السلام عليكم
كيف حالكم
مو عاجبني طبعي بحكم اني متزوجه وام ل3اطفال!!
انا على طول مرحه مبتسمه اي احد يناظري ابتسم كذا غصب عني ابتسامه صغيره بدون ظهور اسنان
حتى لو كان رجل اقصد اخوان زوجي اذا مرو قدامي خجلانين المفروض ما اعبرهم بس غصبن عني ابتسم والله يستر يقولو ان نيتي شينه
بالسوق لو خربط البائع بالحسبه ابتسم واقول الحمدلله اني متغطيه لو كنت مع دكتوري وانا اولد تعبانه اكلمه اشرح المي وابتسم او اقابل حريم ماعرفهم بالمستشفى او بالمشغل ابتسم لهم بدون ما اسولف بس تكفيني النظره
لما اكون والده تعبانه الي يزوروني ابتسم واضحك بعد وامي تقول اثقلي ترى بيصكونك بعين العجيب لمى اشرح المي اشرح وانا مبتسمه والدمعه بعيني
اتمنى اكون جاده وابتسامتي لاهلي فقط حتى دموعي استحي منها احس اني ضعيفه..
حتى لما اتناقش بجديه او اتهاوش ابتسم لما اسكت واستمع له واكون بداخلي مقهوره ماعرف اعبر بالتكشير
حساسه والدمعه بعيني كل شي يأثر فيني يبكيني قلبي حنون اذا ماعرفت اتناقش مع زوجي اطفش من الكلام مااكشر اقعد ابكي يستغرب علي يقول مركبه خزان بعيونك على اتفه شي تبكين وساعات يقول طفش مني لما يرفض لي طلب اي كان انقهر وادمع وبعدها انسى
عيالي اذا عصبت عليهم او ضربتهم ضرب خفيف بدون مايبكون على آخر الليل اناظرهم نايمين ادمع وانقهر اقول ليتني مامديت يدي
الحين لما اتذكر زوجي بداية الزواج كان حنون وطيب ويدلعني بالهدايا والمفاجآت والحين صاير قاسي مافي حركات رومنسيه وحب صابره عليه ومنغصه
ادمع بيني وبين نفسي واشتاق اعيش ذيك اللحظات نفسي اسميها خرابيط واطنشه زي مايطنشني بس اخلاقي ماتسمح لي دايم اعطي بدون مقابل ومازلت اعطيه الهدايا ومازت انتظر يفاجأني بسفره او حفله لذكرى زواج! مع الكل اعطي بدون مقابل رغم ان الكثير يفكر بنفسه احس اني الوحيده الي ماتعرف المصلحه ومحافظه على ابتسامتي والوحيده بهالعالم كله قلبي طيب
والوحيده الي يضحكون علي عشاني ادمع مثلا مع جمعه الحريم الي تحكي عن ولادتها او وفاة شخص ادمع مع ان صاحبة السالفه ماسكه نفسها ولما ادخل اسلم على الحريم اقابل الكل بابتسامه وساعات اعتقد انهم يضحكو على شكلي اني ابتسم يعني خلاص ماتو الي يبتسمون الراقيه الحين الي تسوي نفسها ماتناظر احد
وانا بداخلي هم وتعب وما ابين بملامح وجهي والكل ينظر لي ان زوجي مدللني وشايلني عل كفوف الراحه
ها ايش رايكم فيني استمر على ما انا عليه ولا لازم اتغير وهل ممكن يوم من الايام تفسر ابتساماتي بغلط؟
انا اتمنى القى وحده طيبه ع قد نياتها لاني صح عصبيه انا شوي بس انا مع الكل مبتسمه واضحك وع قد نياتي ولي حولي الله المستعان عكسي تماما وبعضهم يعتبرون الي يضحك ويسولف وينكت هاذا غبي والي حقود وشايف نفسه هاذا الزين .. لا العكس تماما انتي خليك كذا او شئ تؤجرين ع كل شئ تسوينه باذن الله و م عليك من اححد بس حاولي تثقلين شوي
والله يرزقك من حيث لاتحتسبين لانك انسانه طيبه وحنونه
الله يرزقني بصديقه مثلك
غآليتي أنتي إنسآنة رآئعه مآشآء الله حمآكِ المولى ورعآكِ ورزقك جنته
إنتي لو في مثلكِ إثنين ممكن الدنيآ الآن بخير …
حبيبتي لآيهمك أي إنسآن أو كلآمه دعيه يقول مآشآء وكيفمآ شآء
لآيهمك شي سوى زوجك وبيتك وأطفآلك وحآولي حبس دموعك
وأذرفيهآ وأنتي وحدك على سجآدتك لآن زوجك سيمل من هذآ الحآل
الآبتسآمة حآفظي عليهآ لآنهآ صدقة يآقلبي
موفقه
| وعليكم السلآم ورحمة الله وربركآته غآليتي أنتي إنسآنة رآئعه مآشآء الله حمآكِ المولى ورعآكِ ورزقك جنته إنتي لو في مثلكِ إثنين ممكن الدنيآ الآن بخير … حبيبتي لآيهمك أي إنسآن أو كلآمه دعيه يقول مآشآء وكيفمآ شآء لآيهمك شي سوى زوجك وبيتك وأطفآلك وحآولي حبس دموعك وأذرفيهآ وأنتي وحدك على سجآدتك لآن زوجك سيمل من هذآ الحآل الآبتسآمة حآفظي عليهآ لآنهآ صدقة يآقلبي موفقه |
اي احد يقول هاذا الكلام طنشيه ولا تعبريه خليكي
زي كذا لاتتغيرين