك نبي نعيش بكرامتنا مانبي احد يذلنا ولا ثقل على احد حتى لو خالي يا عزيزتي الاخت اذا اسكنت عند اخوها يحبسها ويخليها خدامه لزوجته فمابالك بالخال ولا تسمعين لهم ابدا بكرا تندمين وتقولين ياليت ما مابعت والا عطيت ولا يأثر فيك زعل امك وتحمليها انا ما اقولك صيري قاسيه عليها بس طيبتها بتضيعك وتضيعها ولو تقعد تقولك كل يوم بيعي قولي لها بقول لابوي وهذا حقي الشرعي ما يحق لاحد ياخذه مني بكرا تخسرين امك وابوك بسبب واحد معتبرك مصدر للفلوس وقولي لامك ما اقدر اساعد خالي بعد اليوم لان ابوي قام يسأل ويدقق وما اقدر اكذب عليه اكثر